خطة رمضان لسنه 2016

👈دي خطه رمضان السنة دي🎉💝
حاجات بسيطة قوى ممكن تخلى
رمضانك مختلف يعنى
🎈مثــــــلا🎈
1-روقي أوضتك وإمسحيها وغيرى نظامها
شوية .
2-إعملى فيها ركن صغير كده مهما كانت
ضيقة هتعرفى تعمليه .
3-إشترى مصحف جديد
ومصلية جديدة عادى .
4-حطى الحاجات اللى إشتريتها دى فى
الركن اللى عملتيه فوق .
5_كلمى ربنا من الحتة الصغيرة دى إدعيه
من المكان ده اعبديه واتقربى منه من المكان ده هيشهدلك يوم القيامة .
6_إنزلى أى مكتبة واشترى نوتة جديدة
وقلم وإكتبي فيها اللى عملتيه أول يوم رمضان واللى عملتيه تانى يوم رمضان وهكذا وشوفي نفسك بتطلعي لقدام ولا بترجعي لورا وبتقللى فى الطاعات .
7_جهزي 30 جنيه وطلعي كل عشر أيام فى رمضان 10 جنيه صدقة يعنى كل يوم جنيه تقريبا ... مش مبلغ خالص .
8-عددي نوايا أى عمل بتعمليه فى رمضان عشان ثوابك يتضاعف .
9_بلااااش تليفزيون لأن هم 30 يوم مش
مستحملين دقيقة تضيع منهم .
10_كل نص ساعة تقعديها على الفيسبوك تقعدي قصادها ساعة تقرأي فى الورد بتاعك وتسبحي ربنا .
11-اعملي حجة وعمرة كل أسبوع مرة ! أيوه اختاريلك يوم واحد فى الاسبوع صلى الفجر واقعدي اذكري ربنا وسبحيه واقري ما تيسر لحد شروق الشمس تاخدي أجر حجة وعمرة تامة تامة تامة .
12-اختاري أى سورة من القرآن واحفظيها .
13-وخدي ثواب الحفظ مضااااعف .
14-رمضان 30 يوم اختاري 3 من صحابك
واتبنيهم فى دعائك يعنى ادعى لفلان وفلان وفلان وانا بقولكو أهو من دلوقتى ادعولى 😃كل يوم لمده 30 يوم واتفقي معاهم هما كمان يدعولك
وشوفي النتيجة آخر رمضان وكفاية إن الملك هيقولك ولك بالمثل .
15-استغفري كتير قوووى فى رمضان لنفسك ول ﻷهلك ولناس كتير بتحبيها وعدد نوايا الاستغفار إن ربنا يوسع رزقك فى المال والزوج الصالح مثلا والذرية الصالحة وهكذا .
16-المصحف الشريف _عارفاه طبعا_ هاتيلك 5 ووزعهيم على 5 من صحابك وثواب قرأتهم طول رمضان يتحط فى ميزان حسناتك انتي كمان صدقة جارية .
17 - اعملى حصالة رمضان من دلوقتى وحطى كل يوم مبلغ بسيط وقبل رمضان افتحيها و تصدقى بهم لمائدة رحمن أو أعملى أكل وفطرى صائمين أو اعملى شنط رمضان ووزعيها .
18-خليكي فاكرة إن الشياطين اتسلسلت
خلاص يعنى اللى باقيه معاك
وبتوسوسلك دى هى نفسك الأمارة بالسوء فعلميها الأدب فى رمضان واثبتيلها إن إنتي اللى ممشيها مش هى اللى ممشياكى .
متنسيش تدعيلى دعوة بظهر الغيب 😊 ولكى بالمثل


كل واحدة تبعتها لكل صحابتها ع حدا 😘