اهمالنا

السلام عليكم وتقبل الله منا ومنكم صالح الاعمال.
الموضوع وما فيه اننا عايله مكونه من خمس بنات واربع عيال
بيتنا وسخ ونظافتنا صفر اخوالي واعمامي تركونا ما يجون الا من عيد لعيد ومعذوربن محد يبغى ناس زينا
اخوي يقول بيخطب ويقول متأكد ميه بالميه محد بيحضر زواجه ابوي ما يحضر مناسبات الناس ابداً وسوا حفله لاخوي اللي قال بيخطب قبل فتره ومحد حضر
اخواتي من الكبيره للصغيره كل وحده على جوالها من تصحى لين تنام والبيت الله اعلم فحاله بين كل اثنين منهم مشكله
خالي كم مره يلمح ان البيت وسخ بس محد له وجه يرد عليه المهم صاروا حتى بمناسباتهم ما ينادوننا وبالعيد سلام من الباب ويمشون
تجمعت المواقف والدق بالكلام من خوالي والناس لين ما حسيت انه جاء وقت التغيير سويت جدول لتنظيف البيت وقلت كل وحده تختار اليوم اللي يريحها ويناسبها وتحس انها تقدر فيه وكل وحده اخذوت لها يوم وانا اخذت ثلاث ايام المهم انا صرت انظف واجهد نفسي وبيومهم كل وحده تحط رجل على رجل وكلمت امي وامي ما قدرت عليهم لكبر سنها لنا وغير كذا اخر وحده الومها هي امي لانها ماقصرت بسس كانت لازم تشد علينا انا تحطمت.
انا قبل الاخير من اخواتي الخمس احس اني تحطمت الناس هجرتنا واشكالنا الله اعلم بها حتى طبخ محد يعرف يطبخ المهم رمضان اللي راح قررت اني ابدا رمضان بتعلم كل شيء ناقصني تعلمت اطبخ وانظف واهتم بنفسي من ماسكات ومكياج وكل شيء احس لنه لازم كل بنت تتعلمه ..
جات اختي الكبيره وانا جالسه احط ماسك قالت لي لو تسوين من هنا لبكره ماراح تتغيرين ولا تحلوين حزت فخاطري كلمتها
اختي الثانيه تقولي مكياجك يشوه الوجه وتضضحك واذا جات مناسبه تجيني عشان احط لها واحط لها وتخلص المناسبه وترجع للكلام هذا .
اختي الاصغر مني من بديت اهتم بنفسي والله ما تكلمني لين هالشهر رغم اننا بغرفه وحده بس لسانه ما تحطه بلساني وانا ماسويت لها شيء وتضحك على اي كلام يجيني حتى لو كان مدح .
مدري شلون ارد عليهم لاني احس تحطمت من كلامهم وتركت العنايه فتره بس رجعت لها والقى نفس الكلام، يعني حاولت اغيرهم بطريقه حلوه مو راضين وما يبون احد يتغير .
اخوي عرف لنفسه تركنا راح برا المدينه بحجه الدراسه رغم انه يقدر يدرس هنا وانا شلون انفذ بجلدي لان اذا تركتهم راح ياكلوني وراح يحطموني وانا محطمه اصلاً