السناب و العين

بصراحه لطلعت او بصور شي لازم أصوره وانشره بعد ما اقضي ع الاكل او بعد ما ارجع من الطلعه والوناسه يعني ادز الصور في السناب متأخر
والانستغرام بعد اسبوع أحط صور مطعم او شاي ههههههههه لانه وقت فراغي اجلس عليهم وادز 🙃😂😂😂😂

ههههههههههههه ايوا كلامك صحيح الخوف من الشخص نفسه والي حوليه

👍🏻👍🏻👍🏻👍🏻
صح لسانك


هالناس موسوسه بالعين
اي شيء فيه صور دخلوا فيه العين
بدايتها من الواتس قالوا لاتحطوا صور عيالكم عرض بالواتس واخرتها هاللي بالواتس اقل من اللي يشوفونهم بالمولات وبالمناسبات وبالمدارس وبالشوارع وبكل مكان
وبعدها الانستغرام والحين السناب كل ماطلع برنامج دخلوا فيه العين والحسد
يعني بالله محد بيحسد ولا بيعين الا عن طريق هالبرامج؟
مافيه عين بالواقع ؟
على كذا الواحد لاعاد يطلع من بيته ابداً ويقاطع الناس والعالم عشان محد يحسده ويعينه
لأنه بيكون معرض لأشخاص أكثر ومعرض للعين والحسد أكث

الحل ندفن انفسنا احياء
يعني لو عندي سناب و صورت اني حامل و انتظر مولود راح تجيني عين
و اذا رحت العيادة و مريت بعشرات المراجعين و المراجعات ما راح يصيبني شي
طيب ممكن تطلع كلمة منهم ما اسمعها ولا ادري عنها تسبب لي ضرر
ادخل مطعم فاخر و اطلب وجبة غاليه و اخرج و اخذ معاي للبيت عادي ما تجيني عين من العمال اللي ممكن يخدمو بالمطعم ولا يقدرو يدفعو ربع اللي دفعته
لكن اذا صورت سناب ثواني جاتني عين و تسممت !!
تزوجت و سافرت و الكل درى بزواجي و سفرتي و رجعت سليمه
و يوم اني صورت الجواز او بطاقة الزواج جاتني عين لاني نشرت بسناب
جد الله يشفي عقول اللي يفكرو بالطريقه هذي
لن يصيبنا الا ما كتب الله لنا مع الحرص على الاذكار و التوكل و العمل بالاسباب ..،
كل برنامج لازم نعمل له اكشن من النوع هذا
مصيركم تنسو سناب اذا طلع غيره و يرجع موال العين

خلاص صوري لين تقومي من النوم وانت مرجوجة وسعابيلك لا ركبك شكلك من الناس الي تحب الفشخرة حتى تصير مسخرة