زوجي يغاااار من أخواني🤔 تصير؟ احد مثلي😐 تعالوا ساعدوني ربي يخليكن❤

مساء الخير كيفكم حوائيات
بدخل بموضوعي على طول وربي يخليكم اللي عندها حل او حصلت معاها تفيدني بتجاربها
الله يناول كل وحده مرادها ومناها ياارب
زوجي يغاااار من اخواني غيره شديده
اذا جات سيرة احد منهم ومدحت بكلمه وحده يقوم ينتقد ويحسسني انه عادي بس انا ابالغ
او مثلا حس أني أحب اخوي الفلاني وقريب لنفسي
أحسه يحاول يقلل من قيمتهبطريقه غير مباشره يذكر له موقف مو حلو أو يذكر عيب من عيوبه حتى لو كان اخوي ذَا مثالي يدور اي نقطه مو حلوه ويذكرها
مع الأيام اكتشفت انها غيره
مثلا اتفق انا واخوي نتلاقى عند اهلي طبعا جلسه عائليه مع زوجته واولاده يطفففش
يجلس كل شوي يدق عليه نرجع البيت
والله احيانا يحاول يخرب روحتي لأي سبب
وأحيانا يغريني بتمشيه ادا عرف أني بجتمع مع اخواني
اللي قاهرني مو بس اخواني حتى اختي يغار منها اذا قلت بنتلاقى 😶😶
يجلس يعلق
وإذا رجعت برضه يعلق وياخذ اهم الأحداث
واصلا اذا حس أني متحمسه للجمعه يطفففش ويبان بوجهه
ويحاول يجيني بدري😑😒


زمان كنت احس انبسط اذا جا نرجع البيت
بس تلحين بديت اطفففش ابي أخذ راحتي
واسهر عند هلي او ابات زي بقية الحريم
اذا باتوا خواتي
الله يفرجها علينا وعليكن
مع العلم احيانا اذا جالي نتهاوش بالطريق وحنا راجعين بيتنا بسببه وش صار ومين حصلتي
او يقلبها فلم حزين انه طفش ويبيني اجلس وياه
او انا اتنرفز واجلس طفشانه لانه مرجعني بدري ومخرررب علي ام السمررره😟😞
انا أتكلم عن اهلي واجتماعي فيهم سوا اولاد او بنيات
لكن مايمنع اذا قلت بزور أمي واجلس وياها عادي
لكن برضه اذا طووولت يتصل يقول خلاص انا جاي
اللي عندها حل
بالذات لغيرته من اخواني وربي يابنات يغاااار
وانا ما ابين محبتي لاخواني صرت اسولف عادي
واذكر اللي حصل مثلا بدون تمداح
ماعمري جلست على راحتي مع اخواني احس ماااايعطيني فرصه
تعببببت مدري وش السواة
ودي أخذ راحتي واجلس مع اخواني واحاكيهم
ونجتمع وياهم بدون مايحصل شي بيني وبينه
كيف اخليه يتعود على انه عااادي ومافيها شي؟!!؟
وبحيث ماااايتحسس أبدا


اتحفوووني بتجاربكم او آراءكم
ياحكيمات حواء،،،