تجمع التباشير الأول لأمهات مواليد مايــ..5..ــو & يونيـ..6..ـو👼🍼2016

الام الظهر موجودة عندي أنا كمان ولما انام على ظهري صراحة اجد صعوبة كبيرة في أني أتحرك يمين او يسار الم في نهاية العامود الفقري والظهر تحسي المفاصل مفككه. يعني نومة الظهر جدا صعبة وكمان في الم في الظهر لكن ممكن تستحمل مايحتاح مستشفى
الأخت الي متنومه بسبب وجع الظهر يمكن لانهابكرية والالم عندها زيادة

الله يعطيك العافية ام خوخه تصدقي مع ان حملاتي وراء بعض بس سبحان الله مع دوامي وانشغالي ما أركز فما أتذكر انه كان يجيني مغص

بعد ماصليت الفجر مسحت الشنطة اللي بشيلها للمستشفى بديتول اخضر وطلعت تقريباً 3 لبسات للنونو مع كوفلتين والمهادات لأني نسيت أغسلهم عزلتهم على جنب وباقي أطلع بقية الأغراض اللي رتبت أغراضها تذكرني ايش حطت أنا المغص ماعاد خلاني أكمل تركتها وقلت بعدين أكمل
ولازم أشيل شنطة ثانية لنفسي ماودي أكثر شنط أنا بالعادة أشيل شنطة اليد حقي وشنطة البيبي وتكون كبيرة واحط اغراضي وأغراض النونو ولاني أولد طبيعي أطلع اليوم الثاني على طول الحمدلله ،،،

السلام عليكم ورحمة الله وبركاته
يالله انا مرررررة اسفة اني اللي سار معايا ضايق البعض او اثر ع البعض ،، بس لما قررت اكتب حبيت اوضح الصورة كاملة ..
كل اللي ردوا واللي ما ردوا بدون اي استثناء الله يفرحكم بشوفك اطفالكم ولا يحوجهم للحضانة ويقر عيونكم بشوفتهم بين احضانكم .
في ردود كان فيها تساؤولات بحاول اجاوب ..
البيبي اول ما نزل وزنه 2 كيلو جرام..
بالنسبة لوضع البيبي كان راسه تحت لان سويت الترساوندا من بداية دخولي للغرفة الطلق بس ارادة الرحمن انه يغير وضعه اخر لحظة ..
ليش جلس في الحضانة ؟
لعدة اسباب :
1- الرئة لسا ما يقدر يتنفس بسهولة
2- السكر منخفض في الدم
3- درجة حرارة جسمه منخفضة 30 درجة مئوية والطبيعي 36.5 درجك مئوية .
امممم ما اقدر اصفلكم قد ايه صعب علي ان اشوفه داخل الحضانة وتحت الاجهزة نفسي اشيله بدون ما يكون عليه اي جهاز ..
اللي يحزن اكتر انه انا طلبت رضاعة طبيعية فمن وقت ما ولدته الين اليوم جالس ع المغذي ..
حبيب قلبي مركبين له كذا ابرة في يده لدرجة انه ما يقدر يحرك يده تعتبر ثقيلة عليه 😢😢😢😢
ما اعرف اذا القصور مني وكان سبب في خروجه بدري او انا مالي ذنب ،، بس الله لا يذوق مسلمة احساس الذنب اللي احسه خصوصا لما ولدك يبكي وتبي تسكتيه بس ما في مجال لا بالرضاعة ( عشان ما نزل الحليب لسا ) ولا تقدري تشيليه لانه ممنوع يخرج من الجهاز .. بالنسبة لي ما سرت اقدر اتحكم في نفسي لما اشوفه يبكي ،، يا رب اسألك بعظيم قدرتك ان لا تشعر مسلمة بذلك الشعورمن الاحباط والقهر ..
اممم بالنسبة للرضاعة اكيد فيه ناس ماشاء الله عندها خبرة بس انا بتكلم عن وضع اللي حيولدوا بدري ،، لازم كل ثلاث ساعات تستخدم الشفاط وتسحبي حتى لو ما نزل شيء عادي لان حركة الشفاط تثير غدد الحليب ومرة ورى مرة بإذن الكريم ينزل ..
بعد الشفط مباشرة رضعي البيبي عشان الحلمة تكون برزت وبكذا ما تواجهي صعوبة مع التقام الحلمة من قبل البيبي ..
اجمل شعور وسويه كل ثلاث ساعات نزلي الملابس عن صدرك حتى البرا وحطي البيبي عليكي ،، قسم بالله احلى شعور جربته مرتين اول ما ولدت وبعدها صحة البيبي ما سمحت فسرت اقرب منه وامسك يده اقرأ عليه قرآن واحصنه ..
وسبحان الله ربكم ما ينسى احد ، امكن الاغلب يعرف اني في غربة وما جهزت اي شيء للنفاس حتى طلبت اشياء من السعودية وولدت ولسا ما ترسلت ( زي الحلبة والماش وحب الرشاد ) بس ربك كريم صحباتي المغتربات ما قصروا سوا لي مشروبات ومرقة اللحم وكذا شيء الله يسعدهم ولا يوريهم مكروه في حياتهم ..
امممم اعصابكم اشفيكم الاغلب نفض الكسل وجهز شنطته ،، احس اني ارعبتكم وحسيتو قرب وقتكم .. خذوا الامور ببساطة ولا تضغطوا ع حالكم بالشغل والكرف عشان تستعدوا ي خوافيين 😅😅😅
بعدين الولادة مو صعبة اقدر اشبه الولادة الطبيعية بتفاحة تخرج من فتحة خشمك 😁😁😁😁 يعني الموضوع جدا بسيط
اممم اتوقع جنان سالت عن الموية مني متاكدة
ي طويلة العمر الموية لما نزلت علي خصوصا وانا واقفة زي لما تسويها ع حالك بصراحة ما اذكر كانت حارة او باردة بس زي قوام البول تماما ولونها زي الموية اممم وما تقدري توقفيها وتمسك حالك يعني ما تقدري تحبسيها زي البول
( اعتذر ع الوصف بس انا كنت ما اعرف وكنت اتمنى احد جرب ويحكيني بس ما سالت وزكاة العلم نشره مشان هيك شرحت )


