🎊 تبآشير آلسعــ( 8 )ــآدة لأمهآت موآليد مآرس وآبريل 2016 🐣👼

الله ييسر لك ي قلبي

أحداثي قبل ولادتي بيوم
الحمدالله الحمدالله على جزيل عطاياه بالهون وساعة الفرج
طبعا انا مثل منتم عارفين متعديه موعدي 8 ايام ومعطيني موعد طلق صناعي ب 29
ماكنت مرتاحه لروحه بس لما أشوف العالم الي حولي وبعدي ولدو اتوتر بس موكله امري لله
جا يوم الخميس الي هو موعد الطلق اتصلت على اختي الصغيره قلت ابروح ابجيب اعيالي عندك قالت لا تروحين قلت احس ان المويا خلصت واحس بعظام النونو قالت اشربي موية زمزم وعطي نفسك فرصه تقل ارتحت وماصدقت خبر
جا زوجي قال اهلي عازمينا بوكرى بالمزرعه ولازم نروح قلت شايف ان حالتي تسمح قال بيشفون اعيالك ونمت وقمت الساعه 11 الصبح على قلق ابغى الحمام ومعي مغص بس مدري كيف ارسلت له بالواتس قلت شكلي ابولد خلك حول جوالك المهم اروح اكل طحنيه مع جبنه مدري وش جوي يوم فك الي فيني مير وارتاح ونام يوم جا من الدوام قال هاه ماتبينا نروح للمزرعه يوم شفته كذا قلت حرام اكسر بخاطره ونمشي للمزرعه من 3 الظهر ونروح وانواع المطبات بعيده عنا 70 كيلو قلت لجتني ولاده قال حولنا ب20 كيلو مستشفى قلت انا فرصه مستشفانا مليان كورونا خليني اروح علي تفكير مدري كيف ورحنا وشويت ونبسطت ورجعت لبيتي واول مره ماجي اطل عليكم تعرفوني ام الفجور سبحان الله طلعتي كلها خير دخت ونمت ذيك الليله
عشان اشبع نوم ليوم الحلم

مثل ماقلت نمت اول مره بالليل
صحيت الساعه 6 على مغص تقل ابغى الحمام عادي وادخل قلت ذا من الشوي البارح وصلي الفجر واجلس اقرا سورة الكهف وعجزت اكملها احس بحساس مدري كيف بس حسيت ان ولادتي قربت وادخل اصحي زوجي وصحي اعيالي على الساعه 7 طلعنا من البيت وديناهم اهلي يبعدون عن 15 كيلو قال حرام عليك واذ ولدتي قلت لا ماأبغى يدخلون الطوارئ معي وفيه فايروسات واجلس اقرا ورد الولاده ولجتني الطلقه اقر بصوت مرتفع وتقل اصارخ ونزلناهم ودخلنا الطورئ على الساعه 7 يمكن 40 دقيقه ولا كشفو على ولا شي قلت ولاده ولاده انا بس ابي انسدح وادخل الكشك وتجيني دكتوره تفحص علي قالت 8 فاتح انا ماصدقت خبر فررحة فرححه سبحان الله النفسيه تبدلت عندي وصرت بس ادعي لساني مايلجم ويجهزون المشارط والخربيط اشوفهم ويقولون لي خوذي نفس هذا الي قالوه لي سبحان الله الولاده تأكلينها انتي ماغير ربك معك صح تذكرت شي قلت لا امي ادعيلي يوم نزلت عيالي وكان صباح جمعه المهم ماحسيت بالدفع الي كان ذابحني طول حملي اختفى هالاحساس المزعج الحمدالله وجت قابله فلبينيه يدينها تقل ايدين ضفدع وش كبرهن هي دبدوبه مره كشفت قالت 7 قلت الي قبلك قايله 8 واهتم قلت ياربي لا يرجع يتقفل زي قبل واسئل قابله سعوديه قلت ليش اتقفل قالت لا حسب حجم ايدينهن والله واسمعها تقول مرتفع شوي لها وتحط شي بالمغذي هاتك غرز بالاأبر وانا اقولها طلق قالت لا عاد بعد كشفها شكلها وسعت لي بيدها الجلفه الا احس ان جنيني نزل واحس بشي يطلع وادفع وتخانقني قالت لا ادفعي زين طيب علميني واخبص من عندي بالدفعه واشوف ساق جنيني تقل فخذ دجاجه صعنبووووووووط بشكل واقول بأعلى صوتي اللهم لك الحمد كما ينبغي لجلال وجهكوعظيم سلطانك سبحان الله منا مصدقه واجلس اتبوسم واقولها طلعي المشيمه قالت اصبري نظف بيبي انا وجهي اسولف معها من فرحة الهون مادريت وش ابجني على روحي ☺وبعدها جت ونضفتني وتجلس تجرم بي أجرام بالخياطه حشششسسشنه بشكل شكلها طالعه من غرفة عمليات لنو لابسه كلش ازرق مدري اخضر مو مثل الباقي واشوف جوالي الا الساعه 8 وخمسين دقيقه يعني ماشاء الله خالصه ببيتي بس الاكشن والخبال الي زينته بعمري لا أحد يغلط غلطتي يوم خلصو مني قالت ماما ارتاحي شوي وقفلت النور واجي اطفي المغذي قلت شكلهم ناسينه وفيه طلق مصره للحين انها حاطه فيني طلق 😂
اه يابنات ليتني ماقفلته صرت زي النافوره انزف
واصبر على نفسي وبدا معي طلق اقوى من الولاده نفسها واحس بدفع من تحت كانو شي بينفجر يموووت من الالم واسكت على نفسي حول ساعه اخر شي عجزت ناديتهم قلت انا انزف تخيلو وصل بطني النزيف وجلست أهذي ويوم شافتني انهبلت ينادون الكادر الطبي كل الي بالكشك وقالو ليش تفصلينه قلت خايفه انه فيه طلق وناسينهن 😁 مالومهم لو سطروني وجلسو يصارخون علي اكثر شي نخاف منه بعد الولاده النزيف وانتي جبتيه لنفسك وجلست دكتوره سودانيه ادخل يدينها الثنتين جو الرحم ومدري وش تنخش تخيلتو مالهم ساعه مخيطيني عذبتبي عذاب الله يسامحها اخر شي فكوني من جديد وخيطوني ونظفوني يعني العذاب عذابين سبحان الله المغذي حطين فيه شي يقبض الرحم وانا قفلته بس ربي لطف فيني ولله الحمد والحمدالله اني محافظه على الحديد عشان كذا يابنات اهتمووو فيه لو سمح الله ماتدرين وش بيصير فيك وسلامتكم 💗💗💗حاولت اكتب كل شوي واترك لا توخذوني لو يصير فيه عك ولك 😁أحبكم والله يذكركم بالخير كلكم كنتو خوات 😭😭

يا زينك الحمدلله ع سلامتك
وطهور لا بأس عليك
الحمدلله اللي لطف بك
صراحة اجرمتي بنفسك لكن الحمدلله اللي حماك
❤❤❤

طابتن الف مبروك والحمد لله على سلامتك
طيرت عيوني يوم قلتي طفيتيه 😱الله ستر عليك
لاتتعودينها اذا شكيتي في شي ناديهم