بنتي عمرها 4 سنوات بتجلطني .. ساعدوني 😭

الله يعين اصعب شي الاطفال ماتعرف كيف تتعامل معهم ان شديت مشكله وان ارخيت مشكله
انا بنتي البكريه بهذلت فينا من هي صغيره لازم الطلعه تنقلب نكد مع انها بالبيت هاديه لازم لاطلعنا تبكي واحيانا من لاشي والى الان عمرها 9سنوات اذا طلعنا بعض الاحيان تجلس تتذمر وماتستمتع بالطلعه وتتفرج مدري هو من كثر مانطلع صار الوضع عندها عادي ومثلا رحنا مول لازم تلعب واذا مالعبت تجلس تزن على راس ابوها وكانه اخر مره راح تدخل مول مع انها تكون الاسبوع اللي قبله لاعبه بالملاهي
والحين وحده من بناتي التؤم خايفه تصير مثلها لازم بالسياره تكون على التكايه او على رجليني وبس تبكي بسبب وبدون سبب وكم مره رجع زوجي متضايق من الوضع والسفر معاناة ثانيه الله يعين

مشكورين حبايبي
والله يجزاكم الجنة ياااااارب
والله تعبت مع هالبنت الله يصلحها
وابوها مستحيل يمسكها اذا رحت للسوق
مايتحمل حركاتها 😂
هو مهمتة يدلع وأنا اتحمل النتيجة
تخيلوا كل يوم يشهد علي الله ماكذبت
كل يوم يجيب لها لعبة جديدة بسبب وبدون سبب اقول له يا بن الحلال ليش كذا حرام البنت كذا بتفسد سلوكها .. يقول لا تدققين عليها عااادي خليها تستانس !
صارت اذا لعبت وخلصت منها بوقتها فككت اللعبة ورمتها !!
والله العظيم عندي غرفة ملياااانة العاب
ومع هذا ماتلعب فيهم ويااااااول احد يقرب منهم !!!
كانت فيها عادة سيئة وهي عدم المشاركة !
يعني لما يكون معاها شيء بيدها شبس مثلاً مستحيييييل تعطي احد منه لو ترمية بالزماله اكرمكم الله .. بس ما احد ياخذ منة شيء !!
هذا السلوك الحمد لله قدرت بالصبر اتخلص منه
ايش سويت .. صرت اجيب الاكل او اي شيء يكون معي واجلس واقول لها ولأختها تعالوا يابنت ناكل مع بعض ونتشارك !!
ومرررة ومرتين وثلاث صرت لما اشوف بيدها شيء
اقول ايش رايك نتشارك مع بعض !!
في البداية تتردد وبعدين صارت هي تطلب مني اشاركها .
اما الصياح والصراخ للاسف لسى ماقدرت اسيطر عليها ولا أني اتاوز هذا السلوك فيها .
هي شخصيتها عنيدة
وعندها ثقة قوية في نفسها وماتخاف من شيء
وتحب تلعب مع البنات اللي اكبر من سنها !
يعني هي عمرها 4 سنوات وتحب تلعب مع اللي عمرهم 12 سنة ابداً اللي بعمرها ماتلتفت له !!

يمكن حركاتها وراثه انتي كنتي كذا او ابوها.
مرحله وتعدي على خير

الله يحفظها يارب
أول شي اعملي لها رقية أو خلي شيخ يقرا عليها وشغلي سورة البقرة بالبيت أو اقرئيها بتاخذ منك ساعة وربع بإذن الله
ثانيا حاولي تغيري تصرفك معها فعوض أبوها هو للي يلبي طلباتها خليه ينسحب من هالشي نسبيا ويسلمك المهمة
لما تصرخ على حاجة حاولي تجلسي ولو قرفصاء علشان تنزلي لطولها وتقدري تناظري في عينها وقولي لها بهدوء اسكتي وأعطيك ولما تسكت وتعطيها اعطيها أيضا نصيحة قولي لها يا حبيبتي لما تبغين شي قوليها بهدوء وبعطيك وخذي منها كلمة حاضر أيضا علميها لما تعطوها شي تقول شكرا .
أيضا اعطيها نصيحة قبل لا تخرجوا قولي لها احنا بنخرج مثلا للألعاب وإذا صرختي راح أرجعك على طول وفعلا إذا صرخت رجعيها على طول واعطيها نصيحة لما توصلوا البيت
الله يجعلها ويجعلنا من الصالحين

جربي العلاج السلوكي التحفيزي علقي بغرفتها على الجدار جدول وقسميه مربعات واستخدمي نجمات كبيره ملونة او لماعة وقولي لها اذا سويتي شي زين وسمعتي كلامي بحط لك نجمة هي في البداية بتتحمس وتسوي شي زين معك وقولي لها اذا صارختي ابشيل نجمة ! واذا امتلا الجدول كله نجمات بشتري لك هدية بس لا تصارخين عشان لا تنقص نجمة وبالنسبة لخوفها من الرجال والذكور احسه غير طبيعي اذا كانت تبكي منهم فالافضل تستشيرين اخصائي سلوك اطفال وهو بيوجهك ويعلمك. الله يصلح حالكم .