السلام عليكم ,, كيف حالكم بنات
اختي مطلقه من سنتين طبعا عيالها عندها وهي بالنسبه لهم الأم والابو ومتكفله بكل مصاريفهم وكل شي
والزوج متزوج وساحب على عياله وبالشهر مره يشوفهم بعد بأسلوب خياس
المهم اختي عندها ولدها البكر وعمره 12 سنه وعيالها الأصغر واختي حابه تمشي عيالها برى السعوديه لأنها عادي عندها فلوس وغير كذا ودها تمشي العيال وتغيّر لهم نفسياتهم لأنهم عانوا شوي مع ابوهم
طبعا كل شي بقرار الاب .. وطلبوا ابوهم من سنه وهو مو راضي يعطيهم جواز وموافقه يقول لهم نهايه مكه وتخب عليكم ( لأن اختي تحب مكه ودايم تسافرلها حتى قبل ماتتطلق كانت تروح مع امي هناك وهو كان يعاير اختي بألتزامها )
بنات بلييز وش الحل ؟ كيف تقدر تطلع جواز من غير ذل ابوهم واستحقاره لهم ؟
احد مرت عليه نفس هالحاله ولآقت حل ؟ سمعت انه فيه ناس لازم تدفع فلوس وتنحل السالفه بس خايفين تدخل بحكم الرشوه :(
ساعدوني يارب يفرجها عليكم ياكريم
شاركي في النقاش
سجلي الدخول لإضافة تعليق.
التعليقات
10- انا طلعت جواز سفر لي ولعيالي وابوهم برا البلد
وتعبت شوية حتى قدرت اطلع الجواز
لانه زوجي ماكان عنده اجازة وكان صعب ينزل السعودية والجوازات طلبت انه ابو العيال الي يسوي الاوراق
فسوى توكيل لاخويا وارسله بالبريد وانحلت الامور
يعني ولي الامر لازم منه خاصة اذا فيها اطفال
فخليها تحاول يعمل لاحد من اخوانك توكيل عام ويكتب فيه على وجه الخصوص انه مؤهل بالموافقة والتوقيع على اي اجراءات حكومية وبعدها تفتك منه وتروح وترجع محل ماتبغى
والله يسهل امرها um joud انا طلعت جواز سفر لي ولعيالي وابوهم برا البلد وتعبت شوية حتى قدرت اطلع الجواز لانه زوجي ماكان عنده اجازة وكان صعب ينزل السعودية والجوازات طلبت انه ابو العيال الي يسوي الاوراق فسوى توكيل لاخويا وارسله بالبريد وانحلت الامور يعني ولي الامر …
ياقلبي انتي ربي يجزاك خيير
بس الي فهمته ان زوجك سوى توكيل لأخوك صح ؟ كذا صعبه مستحييييل يسوي توكيل :(
الله يعطيك العافيه على ردكRUNWAY ياقلبي انتي ربي يجزاك خيير بس الي فهمته ان زوجك سوى توكيل لأخوك صح ؟ كذا صعبه مستحييييل يسوي توكيل :( الله يعطيك العافيه على ردك
الله يعافيك
ايوا ياقلبي لازم توكيل اصلا العيال مايقدرو يطلعو برا السعودية الا بخطاب موافقة من الاب او من ينوب عنه اذا له وكاله
يعني المشكلة ماهي بجواز السفر فقط
لازم ورقة تثبت موافقة الاب بخروهم من البلد
والله يسهل امورها- الله يعينه ويفرج له
- الطريقه فقط عن طريق المحكمه ترفع قضيه
والشيخ راح يساله سبب رفضه وكذا اذا شاف ان معاكم مثلا محرم وماتطرل وانها فقط ترفيه راح يجبره يطلع لهم جوازات
ممكن تلوي ايده بلمحكمه مثلا لو ماينفق تطالبه بلنفقه ونها مستعده تتنازل اذا سوا توكيل لاخوك او طلع اوراقهم وجوازاتهم
مواضيع مشابهة
تابعي تجارب أخرى من هذا القسم.