تهبيباتي وتهبيباتكم باول ايام الزواج 💃 تعالوا ياحلوات

اول عيد بعد الزواج زوجي كل يوم برا البيت اما معايدة من الصباح مع الرجال او عزيمة غداء او عشاء ومانجلس في بيتنا الا وقت النوم فقط والعريس صار يكشخ على حسابي و يغير 3 مرات باليوم الثوب بكامل ملحقاته من الف للياء
وعدت 5 ايام العيد وخلص مهرجان الفاشن شوو السعودي ورجعت بيتي انظف وارتب واعيش الجو الطبيعي وقبل مانام على 1-2 قبل الفجر سالني جهزتي لي ثوب لبكرا!!
فتحت دولابه ومالقيت الا بجايم نوم فقط
وطبعا مسوية عروسة وسناعه زايدة وحس مسؤوليه ست البيت
طقيت الصدر وقلت له ولايهمك تصحى الصبح تلاقيه معلق
واقوم اجري احط كومة هذيك الثياب ومن زود الاخلاص
افند الغسيل حسب نوعيه الاقمشة
واحط الثياب الحرير مع الحرير والثياب القطن مع القطن>> مو منها من الي علمها الغسيل خخخ
والعريس كانت ثيابه ثلاث ارباعها من الخفيفة الي يشبه قماش عباية الراس >> بدأت العروسة المحروسة تبرر موقفها خخخ
واشوف عبايتي وتكسر خاطري واقول ليش ماحطهم هذه نفس نوع القماش
واكمل مدرعمة واشغل الغسالة وتخلص واحطهم في النشافة واكمل باقي اصناف الاقمشة لحد ما اذن الفجر --
صحي العريس لقاني اكوي وانا اقلب في الثوب يمين شمال
سالن خير!! قلت له يا انا من السهر شايفة الابيض رمادي او عيوني فيها شي
سالني اش حطيتي مع الغسيل قلت ابدا سلامتك غير مسحوق وكمفورت حتى والله الكلوركس ولاقربته عشان عبايتي لا تفسخ
وطبعا ماقولكم ايش صار بعدها خخخخ
بكيت وصنقرت طول اليوم هذا وانا الغلطانه

ههههههههههه الزهايمر وعمايله 😂

صباحك ورد ياعسل 🌹🌹
وحشتينا بجد وكلا"يسئل عنك
الظاهر حتى احناا نستينااا😂
هههههههههه

😢 وش صار على بطايقك عليه العوض ومنه العوض
ضيعتي اقتصاد العايله هههههههههه

😂😂😂
زين ماسويتي خير وسيلة للدفاع الهجوم ههههههههه

ماشاالله متكييين هنا امس بموضوع هايو والحين هنا الا هايو وين موضوعك ماله حس لايكون طار ورا الشمس


انايوم تزوجت تزوجت وانا لسى بزر ولا اعرف شي 😮
وهو عنده علم لأن عمري صغير بس كان مستعجل بالزواج وقال عادي انا اعلمها ع الطبخ وكل شي >سردت قصة حياتي
المهم يوم جيت اغسل الملابس اخذ الشماغ الاحمر واكب الكلوركس عليه ابيه ينظف من قلب ويوم طلعته الا تجيك اشكال نمريه شي بقعه صغيرة وشي كبيرة ويوم شاافها عيوونه طارت بس التزم الصمت وقلبه يتفطر عالغترة الجميلة


وموقفي الثاني كنت لسى مااعرف اطبخ وجانا ولد خالته كان عنده شغل ومر علينا وجلس كم يوم المهم واقوم اسوي الرز ولا انتبهت الرز استوى او. لسى
والمهم اصرف الاكل واحضر وجو ياكلون وكل مااكلو رز طلع صوت اقططط اقططط الرز حب مااستوى لسى 😱😱وطلع كأنهم يآكلو قرصان مو رز😲 بس والله تفشلت من ولد خالته وزوجي قام يدورلي اعذار بس مااش مافي عذر يقبلني وولد خالته قال عادي مافي مشكلة بس يلاا قد صار اللي صار 😒