عالم المطلقات ... فضفة

معاك بكل كلمه مو الوحده لاتزوجت كرست حياتها له واذا طلقها تحس نفسها بعالم غريب معندها شي ضايعه وحزينه .....

انا تطلقت وولدي الوحيد عمره 4 اشهر تقريبا وولدي جالس معاي ولافكرت بيوم اني اتزوج واتخلى عنه والحمدالله توظفت واعتمدت على نفسي وولدي كبر الان في المتوسط وحياتي ماشيه ياربي لك الحمد . والله اهم شي الوحدة تكون مع عيالها وماتفرط فيهم وتقدر الوحدة تستغني عن الزوج اذا توظفت واعتمدت على نفسها

اعرف واحده قريبتي تطلقت قبل 6 شهور
وبعد الحمدلله ما حملت
المهم هي الان مخطوبه الله وفقها برجال ان شاء الله انها توفق معه والله يعوضها عما فات زواجها بعد ايام
تناقشت معها وكان بيننا هذا الحوار
هي : الحمدلله افتكيت من غثاه
انا : وش غثاه وش سبب طلاقك
هي : انسان غير طبيعي من بعض عيوبه انه كان يطلب مني البس عند الخروج بمزاجه هو واعرف الرجال يغارون ويبون الحرمه تطلع وهي لابسه محتشمه هو لا يبي لبس متفتح ومخصر وانا طبعا كنت ارفض وكان يزعل ويهاوش ولكن كنت ما اطيعه بهذا الامر لانه لا طاعة لمخلوق في معصية الخالق وطبعا كنا احيانا نتزاعل واحيانا نكنسل الطلعه كلها لهذا السبب .
انا : اعوذ بالله من الشيطان
هي : لا بعد فيه امور ساترها الله بيني وبينه وما ابي احد يعرفها ولا قلتها لاحد ولا نا قايلتها لاحد
انا : طيب والحين وش رأيك بالزواج مره ثانيه
هي : الزواج قسمه ونصيب وباجرب حضي مره ثانيه والتوفيق من عندالله
انا : مافيه شك التوفيق بيدالله والرجال ماهم سوى فيهم الزين والشين ...انتي مرأه محترمه وبنت رجال واكيد اللي مثلك اتعلَّم منها .. الحياه وانا اختك تحتاج صبر وحكمه وتروي في اتخاذ اي قرار وبين الزوجين دائماً المفروض كل مشاكلهم تنحل بالحكمة والعقل ويكون بينهم تفاهم وحوار مستمر لحل مشاكلهم بينهم ، اذا الرجال مافيه عيب من ناحية الدين ( صلاه وصوم وطاعه لله في باقي دينه ) فان الباقي من الأمور مقدور عليها ويمكن حلها بالتفاهم والكلمة الطيبه والاحترام المتبادل
وحتى لو زوجك فيه بعض الاخطاء المفروض تناقشون لحلها بأسلوب طيب ، والمرأة بعد اذا لقى منها زوجها بعض الاخطاء المفروض يكون رجال صبور حكيم فاهم ويحترم زوجته ويقدرها حتى لو كان بينهم اختلاف بوجهات النظر ..
وبعد مهم جداً مهما زعلتي من زوجك ومهما اخطا عليك لا تدعين عليه ادعي له دايم بالهداية والصلاح لأنه اذا اخطا عليك ودعيتي عليه اكيد بيزيد بلاه وانتي اول من يتضرر منه اما اذا دعيتي له بالهداية فانتي المستفيده لان هدايته فايدتها لك .
هي : كلامك عين العقل الله يسعدك وبأخذ بكلامك باذن الله وانا نيتي من اول يوم اكون معه صريحه واتفاهم انا وياه على اننا نكون متعاونين في حل اي مشكله تحدث اول بأول وأي خطا مني اعتذر منه وأي خطا منه المفروض يعتذر مني علاشان تكون حياتنا ما فيها مشاكل ونخفف قدر المستطاع من المنغصات في حياتنا من اجلنا ومن اجل عيالنا اذا الله رزقنا بالذرية يكونون أسوياء ما يطلعون معقدين ومرضى نفسيا بسبب مشاكلنا ...
اما الدعاء بصراحه انتي صادقه المفروض بدل الدعاء بالشر ندعي بالخير لأنك اذا دعيتي على زوجك وزادت غوياته وضلاله اول من يتضرر انتي واذا دعيتي له بالهداية والصلاح اول من يستفيد انتي ...
انا : الله يوفقك ويسعدك ...
انتهى الحديث بيني وبينها ....
الله يوفقها
ويوفق الجميع ويسعد الجميع يارب ...

انا تطلقت ومعاي بنوته عسل الله يخليها لي ولا يحرمني منها ... ولان الطلاق تم برضى الطرفين الحمدلله يعتبر طلاقي ولله الحمد طلاق ناجح مافي اي مشاكل مع اهل طليقي بالعكس يكنون لي الود والاحترام وانا كذلك و بنتي عايشه معاي وعلاقتها بوالدها جيده جدا .. تعلمت كثير من تجربتي السابقه والحمدلله كلي رضا بأمر الله .. احيانا قليلة احس بغصه ولكن يزيل هذت الاحساس نعم الله الكثيرة حولي اهمها ان اهلي جدا متقبلين وضعي وداعمني ماليا ونفسيا ... مشكلتي الوحيدة اني اشعر بالوحدة ومحتاجه لشريك في حياتي يعوضني عن مافات و بنتي مانفسي اتركها خصوصا وان والدها مستحيل يخليها معاي فحال زواجي .. لكن ثقتي برب العالمين كبيرة جدا وواثقه بيجي اليوم اللي بيعوضني عن كل وجع وكل هم وكل دمعه نزلت من عيني والحمدلله دائما وابدا

اختي الشي ذا نصيبك من دنيا ماعليك من كلام ناس الى اي مطلقه ربما كان هم وانزاح عنك كل شي مكتوب لك في هالدنيا بأامر الله ولاتدرين وين الخيره لك ربك يعلمها ليش الجزع وتحسر الارزاق والاقدار مكتوبه لككل وحده فيكم سوا مطلقه او متزوجه لاتقولون طلاق وماادري ايش صدقني ان كاتب لك ربي طلاق لابد يصير مهما كان والي مخبي لك امور الحياه الله سبحانه وتعالى موو ناس عشان تجي وحده متزوجه وتفلسف ليش مطلقات هذا مو بيد اي مطلقه وبعضهم اكيد ان الحياه مع زوج لاتطاق والا كان ماوصلت الى طلاق وربي يعوض ويعطي وياخذ ولله الحمد وسعي صدرك اختي وثقي بالله يعوضك من هو احسن وارجل منه.