الماضي الأسود المخيس 😓😩

انا اتذكر مره زارونا ضيوف من منطقه ثانيه وعشاهم ابوي وكنا نلعب انا واختي من ابوي بالشارع قريبه من عمري قالت لي شفتي هذاك الولد يغمز عيونه مايستحي وانا مسويه اخلاق وما ارضى بالغلط قلت اصبري انا اوريك فيه واروح المطبخ وفي غفله من امي واخذ ملح ونسحبه لين طلعناه بعيد عن الباب حق البيت وانا اكب الملح بعيونه ونشرد وهو صراخ مدري كيف رجع البيت واكتشفت لكن للاسف متاخر ان عيونه تعبانه عنده حساسيه وحقدت على اختي لاني لو علي ما انتبه عاد هو رجال الحين ان شاء الله يكون نسي

واياك ياغلاتي🙈

هههههههههههه هذا بالذااات اكل مني الين قال آمين كل ماشافني جاني نسولف وينتهي الامر لشي لايحمد عقباه😂
مرة جبت النايلون وولعت النار فيه وبدا يميع وقلت له: اذا كنت رجال حط رجلك👹
وحطها على النايلون بدون تفكير
راح لبيتهم يعرج😝

الله يسعدكن
مره كانت اختي لمن كنا صغار تسوي الغدا وكان عندنا
اخو يعمره عشر سنوات يحب المشاكل دخل المطبخ والغدا
على النار واخذ ملح كثير يبى يكبه على الغداء لانه يعرف
ان ابوي الله يرحمه فيه ضغط وياويل الي تزود الملح
لوشوي 😩واخوي اخذ ملح كثير ورفع الغطاء عن الغداء
وسبحان الله دخلت اختي في هاذي اللحظه ومسكت يده
وصارت تصارخ تنادي ابوي وجاء الوالد ومسكه بالجرم
المشهود وضربه لين تفل العافيه😂

ههههههههههههههه مت مت مت ضحك على مواقفكم
انا بقول موقف كل ماتذكر ودي اتبخر


كان عمري 9 سنوات رحت المستشفى مع ابوي كان فيني سخونه وكنت اهذي مدري وش بني
المهم كنا ننتظر دوري وشفت ولد اصغر مني على ماعتقد كان عنده بطاطس نفس اللي اكلته قبله بيوم او يومين رحت لعنده وسحبته قلت هذا حقي انت سرقته مني وهو صار يبكي وابوه جا قال ماعليه بشتري لك واحد ثاني وهو يبكي يبيه وأبوي سحبه مني وعطاه وقال لي وش بك عيب تاخذين حق الناس وانا احلف انه حقي وابكي وانوح اقول هذا حقي وهو سرقه مني وابوي سحبني وطلعني من المستشفى لا دخلت عند الدكتور ولا اكلت البطاطس هههههههه


ابوي انحرج ولو ماكنت تعبانه كان كفخني وللحين يعايرني بواقة بطاطس العيال