تبآشير آلسعــ( 6 )ــآدة لأمهآت موآليد مآرس وآبريل 2016 🐣🎉

طابتن قبل اسبوعين كان اثنين سانتي وطلعتي ولا يمديك ولدتي لو جلستي بس مكتوب
الحين كم سانتي معك

ام حمدان نفس كلام دكتوري كان يأجلني عشان الوزن وجالسه احمد ربي اني تاخرت جاء نتفه وزنه 2،600 وانا على نهاية التاسع

ياعمري الاميره بنار الحمدلله على السسسلامه❤❤
،
طابتن ههههههه انا خايفه من هالنقطه اخاف يمسكني الم واروح ويكسحوني يقولون مافيك شي خصوصاً زوجي حاط بباله اني ماراح اولد الا بالعشره الايام الاولى من العاشر حاط ابعد احتمال وكل ماقلت شي او احس بألم قال بدري مع اني بكريه وهو جاهل بالحمل بس لان مره قالت له وحده من قريباته العاده الحريم يعوشرون وخلاص مسكها😂. خايفه من سالفة البانيو والمويه الدافيه

اكشن ولادتي
ماتحسون اني حمستكم من كلمة اكشن هههههههه
انا زي ماقلت لكم انه من يوم الخميس تجيني مغوص خفيفه وتروح يوم الجمعه بديت احس بالطلق والله رزقنا هذاك اليوم بمطر في جده وجلست ادعي وقت المطر انه الله يرزقني الولاده السهله الميسره ويسخرلي خير خلقه
الموهيم الليل صارت الطلوق قويه كل عشر دقايق طلقه واخذت سبحتي ورحت امشي وجلست استغفر واحوقل اصلي على الرسول وادعي الين تعبت ورجعت البيت تعشيت عشا خفيف وجلست انظف شويات في البيت على اذان الفجر تخيلو كان بين طلقه والثانيه سبعه دقايق صحيت زوجي ورحنا للمستشفى دخلت عن طريق الطواري تصدقون من يوم شفت وجه الممرضه وانا حاسه بضيق من تعاملها معي حطتني على الجهاز وكشفت وقالت لي ولاده مفتوح اربعه سانتي وخلتني عندها لين سبعه ونص بعدين قالت لي روحي مستشفى ثاني مافيه سرير
انا هنا انصدمت وين اروووح وانا خلاص ولاده كان من يوم شفتيني قلتي لي ماهو تجلسيني وتضيعين وقتي
رحت قلت لزوجي قال الا تدخلين بروح اكلمهم قلت له والله ماتكلمهم وتجلس في جدال انت واياهم بسرعه خلنا نمشي نلحق حالنا
قام قال مافيه الا مستشفى المساعديه هالمستشفى يابنات كنت رافضضضته لاني قريت فيه كم حالة اهمال المهم فوضت امري لله وقلت له مشينا طلع الاخ مايعرف مكانه وصلنا لهم الساعه تسعه والطلق صاير كل اربع دقايق طلقه دخلت الطواري كشفت الدكتوره قالت لي سته سانتي ونبض البيبي ضعيف حسيت اني بموت لمن قالت لي عن نبض البيبي واجلس ادعي ربي خصوصا ان عيالي الاولين يضعف نبض البيبي زي كذا على النهايه واجيبهم بالشفط وهاذي المره كنت اقول اجيب عمليه ولا اجيب شفط
وعلى طول حولتني للكشك لمن دخلت جاتني القابله ووحطت جهاز النبض قالت لي نبض البيبي ضعيف وراحت نادت لي دكتوره الله يسعدها يارب دخلت الدكتوره وشافت موية الجنين قالت لي المويه نزلت مافيه الا شوي بنزلها لك وانتي تحملي لاني ابغى اولدك يابنتي وجلست تحوس بيدها فيذاك الوقت حسيت بدف قلت دكتوره احسبدف كشفت قالت تسعه سانتي اللهم لك الحمد يالله دفي واشد حيلي اشد رجولي على فوق بيدي وانزل ذقني على صدري وادف يمكن خمس دقايق الا البيبي طالع الحمدلله وهاذي الحركه اثناء الدف ساعدتني كثير يابنات اللهم لك الحمد
اللهم لك الحمد
دائما يابنات ادعو الله واستخيروه واعرفو ان الخيره فيما كتبه الله لك انا زعلت يوم رحت للمستشفى حق المساعديه وكنت دايما ارفضه طلع افضل من الي انا كنت اعرفهم واجيب دايما عندهم
وبالنسبه للمحرضات مويه زمزم كنت قاريه عليها ورد تسهيل الولاده بس هاذا الي استخدمته طول شهري ولمن بدا الطلق اضفت الزعفران

ماشاء الله
يارب لك الحمد والشكر فعلا مافي زي الدعاااء والحمدالله على سلامتك وربي يجعله من الصالحين