الموظفات وربات البيوت يدخلون

بما اني موظفه واعرف وضعك يبغالك تنظمين وقتك اول ماترجعين من دوامك تقيلين شوي والافضل انك ماتنومين علشان لاتكونين مرهقه طول اليوم
بعدين اشرفي ع بيتك شوفي الشغاله وش سوت وتابعي عيالك درسيهم واجلسي معهم خلي يومك مرتب
لو ماعندك شغاله وش بتسوين ؟؟!!!
مع التنظيم الوقت كل شي بيتعدل معك الوظيفه مهمه بهالوقت واذا راتبها مغري ع قولتك حرام تتركينها
انتي يبغالك تنظيم لوقتك ولنومك بسسس
وبعدها تتأقلمين ويتعدل وضعك وتقدرين توفقين بين بيتك والدوام
اول ماتوظفت كنت مثلك نومي حوسه وكلش حوسه حتى غرفتي بالاشهر انظفها كلش متبهذل بس مجرد اني رتبت نفسي وصار وقت نومي 10بالليل وانا مرتاحه الحمدلله

الله يكون في عونك كل مشكله لها حل ان شاء الله اهدئي وفكري كويس واستعيني بالله تعالى بالنسبة للوظيفه ممكن تاخذي اجازه بربع الراتب الين ترتبي امورك واعرف موظفات وعندهم اطفال وماعندهم شغاله وماشيه امورهم والحمد لله والشغاله اللي ماتريحك احس بلاها ووجودها مصدر للمشاكل انتي تعتمدي عليها وهي مو قد المسؤليه والزوج ماراح يعذرك لان عندك شغاله وانا وجهة نظري انك تمشي هذي الشغاله وعيالك توديهم روضة او عند احد قرايبك واذا ماتقدري غيري الشغاله وجيبي وحده بدون جوال ومشيها على نظامك او اذا ماتقدري تغيريها حاولي معاها واعطيها حوافز ماديه هديه وربي يسخرها لك. وانتي يومالاجازه خلي يدك بيدها وفهميها شغلك وصلحي معظم اشغالك

والله ياخيتي لو عندي وظيفه لاانشب مو انيابي الا ضرس العقل فيها
ياختي ماراح تحسين بحاجتك للوظيفه الا اذا قعدتي كم شعر تترجين واحد يعطيك كم ميه عشان تجيبين له كمليات واشياء تريحك
مو اقصد اكل وشرب


اسمعي اختي زيك
التنظيف مره بالاسبوع كرف وهي موظفه وعندها اربع اطفال
اذا جاء الويكند الكرف السبت مخليته من الصبح وتروش عيالها العصر الا دايخين العشاء وناموا وهي تطيح بدري معهم


جابت شغاله وهجت بعد شهر عشان تبي جوال ولا ماعندها شغل هذا اللي يجيب سيرلانكا


الحين فيه شغالات بالساعات
تعرفين احد من اهلك اقاربك تاخذين منهم شغالتهم بالاسبوع مره بقيمه وقدرها تتفقين معهم وكم ساعه


خالتي كذا جارتها تاخذ شغالة خالتي بالمناسبات زي الاعياد او زواج تاخذها يوم تنظف وتكرف وتجي 10 بالليل تاخذها العصر
والفلوس خالتي تعطيها الشغاله والشغاله معجبها كذا
ا اذا لقيتي احد ياجر باليوميه اتفقي معهم
ليش تتعبين نفسك الكرف العميق جيبيله شغاله وانتي اذا صحيتي شيلي الغبار حتى لو شي مره بسيط عشان مايتكوم
الفرن اذا انكب عليه شي بسرعه شيليه لاتقولين اجيه بعد شوي والله تتخلينه كل مره