الله ييسرلك عمليتك لاتضايقي
قولي الحمدلله ان في حل للاوضاع الصعبه
بالحمل ،، يعني هالشي خارج عن ارادتك
ومكتوب ومقدر
وماتدري يمكن المرا الجايه تولدي طبيعي
بس حاليا استغفري وقولي الحمدلله
اهم شي انتي والنونو تقومو بالسلامه
دي اكبر نعمه
وشوفي ايش الناقص بشنطه المستشفى وسوي احتياطك وخدي الحاجات المهمه
الي تحتاجيها
،
،
وبعد العمليه شي طبيعي تحسي بألم
لكن حطي ببالك ان كتير مرو بهالشي
فكري بـ ايجابيه انو
ان شاء الله هي فتره وتعدي
والم القيصري متفاوت من وحده للثانيه
لكن بالاغلب اول 10 ايام تكون صعبه
وتحتاجي احد يساعدك بالقومه والجلسه
وحتى دخول الحمام لازم احد يمسك يدك وتقعدي على الافرنجي بهدوء ورح تحسي باالم اثناء التبول بسبب القسطره
الي كانو حاطينها بس انتي اتحملي لان الالم محتمل نوعا ما
وهذي فرصتك لما تقومي من السرير انك تمششي
والله علاج العمليه المشي انا الحمدلله كنت امشي يوميا
وكمان بالمستشفى قبل مايجو الضيوف كنت امشي بالممرات
واتحرك ولما رجعت البيت كنت برضو امشي
اما مكان العمليه لاتعرضيها للمويه
انا كنت احط كيس نايلون واقفل اطرافها بلصقه
واتحمم وبأول يوم للاستحمام احتجت ماما تكون معايا بالحمام
بس غطيت اماكن العوره وهي ساعدتني بالتشطيف
وبالمرا الي بعدها سرت اعتمد على نفسي وهي توقف جمب الباب
للاحتياط بس اهم شي العمليه مايجيها مويه
واذا جاها مويه مسحيها بشويش وجففيها
ويوميا امسحي مكان العمليه بالمسحه الطبيه
ولاتنسي الادويه الي يصرفوها من مسكنات ومضاد
استمري عليها اول بأول
ومن ناحية الاعشاب في بكري مااخدت غير قشر القهوه
وكنت اشرب عصير برتقال طازج يوميا
بالاضافه للاكل الصحي
والحمدلله يارب طبت بسرعه قبل مااخلص الاربعين 🙏🏼
تجمع التباشير الثاني لأمهات مواليد مايــ..5..ــو & يونيـ..6..ـو👼🍼2016
متابعة النقاش، صفحة 220