صدمتي من خيانة زوجي مرتين في 24 ساعه

السلام عليكم
يوم الجمعه بالليل جاني زوجي وجلس جنبي شوي والا تجيه 10 رسايل من الواتس اب فتحها والا اشوف صور لحرمه واضح انها اكبر مني هو ارتبك وقلب الجوال وانا قلبت الصاله عليه وقال هذي اختي فلانه هو عنده خوات من ابوه انا ما اعرفهم كثير لانه عايش عند امه وابوه وامه منفصلين وابوه وخواته في الديره مو عندنا وكل واحد تزوج وجاله عيال وماشاء الله خواته كثير المهم طبعا ما صدقته بس مشيتها واليوم الثاني والله ما مر 24 ساعه الا تأكدت انهم بينهم علاقه وشكلها متزوجه لانها كبيره وزوجي لما الحين ينكر حتى لما قلت علي اي اساس ترسل لك اختك قال كثير يشبهون بنتي فيها عشان كذا ارسلت لي وهذه صورها وهي صغيره بنجن منه ومن كذبه كذاااب والله العظيم كرهته كره غير طبيعي وارسلت له كلام انا ما استاهلك انت كفوك الرخيصات تخيلوا يا بنات اني مو مقصره معاه وهو قالها لي امس قال متشفت منك قصور وقام يعدد محاسني وانا مصدومت مدري ابكي او لا لما طلع انفجرت من البكاء انا مره محترمه اهله واربي بنته ومحتسبه الاجر فيها ولا اقسى عليها لو بنتي ما اعاملها كذا هو مطلق ومستحيل ارفع صوتي عليه احترمته وحبيته والحين يكفأني بالخيانه
انا زعلانه لاني اعطيت نفسي لواحد زيه والله انه ما يستاهلني
اهلي في مدينه ثانيه بروح لهم قريب لاحد يقول لاتخلينه لها لانه هذا يستاهل وحده رخيصه ووسخه السالفه مو بس صور ورسايل السالفه كلام وسخ ينكتب بينهم امس قرأت رسايلهم وبكيت ولا قدرت انام ومن امس ما اكلت شي وفوق هذا داومت ونفسيتي زفت مره