🎊 تبآشير آلسعــ( 8 )ــآدة لأمهآت موآليد مآرس وآبريل 2016 🐣👼

صايره حساسه مرره زوجي مايمديه يسأل عن شي ابكي على طول اليوم خمس مرات بكيت على اشياء عاديه وماتبكي

صح والله صادقه بس انا مستغربه من هالحساسيه الزايده

والله ييسر لك ويقومك بالسلامه ماعندي خلفيه والله بس اللي جربته ان التاسع كله آلام الله يكتب الاجر

السلام عليكم ورحمة الله وبركاته
والله يبارك فيكم جميعاً ويسعدكم .. يالله قد ايش شعور حلو وانتي والده ومرتااااااحه حتى مع تعب الخياطه😔💔..
،
اولاً .. ياعمري ياسمينآ شكلها جاها الفرج الله يهون عليها
وسالي ياعمري السداده علامه لاتتأخرين💝🌸..
،
اكشني مٌرعب بالنسبه لي بس مدري اقدر اوصل لكم احساسي وخوفي والمي والا لا😰💔.
المٌهم لي يومين اشرب يانسون ونانخه وشمر ومحلب زي الشاهي مره باليوم .. اما اليانسون لوحده احليه واشربه كثير طوال اليوم لاني احبه واعتقد له دور كبير في شدة طلقي لأن اكثر من مره يهاوشوني يقولون انتي شاربه قرفه .! .. واحس زي التحجر فضييييع حتى حركة السياره من حفريات الشوارع تضايقني فيه ولا اقدر اجلس سبحان الله كنت اقول مو معقوله بهالثقل بجلس للنص العاشر زي كل البكريات احس خلاص يجي للوحده وقت تعرف انها بتولد فيه من احساس التحجر .. وفيني اسهال الله يعزكم له ثلاثه ايام في الليل وكنت اشكيلكم تتذكرون .!
وحركة الجنين تخف اكثر من يومه ينشط المهم واراجع الطوارئ تقدرون تقولون اريح ضميري عشان موعدي اللي اجلته وبحجة الاسهال .. قالوا فيه طلق غير منتظم .. الجهاز وصل 100 في خلال عشر دقايق مرتين بس وكنت ابيها تكشف يمكن تكون بداية الفرج وانا اتجهز للكشف سمعت ذيك الصرخه اللي لأول مره بحياتي اسمعها وحده بتولد الساعه 9 صباحاً هالكلام قالت النيرس ذي تو جتنا 7 وشوفي البيبي راسه بيطلع .. وانا اسمع الصرخه وبعدها صوت البيبي .. عاد ماتشوفون الا غبرتي واوقع خروج ع مسؤوليتي واطلع لزوجي ارجف مابغى كشف ههههههههه واروح بيتي ويصير جماع واروح لامي واجلس عندها بالبيت اول ماجلست الساعه 11 الصباح الا بلل واروح انظف وارجع اجلس الا بلل اكثر زي كأنه عندي سلس بول ثلاث مرات قالت امي ماتجلسين لحظه وتحلف علي لولاها مارحت .. اول مادخلت قالت اكشف ع المويه وكشفت وقالت هذا مو موية الجنين بس فيه طلق منتظم لازم اسويلك كشف وتنويم ماينفع تطلعين .. وتكشف قالت 2 سم فرحت وخفت نزلوني وراحوا وبدا الطلق بعد الكشف في ظهري من الساعه 12 الظهر وخفيف كل عشر دقايق ومحتمل .. لما جت الساعه 2 ونص جت جنبي وحده وجاها نزيف مرعب لدرجة السرير كله احمر وينقط مع اطراف السرير والارض حمراء وهي شبه مغمى عليها وانا انفجع ويزيد الطلق ويسوولي كشف قالوا 2 تحططططمت وخفت اذا كل هالالم ولسى 2 ومن 3:30 بدا الجد الم كل خمس دقايق لايحتمل ابداً ابداً طلق نااااار وانفكت المويه واصرخ انادي النيرس قالت عادي مدام خليك شوي ينزل كثير😂.. وتجي تكشف4 وينكت الباقي سبحان الله شلون الرحم يشيل كل ذا الكميه .! ومن هنا يبدأ الطلق اللي بدون مبالغه احس بيغمى علي مع كل طلقه .. لين الساعه 9 كشفت قالت 5 يالله الكشك وطلبتهم مسكن وانا ابكي واترجاهم شوي وابوس يدينهم واعطوني حقنه كميه قليله تسكيته خف الطلق معها بس نص ساعه ولازال مؤلم مااختفى .. واعطوني الكمام وليتهم مااعطونيه انام بين الطلقه واختها واصحى على الوجع اتلوى .. ولاحظت شي النومه ع الجنب وقت الطلق تخفف الالم نسبياً ولكن مع جهاز التخطيط ممنوع النوم ع الجنب والله سلط علي نيرس قشرا ماتخليني اتلوى ع جنبي تدفني كنها تثبت رجولي كرهتها هي والطلق علي😩..المهم 11:15 بدأ الجد والدفع لان الرحم وصل 8 سم وتجمعوا علي 6 ممرضات مع الدكتوره تشجيع ويضغطون ع بطني طبعاً ماحسيت بالتوسعه حطولي تخدير ويهاوشوني يقولون انتي تدفعين بس ماتدفعين صح ياااااربي شلون ماادفع صح صرت ادفع واحس كبدي بتطلع من تحت والحمدلله الساعه 12 بالتمام سمعت احلى صرخه اللهّم لك الحمد وجلست ابببكي واحمد الله كثيير وبس حتى الخياطه ماحسيت بها تخدير الحمدلله وتنومت لين الظهر اليوم وطلعت الحمدلله لبيت امي وبسس💝🌸.

خليك قوية ودايم قولي لنفسك اني كل يوم اقوى من اللي قبله ولازم ابعد الكآبه والنفسية عني وعن زوجي
وتذكري انك ولدتي وجبتي ولد ماشاء الله وان عندك نعم ماهي عند غيرك واشياء كثيرة عندك وغيرك محروم منها
لا تستسلمي للشيطان وتعوذي منه وتذكري كلامي هذا

ماشاء الله تبارك الله
الحمدلله على سلامتك ومبارك ماجاك وكويس انك ماخذتي التاسع كله ماشاء الله
الا بسألك ... كيف شعور زوجك لما ولدتي وقالوا ولد وهو ماكان عارف انه ولد ؟؟