الجديد في موضوعي ' تكفون ساعدوني << مشكلة عضوة معانا بالمنتدى

ما في كلام فوق كلامك يام نوسي ...كلامك عين العقل وتعجبني ردك الحكيم ....

حبيبتي
انا اقرأ مواضيعك امرض
لان ما بيدي شي
تعرفين لما الانسان يفكر بطريقة مناسبة يحل فيها مشاكله ؟ لكن لما تفكرين بشخصيات الناس مو الكل تصير مناسبة له
انت انسانة حساسة ومهما قلنا لك سوي ممكن تسوين اللي نقولك عليه بس مو بالابعاد نفسها او ردات الفعل المطلوبة او حتى الوضع المطلوب
نخاف ننصحك وتسوين زي المكتوب لكن مشاعرك الحقيقية ونظراتك وشخصيتك تفضحك واصلا ماراح تقدرين على الموقف
اعرف انسانة مثلك
طيبة جدا - حساسة جدا - بريئة جدا
حاولت انصحها واقوي شخصيتها عشان ترد ظلم زوجها اللي كان اسوء من زوجك بمراحل
لكن النتيجة كانت سلبية للاسف
ولما انتبهت بعدين كنت متأخرة انو مو كل النصايح تمشي مع الكل
حتى لو النصيحة صح لكن تطبيقها مهم والشخصية مهمة وقت التطبيق
المسكينة بعد فترة اكتشفت انو تطبيقها يكشفه الطفل الصغير من شدة برائتها
تكشفه نظرة اهتمام او انتظار لنتيجة تصرف
تكشفه توتر او ضغط نفسي
تكشفه عصبية او بكاء
مثال صغير : لو طلبت منها تطنشية تطنشه لكن بس تجي تطبق تصير عينها عليه وتتبعه وتلاحق تصرفاته وتنتظر انو يسوي ردة فعل على تصرفها
يرمي كلمة اختبارية ترد بطريقتها الاولى الطيبة يفكر بعقله وتجاربه : ايوه الحين جالسه تسوي نفسها مطنشه بس في الحقيقة ما تغيرت تبغاني اركع لها
ويعرف بذكائه انها بترجع له وتخضع من سؤال او ردة فعل


وزوجها فهم وطنش وزاد في ظلمه لها
وعشان كذا انا اتوقف عن النصح للي مثلها
لاني ما ابغى ازيد المشكلة حطب
ولك مني الدعاء في ظهر الغيب
واذا تبغين تتغيرين فعلا
ادخلي دورات وحاولي تطلعين من بيتك لشي محفز اكثر و يقوي شخصيتك ويخليك مستقلة وتبعدين فعلا عنه مو تجلسين في البيت تنتظرين ردة فعل منه
واهم شي تسوين كل هذا عشانك انت
مو عشان ردة فعل منه او عشان يرجع لك
من اليوم قولي انا وبس
وسجلي في دورات
وسوي اللي نفسك فيه وعيشي حياتك بعيد عنه
وانسيه
وغير هذا الحل ما اقدر اعطيك لان اذا ما تغيرتي داخليا ماراح تقدرين تحلين هذي المشكلة