السلام عليكم
اخباركم كروشات ونفوسات 😘❤
الفففففف مبروووووك للي ولدوا والله يسهل على الباقيين
جيتكم باكشني 😁
تتذكرون اول حملي قالولي ماتقدري تولدي طبيعي عشان عمري ويسمى حمل عزيز ماكان عندي اي اعتراض راضية باي شيء ربي كاتبه لي وحامدته وشاكرته
وبالشهر السابع تابعت بمستشفى ثاني كنت ناوية اولد فيه وهو العسكري قالوا وضعك تمام ومافيه مانع انك تولدي طبيعي فرحة وقتها اني بشوف ضناي اول خروجه للحياة 😍
وبقيت اتابع معاهم بشكل اسبوعي وكان بكل متابعه دكتورة غير عن الاولى وكل واحد له تشخيص ضيعوني
المهم الاسبوع اللي فات يوم انتشر مقطع الحرمه اللي ماتت بالولادة خفت كثير ودخلت بنفسية زفت ويومها دخلت هنا وفضفضت شوي معاكم
ويوم الثلاثاءالظهر رحت لمستوصف خاص وكانت دكتورة شاطرة وشرحت لها وضعي وضروف حملي وقالت نصيحة من اخت لاختها ولادة طبيعي لاتغامري فيها بيتعبوك بالصناعي واخرتها قيصري وقالت خذيها مني وانا اتكلم ولا بيننا مصالح ولا انا بمستشفى توليد اقنع بالقيصري عشان استفيد شغلي هنا بس متابعه بالسونار وتشخيص حال فقط
وقالت ارجوك ي بنتي تروح مستشفى ثاني الليلة واطلبي فيصري وغيره لا واخذت رقمي عشان تتابع معي قالت فرصك قليله بالحمل بحكم العمر ولا تضيعي تعب التسع الشهور كذا
وطلعت من عندها اصيح وزوجي يهدي فيني وهو اللي يبي احد يهديه ي عمري
ونرجع للعسكري نحاول يولدوني قيصري ولما دخلنا الطواري رفضت الدكتورة تتناقش باي شيء الا بعد الكشف الداخلي وادخل واسمع حريم يصارخون صراخ يخووووف وانا اهرب وزوجي يقنع فيني وانا خوفي يزيد فوق خوفي ع الجنين وخوفي من سالفة الليتوفت 😭
ويوم الاربعاء الصباح نروح مستشفى ثاني حكومي ووافقوا ع طول بالقيصري لما عرفوا انه حمل عزيز وكتبولي تنويم ع طول لاني خلصت شهري وبيولدوني قبل تبدأ معي الطلوق
وخلصنا اوراقنا وقلت بطلع اجهز نفسي وارجع لكم المغرب ووافقوا
عاد رحت جهزت اللي ناقصني وتنظفت وتحممت ورجعت لهم وبديت صيام من 12 وسوولي العملية ثاني يوم الظهر ودكتور التخدير خيرني بين النصفي والكلي ومن الخوف اخترت الكلي واستغرقت العملية تقريباً ساعتين وصحيت وشفت بنوتي ومن الفرحة لبلتها مانمت 😘
بس بعد العملية مسكني مغص ووجع الظهر بس مع المسكنات يهدأ الوجع شوي وثاني يوم شالوا القسطرة ومشيت والحمدالله كل مامشيت يروح الالم والحمدالله من قبل ومن بعد
🎊 تبآشير آلسعــ( 8 )ــآدة لأمهآت موآليد مآرس وآبريل 2016 🐣👼
متابعة النقاش، صفحة 49