بنات لوكم في محلي وش بتكون ردت فعلكم

السلام عليكم اخباركم بنات اناساكنه مع اهل زوجي مالي الاملحق تعرفوني اضنكم قبل تكلمت عن نفسي المهم انكسرت يدولدي وسوله عمليه والحمدلله جبروهاالمهم اللي يعرفوني جوني وهنوني سلامته وشافوولدي وسلموعليه لكن اخت زوجي تجي يومياوتروح ماقالت بنادي ولداخوي اشوفه اتطمن عليه لانها كل ماجات العصراكون مع عيالي في ملحقي وتخيلوملحقي قدام شقه امها ونفس الدرجه تمرقدام الباب ماقالت اوخلت بنتهاتناديه وعشان تسلم عليه ابدمافكرت مدري وش ذالقطاعه الحين له شهرالاسبعه ايام ماحن قلبها عليها تمرتشوفه ومره جات وكنت اناوعيالي بالمقلط تحت مادخلت تسلم ولاتشوفه مرت مسرعه ورقت فوق عندامها مدري وش علتها اناادري انها تكرهني بس ذاولدهم مهماكان المهم امس جات ام زوجي وجايبه كيسه فيهاالعاب تقول هذي من اختك لعيالك وجابها زوجي لي عاداناعصبت وقلت ليه هي مادخلت اونادت ولدي تسوفه وتعطيه اللعبه قمت من القهركسرتهاكلها وقلت مانبي منها شي خلهااول تصفي قلبها واذاحناالحريم بيناشي العيال مالهم دخل قام زعل عشاني عصبت السوال هنا انتم لومكاني وش بتسون وش ردت فعلكم جاوبوبكل صراحه

37 تعليق 2,945 مشاهدة

شاركي في النقاش

سجلي الدخول لإضافة تعليق.

التعليقات

36
  1. @cake_pops

    والله تبغين ردي بصراحه انا عندي اخت زوجي وحده منهم العلاقه مررره كانت سيئه لكن كنت ومازلت اغظ الطرف وان كان بعض المواقف ابلعها بالقوه

    وهي ترسل العاب لأطفالي وتتودد لهم لكن يعلم الله اني لااكسرها ولا ارميها عادي اعطيهم اياه

    ماابغى عيالي يعرفون عن الكره والضغينه وهذي الأمور والحمد لله حد الآن عيالي مايعرفون ان علاقتي مع عمتهم جدا سطحية بخلاف باقي اخوات زوجي

    لكن حطي في بالك الأطفال اذكياء يعرفون اللي يحبهم واللي يكرههم مو لعبة ولا لعبتين تسحرهم

    بالرغم عمتهم هذي تهديهم اكثر الا انهم مايميلون لها سبحان الله يميلون للبقيه




    اما تصرفك كانت خاطئه قلبي خلي الأطفال يلعبون وتتصلي على اخت زوجك وتتشكريها وتقولين طيب عدي علينا على عصريه نتقهوى ولا اذا طليتي على امك دقي عليا نتلم ونشوف اخبارك ترى الحياة ماتسوى




    ( ومن عفا واصلح فأجره على الله ) تخيلي يوم القيامه ينادي منادي فيقوم فاليقم من اجره على الله تخيلي تكونين انتي من بينهم والله تحسين من جد ان الدنيا ماتسوى وانك جدا سعيده انك تنازلتي وضغطتي على نفسك وعديتي المواقف




    الله يجعلنا منهم حياتي يالله قومي وصلي ركعتين واستعيني بالله والله يوفقك ويعينك
  2. @norh66

    صاحبة الموضوع
    cake pops
    والله تبغين ردي بصراحه انا عندي اخت زوجي وحده منهم العلاقه مررره كانت سيئه لكن كنت ومازلت اغظ الطرف وان كان بعض المواقف ابلعها بالقوه وهي ترسل العاب لأطفالي وتتودد لهم لكن يعلم الله اني لااكسرها ولا ارميها عادي اعطيهم اياه ماابغى عيالي ي…
    الحمدلله اختي والله اني ادري انهاتكرهني الااني اسلم عليها اذاشفتها ولاابين لهاشي بس اذاجات عندولدي الصغيرمسوي عمليه وتعب وكل تعنى وسلم عليه الاهي تمرماتسلم لاوالله هي اللي تدورالشروالقطيعه والاوين راحت الانسانيه وترى هي قبل كانت تجيب لهم العاب وكنت اخذها واعطيها العيال ولااقول شي بس موقفها هذاهواللي خلاني اتصرف ذالتصرف وحسيتها ذالمره ااهانه لي كاني قاصرني العاب الحمدلله ماحنابحاجتها لكن هي بحركتها هذي اهانتني
  3. @dmoaa_alryad66

    ماتوقف الدنيا ع احد كان كبرتي عقلك وسحبتي عليها
    والعبه مصيرها تنكسر
    ماتبي تسلم وتسأل كيفها لا جاها شي لا تسلمين ولا تسألين
    حبيتي هالنوعيه تتعامل بالمثل من تحت لتحت
    ماله داعي التشره والعتاب صلتها مع اخوها و ولد اخوها
    الخين طلعتي بالشينه قدام زوجك الرجال مايحب الحرمه اللي قوتها عليه
    كان نزلتي ورجعتها لها زوجك ماله خص السالفه بينك وبينهت ليش تدخلينه
    وبعدين لو انك تنبين الصله اذا مرت تقول لها ليش يافلانه ما تسلمين الحقيها انشبي لها
    والا طنشيها هذولا الخيارين غيرهم
    ماله داعي وشوفي ردود البنات
    والله يشفيك لك ولدك
    سبحان الله وبحمده سبحان الله العظيم
  4. ابدا تصرفك غلط
    ماشوف شي يستحمل انك تسوين اللي سويتيه
    ان كان فيها شي بقلبها بسلامتها الدنيا ماتوقف عليها
    عشان ماشافت ولدك ، المفروض كبرتي عقلك وماسويتي اللي سويتيه ،
    انتي كذا العكس حطيتي نفسك بموقف يم دوجك موحلو
    وان عرفت هي انك مكسره برضو مراح تكون صورتك حلوه
    الحمدلله ع سلامة ولدكك ،
    سبح
  5. الملاك الوافيه
    ابدا تصرفك غلط ماشوف شي يستحمل انك تسوين اللي سويتيه ان كان فيها شي بقلبها بسلامتها الدنيا ماتوقف عليها عشان ماشافت ولدك ، المفروض كبرتي عقلك وماسويتي اللي سويتيه ، انتي كذا العكس حطيتي نفسك بموقف يم دوجك موحلو وان عرفت هي انك مكسره ب…
    سبحان الله وبحمده *

تابعي تجارب أخرى من هذا القسم.