خذت قرار الأنفصال .. ممكن ارائكم

عليكم السلام ورحمة الله وبركاته
عزيزتي واضح انك وحدة عاقلة وتحاولين من البداية تحلين امور حياتك بنفسك،، بس الواضح اكثر ان زوجك مايستاهلك وماقدر الي قدامه ولانيتي التفريق والفتنة بس انتي لسى بأول الطريق وماجبتي عيال يضيعون رأيي بعد ماتستخيرين الرحمٰن تطلقي منه،،،
كل تصرفاته وشخصيته بكفة وتصويره لك وانتي معصبة بكفة ثانيه احس هالتصرف مايسويه الا الي فيه شي نفسي ومو طبيعي،، الزوج اذا صار يطق زوجتة ( الضرب تحته مليون خط) لا يتجرأ عليه وذا من اول سنة زواج يطقكك بعدين وش بيسوي
الله يخليلك والديك وقفوا بصفك ويخافون عليك وانتي توك صغيرة الله يعوضك خير ويرزقك بالرجال الي يقدرك ويحترمك
الاحتراااااااام اهم شي في العلاقة الزوجية إذا فُقد فُقدت الطمأنيننة...
اطلعي على اراء المختصين والدكاترة النفسيين وبإذن الله يهديك ربي للرأي السدي

انا أقول استخيري و طيعي ابوك صدقيني ما يفهم الرجال ويعرفهم الا الرجال اللي مثلهم


انا مو من عادتي أحرض على الطلاق بالعكس عادة أحب اهدي الوضع وأدور على أشياء زينه في الزوج علشان اطمن الأخت الشاكيه


بس إنتي بصراحة من يوم حكايتي عن زوجك في وقت الخطبة عرفت انه مو رجال ولا عنده احترام لأحد وما يشوف احد الا نفسه هذا اذا ماكان مريض نفسي


حياتك معاه راح تكون كلها شد اعصاب وتعب وعذاب احمدي ربك انك ما جبتي عيال لأن هو بكبرة عقليته اصغر من البزران
واللي يسب اهلك ويقذفك على كل هوشه مو كفو أصلا انك تطالعين بوجهه واتوقع لو طلبتي الطلاق منه راح يقذفك عند الناس ويقذف اهلك حتى يطّلع نفسه هو الملاك الطاهر لكن انا أقول اذا سوى كذا ارفعي عليه قضية قذف لا تسكتين عنه سكني عنه واتمادى


الله يعينك ويعوضك بخير منه

نصيحه دام ابوك وامك ماايددينك ع الانفصال
انفصلي واشتري راحتك

• الله يكتب لك اللي فيه الخير

ربنا ييسرلك الخير
صلي استخارة حبيبتي

الطلاق ايش تبين بواحد معقد بناتنا ودهم انخلقوا جنسيات ثانيه بسبب هالاشكال بس ماعندهم حل ثاني وانتي تجيبين الشقى لنفسك ارجعي لديرتك وكملي حياتك الطبيعيه والله بيعوضك
اما ذا من اول سنه مامنه خير اذا تدبستي بعيال راحت عليك مابتقدري تطلقي