تجمع التباشير الثاني لأمهات مواليد مايــ..5..ــو & يونيـ..6..ـو👼🍼2016

الله يسعدك دنيا وآخره على إفادتك
من يوم انقطعت براعم وانا اللي رحت فيها 😭
بناتي قمة الازعاج ماحبوا ام بي سي ثري تشتغل ع الفاضي مايتفرجوا😔
وزوجي قال حيسأل عن الاشتراك بس جداً مشغووووول وأستصعب اقعد ازن عشان اشتراك قناة اطفال أكيد شغله أهم بناتي هجدوا ماعاد سألوا بس انا ازعاجهم أرهقني جداً
واللي سألت قصة ومات كاتبها وLB وأنا سألت زمااااان 😅
بآخذ تبع 445 معقوله في السنة انا مابغى غير براعم أصلاً الباقي مايهمني
بس والله الجهاز مشكلة عندي تلفزيون واحد بالبيت اشبك فيه ريسفر وزوجي كيف 😳

اجل يبغالنا نشد عليها ، تقولي حطيني ف العربيه ودفيني انا يالله ادف نفسي 😂،

بس ان شاء الله اليوم او بكرا حجرب اخليها تمشي معانا وان شاء الله ماتتغنج وتدلع وتبكي 😩،،

احنا كل الي بنمشيها ساعه بالكثير لكن انا بحاول ارتاح لمن امشي مااقدر ساعه مره وحده ممكن نص ساعه وارتاح وبعدين ربع ساعه وخلاص حوقف ..

ي عمري مافي تعب ولا حاجه ،

تمرة النفاس حطيها ف الثلاجه مو الفريزر ، وفرزنت شوربة العدس وفرزنت كشنه بصل وثوم وفيه عندي ثوم مهروس ف الفريزر دايما موجود ، وفرزنت رجول الدجاج 16 رجل نزلت الجلد وغسلتها ونظفتها بليمون وخل وغسلتها من الليمون والخل وفرزنت كل رجلين سوا ف كيس ، وفرزنت ماش منقع 12 ساعه وبعدين سلقته وبعدين خليته يبرد شويا ووزعته ع اكياس ف الفريزر ،

كنت ناويه افرزن كمان اللحم المفروم بس مافي مكان ف فريزتي ف اكتفيت ، يعني افكر الشوربه لمن اسوي ي العدس اخرجها وازود مويا واحط البهارات والكشنه المفرزنه قبلها والكيس الواحد يكفيني 3 ايام وفيه شوربه ثانيه احط كشنه البصل والثوم او ممكن بدون كشنه مسلوق كل شيء اقطع بس بصل والثوم قده مهروس مفرزنه واضيف الدجاج والبهارات ودواء علبة الاكل حق اختنا سما الله يسعدها واقطع بطاطس وكوسه واخليها تطبخ وع اخر عشر دقايق اضيف الشوفان والماش واذا ماابغى الشوفان لمن تستوي احطلي ف زبديه واقطع عليها توست اسمر وعصرة ليمون ويمي يم 😋،

واذا اهلي حبو يساعدوني بقولهم لو بتسو شوربه سوها باللحم يعني شوربة اللحم لو كل اسبوعين نعمه واي شوربه بتقعد معايا 3 ايام ف الثلاجه لانه محد ف بيتي يحب الشورب ،

والنقنقه خضار وفواكه ان شاء الله ، وتمرة النفاس + 3 حبات تمر << عشان ماسويت كميه كبيره من تمرة النفاس وعشان كثرت اعشاب ف الكوره الوحده ف بضيف التمر العادي ان شاء الله مع خلطة اليانسون والكراويه والشمر او قشر القهوه

واذا حسيت نفسي كويسه بسوي القشد ان شاء الله بس بالدخن لانه عندي كميه ف الثلاجه بدال دقيق البر وبضيف مويا بدال الحليب او حليب اللوز ،

والفطور بيض او كورن فلكس مع شوية شوفان وحليب لوز واحليه بالعسل ، او طحينه سايله مع عسل اسود واكلهم بالعيش الاسمر ..

وان شاء الله ربي يسهل عليا وعليكم ونسوي كل الي مخططين عليه بصحه وعافيه يارب ❤..

🌹🌹🌹🌹

ف المولات كنت كدا اسوي معاها بالعربيه الين قبل شهرين خلاص وقفت العربيه وقولت اعودها انه تمشي بدون عربيه لانه ماشاء الله عليها كبرت ،

وقبل سنه ونص كنت لمن اروح الممشى ادفها بالعربيه وامشي بس كان عادي لاني بدون كرشه دحين الوضع صعب مع الكرشه وزوجي مستحيل يرضى انه يدفها بالعربيه ي تمشي ي تروح بيت جدتها ، انا شويا متهاونه معاها ف طلعت مدلعه 🙃بس ان شاء الله بشد عليها شويا وكل ماتعبت انا وهيا بنجلس ومع الايام ممكن تتعود ويصير الوضع اسهل عليها ان شاء الله ..