اخواتى الفاضلات موضوع جديد لتلقى الاسئلة للدكتورة راندة فخر الدين

السلام عليكم ورحمة الله وبركاته
هل يمكن معرفة جنس الجنين في منتصف الشهر الثالث حيث كانت آخر دورة في 19-5-1427هـ
وعملت لي الدكتورة أشعة صوتية وأخبرتني مباشرة بجنس الجنين حتى دون أن أسألها لأني مستبعدة إمكانية معرفة نوعيته من هذا الشهر ..فما رأيك ؟
وجزاك الله كل خير

السلام عليكم
دكتورة انا الحين بالشهر الثامن بالاسبوع 35 رحت مراجعتي اليوم
ولما لمست بطني قالت ان البيبي راسه فوق وخلال اسبوعين
اذا مانزل راسه تحت راح انزله انا
انزين انا استغربت من كلامها
شلون يعني تنزله انا ميته خوف من هالسالفه
يعني تدخل ايدها ولا شنو عفيه قوليلي لان هذا اول بيبي ومو عارفه شنو قاعد يصير :(
وفي سؤال ثاني انا زوجي لي الحين 3 شهور اهو من نفسه مايجامعني
وسمعت ان الجماع يسهل الولاده
انزين واذا ماجامعني راح يكون في صعوبه علشان يتوسع عنق الرحم ؟؟؟؟؟؟
ومشكووووووووووره يالغاليه مقدما

السلام عليكم يادكتوره
الله يعطيك العافيه وجزاك الله خير
صديقتي يادكتوره تشتكي من زيادة ايام الدوره لها3 اشهر وهي متزوجه ....ومن اول شهر زادة عليها ايام الدوره وصارت تجيها في الشهر مرتين وغزيره مره راحت مستوصف اعطوها ديفستون مثبت قالوا يمكن حمل ووقف الدم المسكينه استمرت عليها فتره وبعدين تركتها لما طلعت ماهي حامل وراحت مستشفى ثاني واعطتها حبوب تنظيم الدوره والحين جاء موعد الدوره وماجتها لها خمس ايام تأخرت وحللت بجهاز اختبار الحمل المنزلي وطلع سالب وهي تحس بثقل في صدرها والام شديد في ضهرها وتريد تعرف حالتها يادكتوره مع العلم سوت تحاليل وطلع كل شي عندها سليم بس اعطتها الدكتوره حبوب تنظيم الدوره افيدينا الله يسلمك يادكتوره.........

السلام عليكم يادكتورة
بغيت استفسر عن ضرر الفيتامينات على الحامل في الشهر الأول
تناولتها وانا متوقعه انها ميده وتفاجأت لما قالوا ماتنفع الآن
خصوصا ان فيتامين أ هو الغالب فيها؟؟

السلام عليكم ورحمه الله وبركاته
ابي اسالك يادكتوره انا الحين لي بعد الاسقاط شهر وسبعه ايام الى الحين ماجتني الدوره سويت تحليل امس تحليل منزلي وطلع النتيجه سالب
لي فتره احس باعراض الدوره من الالم الظهر والم بالجهه اليمنى وانتفاخ في الصدر بس ماتنزل تعبتني كثير ابيك تشخصين حلتي وتقولين ايش الازم اسويه