بديت بالجرد ثم>>>>ااتنظيف العميق >>ثم التفريز

الله ينور عليك حتى استفدت من كلامك فعلا بعض اللمسات نتركها للاخير اصلا سبحان الله يجيك حماس للتنظيف في رمضان مدري في احد مثلي ولا لا يقولو الشيطان شاطر يشغلنا نعيد كل شي عشان نتلهي عن العباده

الله يهون علييك ياارب
انا حاطه في بالي عشان اتحمس اقول يمكن يجي رمضان وانا حامل
من باب التفاؤل يااارب ومن باب الحماس عشان اخلص

ايييييوه كنت زيييك بالضبط
بس وقفي هذا نوع من الوسوسه
جلست افكر اللمبات وش وسخها لا مااعيدها
الشبابيك اذا مافي مطر بس تتكنس بالمكنسه
الستاير قللت منخا وخليت سايري مو قماش جبت من الانواع الجديده بس اكنسها اذا زادت الوسوسه هههه
المطبخ ماراح امسكه كلللله ايووووه لاحد يجي يقولي وين السناعه انا عارفه نفسي الفرن مستحيل يجلس نظيف
الدواليب من جوه بس انظها واللي برى لا اصلا نظفتها قريب كان عندي ضيوف وهي من النوع المطفي مايبين فيها تلميع ولا وسخ رااااح اخليها في رمضان مثل الايام الخيره لو كل يوم امسك دولاب واحد تمسيح اعتبريه رياضه لليد واذا جاتك حالة الوسوسه مثلي هههه منظف زجاج وتلميع للمطبخ كله تمسيح طبعا ماراح تدعكي وتشيلي زيوت ليلة العيد لانك منظفه من قبل بسسسس تلميييع
امممما اني اخلي تنظيف بعد العيد مااقدر العيد ابغا احس انه عيد كل شي نظيييف ومايكون فيه طبخ وزيوت كثير راح يظل نظييييف للاجازه الطويله كلها وتستقبلي براحتك

يووووووه
ترى المنتدى طفشني على كل اقتباس اعيد التسجيل واخر رد لك يا مموددي انحذذذذذذف
يبغالي انسخ الكلام قبل ماارسله وربي تعبت وانا ارد عليك رد طوووويل يلا نسيته عاد هههههخ
تعبت وانا اكتب وش الحل
حتى مواضيع صرت ماارد كل رد لازم اعيد التسجيل 😤😤😤😤😤😤😤😤😤😤😤😤

كل عام وانتم بخير والله يبلغنا رمضان وياكم واحنا باحسن حال حلو الوحده قبل رمضان تجرد كل شي بالبيت وتنظفه بس الاحلا انك تحافظي على الجهد اللي سويتيه وانا مثلكم تقريبا بس عند نقاط اسويها طبعا انا من طبعي انظف المجالس او غرف الاستقبال وابخرها واقفلها عشان عيالي مايحوسوها واتورط اذا جاني احد فجأه طبعا برمضان رح تطبخين وتتعبين وفيه كذالك صلاة التراويح يعني يبيلك وقت ريحي نفسك فيه ويبيلك كذلك وقت تهتمي بنفسك عشان العيدفانا احب اخصص غرفه افرشها وفيها تلفزيون وقريبه من المطبخ وانظفها بعد السحور وانظف واغسل المواعين وانظف الفرن اول باول وانام واصحى على الساعه 12الضهر استعد لصلاه واصلي واقرا جزء بعدين اتوجه للمطبخ اعجن نوعين مثلا عجنة فطاير اشكلها عدة انوع ولقيمات طبعا انا اكون مفرزنه حق اسبوعين سنبوسك ورول المنتوا وغيرها من الانوع ذي اطلع اللي ارغب فيه واستخدمه واسوي شوربه طبعا اللحم مقطع قبل رمضان ومكيس بعدين اروح اتسبح والبس وارتب سفرتي واجلس ادعي وافطر واصلي واخذ غفوه وبعدها استعد لصلاة التراويح اول مارجع اغسل مواعيني واطلع دجاج او لحم لسحور واسوي الشاي ونجلس نقنق شوي او اروح للاهل ساعه وارجع على الساعة 12وابدا اسوي لي خلطه اوشي اهتم بنفسي واسوي حمام زيتي لشعري واتسبح انا احب امشي بعد امشي نصف ساعه على الاقل بالحوش وارجع اسوي السحوروالله يبلغني وياكم رمضان ولاتنسون انفسكم مع شغل البيت لبدنك عليك حق 😘