بكرية واعاني من تدخل امي زوجي وبناتها وسلفتي في عنايتي بمولودي

اهلين حوائيات
انا تو والد لي شهرين باول مولود يعني بكريه


ام زوجي وبناتها وسلفتي دايم ينتقدوني اني مااعرف اعطي المولودة الرضاعه وﻻ اعرف امسكها عدل وﻻ اعرف الفها بالمهد زين وام زوجي لشافت احد من المعارف وانا معاها تقول ان المولودة مسكينه طاحت في ام مثلي حسسوني اني غير مؤهلة باﻻمومة مافي شي يعجبهم بعنايتي حطموني بكﻻمهم لدرجة ان صار البيت كله ينتقدوني ان مااعرف اعتني بالمولودة


ابي احط حد لﻻنتقاداات الجارحة قلت بخلي زوجي يقول لهمﻻاحد يتدخل وينتقد انا امها واعرف فيها منهم

19 تعليق 2,713 مشاهدة

شاركي في النقاش

سجلي الدخول لإضافة تعليق.

التعليقات

19
  1. طولي بالك دائما البكريه تسمع كلام مثل كذا انها ماتعرف
    وتسمع نصايح والكل يتدخل على اساس انها جديده على الامومه وهذا الصحيح اكيد البكريه تجهل امور كثيره ومحتاجه احد ينصحها فطولي بالك عليهم ودخلي الكلام من اذنك اليمين وخرجيه باليسار
    ومع الشهور وكل مايكبر طفلك خلاص بتقل التدخلات وتكوني انتي اكتسبتي خبره
    فلاتسببي مشاكل مع زوجك واهلها كوني اعقل منهم
    واتركيهم يتكلموا لما يطفشوا خوذي المفيد والباقي وراك وقللي زياراتك لهم اذا ماتتحملي الكلام واعتذري ان طفلك شاغلك وماتلاقي وقت وكلها هالفتره ويتركوك بحالك
  2. @dlooooaah_o_thooook

    قولي لهم ايوه مااعرف اهتم فيها انا اللي حملت وانا اللي ولدت واهتم فيها زي ماابي
    متخلفين والله معروفه اغلب البكريات كذا ومع الايام تتعلم طنشيهم او ردي عليهم بأدب
  3. حبيبتي قابلي هالكلام الجارح بابتسامه ونصيحه خففي رجلك عنهم>>يمكن يحسون
    وحاولي لا تطيحين الميانه معهم مره>>لان بعض الناس الله يهديهم يفهمونها سذاجه ويبدون يقلون احترامهم
    في النهايه هي ام زوجك جدة البنت وأخواته عماتها لكن انتي امها وادرى بمصلحتها .

تابعي تجارب أخرى من هذا القسم.