اممم ع فكرة اتوقع جنان برضو ما قلتي لمامتك انك حامل ،، ترى انا كنت زيك اقول لما يجي التاسع اقولهم 😁😁 وجا البيبي .. ما راح اقولك قولي لاهلك من الحين بس حاولي لما توصلي الخبر بالتدريج عشان ما تشوفي دمعة امك ..
انا حاليا احاول لما اكلمها اضحك واسوي اني مو تعبانه كله عشان ما تبكي .. وفوقها جالسة تبكي وتقولي من يخدمك وكيف تتحركي وساعات لما اكح اتالم فغصبن عني أون وعساني ما انحرم منها تجلس تبكي وتدعي ،، حسيت باحساس ان ضناك يتالم قدامك وما بيدك شيء تسويه لما ولدت .. حسيت وقتها انه انا كنت عديمة احساس كيف رضيت اني اسوي زي كذا بس برضو ساعات اقول مو حرام تجلس خايفة وقلقانه علي شهور ..
المهم ي عسل عقبال تبلغي اهلك وانتي بصحة وعافية وربي يقوم الجميع بالسلامة
يلا بكرة دور مين ،، ع فكرة بشقر عليكم كل يوم اذا سمحتوا ❤😘

ياقلبي ياساندرا
اسال الله العظيم في هذه الساعه ان يحفظلك طفلك ويفرحك بسلامته وخروجه وهو باتم صحه وعافيه يارب ياكريم
والحمدلله اقدار مكتوبه والله يكتبلك ولنا مافيه خير
ولاتجلسين تحسسين نفسك بالذنب ولا شي بالعكس قولي الحمدلله
وكلها فتره بسيطه ان شاء الله ويتحسن باذن الله وحاولي تجربين تشفطين من صدرك يمكن ينزل شي اساسا لما البيبي يرضع اول مره ماينزل شي ع طول احيانا بعض الامهات تجلس يوم يومين ماينزل الحليب وانا وحده منهم بس يمكن لو تجربين تشفطين بينزل شي والله يسهلك امورك ويقومك بالسلامه
واكيد ياعسل لاتقطعينا من اخبارك وطلي علينا طمنينا عليك
وبالنسبه للخوف والله البنات من جد جاهم رعب اللي تجهز واللي تظبط لان سبحان الله الواحد لازم يجهز نفسه من بدري ماتدرين اي وقت تولدين
والله يسهل للجميع يارب
😘😘😘😘😘😘😘😘😘😘

ام اصيل ماشاءالله تهبل التوزيعات
الله يخليلك امك واختك
ويفرحكً بشوڤه تميم
بالنسبه للوزن امي كل اخوني تولدهم كيلوين
ولو تشوفين البطن تقولين توم كبير ويطلع الطفل صغير ومشاءالله اسبوع مع الرضاعه الطبيعيه واهتمام امي يكبر بسرعه


ام وسام
مشاءالله حلو السرير
الله يقومك بالسلامه


شيراز عظم الله
اجركم ورحم الله ميتك



اليوم عندنا حفله تلبيسه ولد خالتي
مالي خلق اروح صعبه اوقف ومااقدر اطول وانا جالسه لازم انسدح شكلي اعتذر لخالتي
مع اني اقدر اروح ساعتين وارجع بيتها بجنب بيتي والحظور بس خالاتي وبناتهن واهل زوجها
ابي اعتذر منها لم ملك ولدها رحت وباركت واهديتها اكيد راح تعذرني
مشكلتي مااحد يدري اني دخلت الثامن😊
يحسبونيً توني بالسادس ولا بدايه السابع