اريد اسال الجميع سؤال مهم

مرحبا بجميع عضوات منتدى عالم حواءعساكم دوووم طيبينابي اسال في وحدة حطت ف قرارة نفسها انها تتغير من كل نواحي الحياة وفعلا استطاعت تتغير انا مثلا ابي اغير اشياء كثيرة في حياتي واستمر لمدة اسبوع وارجع اخس من اولمثلا ابي اعطي نفسي وقت خاص بالعبادات والطاعات بس دوم اقصر وابي اعطي نفسي وقت للعناية بنفسي وجسمي بس لا حياة لمن تناديانا عصبيه بعض الشي خاصة مع اطفالي واريد هالشي بس محال اتكلم اني اريد اتغير وارجع مثل اول وزياده نفس الشي اريد اكون اكثر هدوء وغموض وترتيب ف حياتي وبيتي كيف الانسان ممكن يتغير كيف ممكن يغير من نفسه ويستمر انا فعلا تعبت من كثر ما افكر ف التغيير ابي وحده مرت بتجربه حلوة فهالشي وتساعدنيجزاكم الله خير الجزاء

10 تعليق 687 مشاهدة

شاركي في النقاش

سجلي الدخول لإضافة تعليق.

التعليقات

10
  1. التغيير مايجي بين يوم وليله يبغاله وقت وصبر وجهد بالذات بوجود الاطفال لانهم من جد ياخذو ثلاث ارباع اليوم خاصة اذا اعمارهم مختلفه وفيه منهم بالمدرسه وفيه منهم لا وفيه مراهقين
    عن نفسي احب اشوف الانستغرام لناس كانت اوزانهم زايده ونحفو وتغيرو احب اتابع هالتغيرات احب اشوف وحده كانت سمينه وشعرها خشن وسمرا واتابع يومياتها الين صارت شخص ثاااااني
    احب اتابع وحده مهتمه ببشرتها وفنانه بالماكياج لانك من كثر ماتشوفيها راح تتأثري فيها
    اتابع وحده حاليا لها نظام حلو تنزل يومياتها وطريقة عنايتها ببشرتها واي مشكله تواجه بشرتها تحط المشكله والحل
    لها كورس كريمات لقبل النوم وكريمات نهار وواقيات شمس تتكلم عن ماركات الماكياج وايش يناسب كل عمر وكل بشره وصدقيني مع الوقت راح تتأثري وتقلدي وتتغيري
    المهم تكوني صادقه مع نفسك والتغيير يكون لنفسك مو عشان اي احد ثاني
  2. اي فيه اعرف وحده صلت الليل وداومت عليه واهتمت في شعرها وبشرتها وراجعت نفسها وحافظت على فروضها وايقنت الثقه بالله سبحانه وتعالى وتوكل عليه بكل شي بس تبي اصرار وعزيمه
  3. @rmynya22

    انا من النوع الحريص على نفسي احب لو ما عجبني بنفسي شي اغيره







    سواء بشخصيتي او بتعاملي مع الناس او بواجباتي او بأشي







    اللي يخص شخصيتي او تعاملي مع الناس اقولك نجحت بتغيره 90 بالميه







    هو حاجه وحده ودي اغيرها بنفسي بس ماني قادره هههههه

    كثره السوالف مع خواتي ودي اصير اقل سوالف هههههه










    من ناحية العبادات محدده لي اشياء استمر وارجع وارجع استمر بس فتوري مابتعدا يوم او يومين




    هو الذكر هو اللي ينظم عباداتك
  4. صاحبة الموضوع
    شكرا الغاليات على ردودكن الي تريح القلب رمينيا والحلوةة المغرورة وفوفو جزاكن الله خير الجزاءنزين خبرني عن اصراركن وكيف بدا
  5. بما ان عندج اطفال فتربيتهم اعتبريها عبادة

    قعدتج مع زوجج اعتبريها عبادة

    شوفي باقي وقتج تقضينه بشنو ؟

    تلفزيون ؟ جوال ؟ سوالف مع صديقات ؟

    اخذي من هالوقت حق عباداتج .. وابدي شوي شوي

    الاذكار مثلا ( تسبيح واستغفار وغيره ) تقدرين تطبقينهم بسهولة طول يومج

    فمشيتج روحتج جيتج وانتي تطبخين وانتي ترتبين وانتي طالعة وانتي داخلة

    صيام السنة بعد ما ياخذ من الوقت مجرد يبي له ترتبين جدول اكلج

    الصلاة .. لو ركعتين بس بعد ما تاخذ من الوقت .. الضحى والشفع والوتر

    حتى قراءة ورد يومي من القرآن خليه بعد صلاة الفجر مثلا او قبل النوم لو صفحة وحدة

    وترى العبرة مب بكثرة العدد العبرة بالاخلاص فالعبادات

    وزياراتج حق هلج وصل رحم وتوجيب الناس امرنا فيه الرسول عليه الصلاة والسلام

    الصدقة لو بريال فالاسبوع والا حتى الابتسامة بعد تعتبر صدقة

    انج تهدين الناس فمناسباتهم او بدون مناسبة بعد من السنة

    لو بتفكرين فالعبادات ترى مب بس صلاة وقراءة قرآن العبادة اعمق من جذي

    اهم شي حافظي على اذكار الصباح والمساء والنوم ودبر الصلوات وهذول ان شاء الله يكفون انج تكونين من الذاكرين ومعاهم ورد قرآن اساسا

تابعي تجارب أخرى من هذا القسم.