ياربي خذ حقي منهم عاجل غير اجل

السلام عليكم
اللهم صل علئ محمد
بقولكن السالفه وانتن انصحني او ادعن لي او اي شئ اهم شئ افضفض لكن


اليوم يومي وزوجي جاء الظهر من الدوام وتغدينا وكل شي لحد الحين اوكيه
وبما انه جاء عندي لازم بناته وعياله عندي المهم جو وقعدوا يزعجون وحنا دخلنا غرفتنا ونومت ولدي الصغير ونام زوجي وقعد العصر اكل حلا وتقهوئ وطلع وبقئ الولد عندي واخذ البنات واخذ امهن وراحوا زياره وهو اليوم يومي حطيت علئ قلبي طين وعجين وسكتت
المهم قعد الولد يناحر ولدي الي بعمره ويحارشه وصبرت لين جو اهله بعد المغرب وقلت له ياولد رح لاهلك ولدي بينام لانه جاء الظهر وماقدرت انوم ولدي منه
وراح الولد قال لابوه طردتنا وسال البنات قال ايه وحنا طردتنا واساسا البنات راحن مني العصر وماشفتهن
المهم جاني معصب ويهاوش يقول ليه تطردين عيالي وبناتي قلت ايه الولد انا قلت له رح قام يحارش ولدي وقلت له رح
اما البنات ماقلت لهن شئ اساسا ماشفتهن من طلعن مني راحن معاكم زياره
قال انتي كذابه و بناتي اصدق منك للعلم بناته عمرهن 9 سنوات
قلت قل لهن يجن واسألهن قدامي
وجن وقامن يتلككن بالكلام قال ماابي كذب قالن لا ماطردتنا بس قالت لاخوي رح بينام ولدي
المهم انا ماقدرت اكمل الجلسه من القهر والظلم ودخلت غرفتي وقعدت اصيح صياح قسم حتئ انا مستغربه من نفسي كأن ميت لي احد الظاهر هذي غبينه الظلم
وهو يجيني قال لاتصيحين وان سمعت صياح اذبحك
فوق انه ظلمن يقول كذا وقال خلاص ماابيك وروحي لاهلك
وسكتت وهو سكت ونام
حسبي الله ونعم الوكيل فيهم
حسبي الله ونعم الوكيل فيهم
حسبي الله وكفئ

39 تعليق 6,058 مشاهدة

شاركي في النقاش

سجلي الدخول لإضافة تعليق.

التعليقات

39
  1. @alhmdllh_35

    الله يفرج همك الحين ذا كل شوي يقولك روحي لأهلك لهدرجه ذي انتي رخيصه وقفيه عند حده على كلمته ذي تراها موبزينه الله يعينك ويصبرك
  2. @zhor_alhnaaa

    الله يهديك كان مسكني نفسك ولا بكيتي وقلتي له بعد السالفه هاذي وتكذيبك لي وصراخك علي وتصدق بنات من سن عيالي ولا لي قدر ولا إحترام قدامهم ما يجلسون عندي في غيابك دام إنت موجود حياهم الله وإذا خرجت حتى لصلاة في المسجد تاخذهم معك بكره يحصل لهم شيء تحطوها برأسي انا وعيالي ترى مايفيدك البكى قوي قلبك ووقفيهم عند حدهم حتى بيومك يناشبونك طلعات ومخرجات الله يعينك ويسخر لك زوجك يار

تابعي تجارب أخرى من هذا القسم.