ما توقعتها من صديقاتي

مستحيل يكونون صديقات

يا قلبي نفس الي كانو عندي اسحبي عليهم واصحك تقولين لهم شيء وانتي مو محتاجتهم عيشي حياتك وانسيهم واحذفي ارقامهم
دوري لك شغل كوني نفسك الى ان يرزقك بولد الحلال الي يسعدك بعد الله

ياقلبي انتي ... شوفي وخوذي مني ومن تجاربي بالحياة والصداقة
كثييييير من الصديقات اذا تزوجوا يحاولون يبتعدون عن صديقاتهم اللي ماتزوجوا لعدة اسباب
بعضهم يشوفون انهم صاروا بنعمة ويخافون من حقد البنات وحسدهم وعينهم وشفحتهم على الزواج
وبعضهم تشوف انها عقدة وانحلت وان صديقاتها مازالوا بعقدة العزوبية والعنوسة فتحاول تبتعد عنهم عشان تشوف نفسها مع مجتمع المتزوجات عشان تعوض النقص اللي كانت حاسه فيه
بعضهم تنشغل وتشوف ان زوجها واطفالها وحياتها الجديدة مالية عليها قلبها وحياتها فمامحتاجه لاحد من صديقات العزوبية يعني اكتفت عاطفيا ونفسيا
وبعضهم تجيبها من ناحية الكبرر والغرورر وانها حلوه ومرغوبه وحظها حلو عشان كذا تزوجت وان صديقاتها اللي لسا ماتزوجوا مسيكينات وعليهم الشفقه وماحد يبيهم وللحين ماقدروا يحققون حلمهم بالزواج زيها
وبعضهم تحس انها خلاص كبرت واعتلا مقامها في المجتمع لانها اصبحت متزوجه فلازم تترك شلة العزابية اللي ماهم مكانة في المجتمع
وبعضهن من الاساس ماتحبك ولاتودك بس جامعكم المصالح المشتركة وانكم شلة وتجلسون وتسولفون مع بعض واول ماتتزوج تبيع وماهمها لاصداقة ولاعيش وملح
وبعضهم غصبن عنهن اشغلتهن الحياة والدنيا بظروفها ومشاكلها وحلوها ومرها والمؤمن لازم يعذر المؤمنين ويسامحهم
وبالنهاية عيشي لنفسك وحبي نفسك وامك وابوك واهلك ودوري رضا ربك ووالله اذا امتلأ قلبك بحب الله وطلب مرضاته ماراح يهمك فلانه قالت وفلانة جحدت وفلانة ماسلمت ... عاااااادي
وعلى فكرة كثير من اللي زي صديقاتك كانن في يوم يشتكن ان فلانة تزوجت واسحبت علينا وبالاخير تزوجن وسون نفس الحركة لغيرهن
فعااادي ياقلبي كبري قلبك ووسعي صدرك وعيشي مفوضة امرك لله ومتوكلة عليه
وليا تزوجتي وبإذن الله قرييييب بتتزوجين تذكري مشاعر صديقاتك العزابيات ومو لازم تتواصلين معهن كثير لكن لاتجرحينهن بالجحادة
الله يوفقك ويسعدك يارب ......

ياشيخه طنشي ياكثر البنات اللي زي كذا اللي حابه تتواصل حياها وللي مو حابه مع نفسها والله يكثر الصديقات و بكل مكان موجودين والله يسهل لها دربها

والله وانا منك لا أواجهم ولاشي خليهم بقلعتهم ماوقفت الحياه عليهم احذفي ارقامهم وبس ريحي راسك