تجمع التباشير الأول لأمهات مواليد مايــ..5..ــو & يونيـ..6..ـو👼🍼2016

صباح الخير

حبيبتي روح الدكتور والله مامر علي شيء زي كذة
الله يسهل امرك
ويشفى اخو الأخت الي اخوها مسحور

اهاا ي قلبي كان الله في عونك ،، انا توقعت وضعك طبيعي بس انتي مستعجلة ع الولادة ،،، مادام الوضع كذا وهذا نظامهم اتوقع حتى لو جاك طلق راح يحولونك دايركت عملية ماراح يعطون فرصة للطبيعي ، صح والا لا ؟؟ اذا كذا فأنا اشوف برضو لاتتعبين نفسك وتحرضين الولادة بالأعشاب اللي تذبحك بالمغص والطلوق و الرحم مسكر واخرتها عملية .. اما اذا هم بيعطونك فرصة وممكن يخلونك تولدين طبيعي اذا شافوا الرحم مفتوح وفيك طلق طبيعي فابدأي بمسهلات الولادة مثل طلوع الدرج اقتنعت فيه اكثر من المشي لان حركة الحوض اثناء طلوع الدرج تساعد البيبي ع النزول بالحوض + تتأكدين من عنق الرحم بأي مستوصف خاص مو لازم عند المدوايف هذي ، انا مدري كيف نظام البلد اللي انتي فيه بس لو ماتقدرين ممكن تروحين لأي طوارئ بحجة الآم وتقلصات عشان يكشفون على الرحم ويشوفون اذا فاتح اولا >>> انا أبغاك تتاكدين اذا فاتح الرحم لو 1 سم نقعي مر بموية تقريباً العلبة الصغيرة اللي بريال واشربي منها انا جربتها بولدي الأخير انفتحت الموية وجلست اربع ايام بالمستشفى منومة يخافون من الالتهاب وماكان فيني طلق ولاشي والرحم مفتوح 1سم فقط وهلكت من المشي بالمستشفى وقالوا الحريم لامي خذي مر منقوع وخفيف مويته كثيرة مو ثقيل وعطيها تشرب والله ان الدكتور طلع مني اليوم الرابع الساعة 9 الصباح يقول لو ما ولدتي اليوم راح نسوي لك الصباح عملية صومي بعد 12 الليل ،، مع ان ولاداتي كلها طبيعي بس قال الولد بدا يلف راْسه وخطر اعطيك طلق صناعي وتعذيب واخرتها عملية ،، المهم طلع وجابت لي امي المر وغصبتني اشربه ماكنت مقتنعه بس خلاص اخر الحلول والله مجرد ما شربت شوي وجات الساعة 10 ويبدا الطلق اللي انا اعرفه عز المعرفة😫 تحمست واستبشرت بالخير وصرت اشرب من المر كل شوي ماعاد حسّيت بالطعم الين خلصته ووالله ماجت الساعة2 الظهر الا وانا ماعاد اقدر امشي خطوة دخلوني كشك الولادة طلع فاتح 7 سم والساعة 4 العصر ولدت بفضل الله ثم المر ،،، فنصيحتي لك ي عزيزتي حاولي تكشفين ع عنق الرحم +طلوع الدرج+ مشروبات دافئة زي حليب معه عسل وقرفة وعويدي او مسمار +قشر >>> اي مشروبات دافئة عادي بس لاتكثرين ،، والحلبة ما انصحك فيها لانها تزيد وزن الجنين ع كلامهم وهذا ممكن يزيد المشكلة عندك ... نسيت اسالك انتي بأي اسبوع الحين 😓 لا تبدأين بهالاشياء الا اذا دخلتي التاسع ،،والله يرزقك الولادة الطبيعية الميسرة ي رب وكل بنات التجمع

ماشالله كفيتي و وفيتي بنصائحك للاخت سامية باخلاقي

نسيت اكتب نقطة ،، زوجة اخوي ولادتها الاولى قيصري وبحملها الثاني قرروا لها عملية بعد لانها مريضة بالقلب ومايقدرون يعطونها طلق صناعي بس أخروا موعد عمليتها ع أساس لو جاها طلق طبيعي بيعطونها فرصة ،، المهم جربت كل شي ما نفع معها لا مشي ولا أعشاب ولا اي شي فقرأت عن الاستحمام في بانيو مليان موية دافئة تميل للحرارة تقول كل يوم كنت اخذ دوش حار بس مافاد لانه كان دوش سريع وتطلع تقول اتعب ،، المهم تقول اشتريت المسبح الصغير وكل يوم اعبيه مويه دافيه تميل للحرارة وتقعد فيه تقول تقريباً نص ساعه كل يوم والظاهر اليوم 3 او 4 ما اذكر تقول انفتحت موية الجنين وبالليل بدا معها الطلق راحت للمستشفى ولقوا الرحم مفتوح الظاهر 4 وولدت طبيعي ماشاءالله جابت بعدها 2 طبيعي ،، كانت تقول خلاص كنسلت كل شي واعتمدت البانيو الحار ولله الحمد