اعمام عيالك وعماتهم .. هل ترضين يهاوشون عيالك ؟

مستحيل أرضى أحد يصارخ على ولدي طالما أنا موجوده أنا اللي مسؤوله عنه
كلام الأخت أم جود صحيح و منطقي لكن ينطبق على الأعمام و العمات اللي يعرفون كيف التربية و بيتعاملون مع طفلي لو غلط بتعامل صحيح لكن للأسف في أعمام و عمات أو حتى أهل الأم نفسهم لما يغلط الطفل يصرخون فيه فجأه و يروعونه و يتلفظون عليه بألفاظ انتي ماتبين طفلك يقولها أصلا و يخلون حتى الأطفال الباقين يتفرجون عليه و يضحكون عليه و يحرجونه .. اتوقع في هالحاله ماراح يكون هذا الأسلوب يربي في الطفل تقبل النقد و احترام الكبير بالعكس راح يحطم نفسيته و شخصيته و يعقده
لذلك ما اسمح لأحد يصرخ على ولدي او يهينه مهما كان خطأه يتركون المهمه لي و انا اللي بقوم بنفس اللحظه و بعلمه ان اللي سواه غلط

طبعا ماازعل لو عيالي غلطانين
لأن فالأخيىر مايهاوشوهم من كره ذول أعمامهم مايهاوشوهم الا من محبة ولأنهم ع خطأ حتى لو الاسلوب ماعجبني الا أنه فالأخير هم قصدهم مصلحة عيالي وتنبيههم عالخطأ وانا بعدها بطريقتي افهمهم انه ذا غلط م يصير
اما لو كان زي م تقولي لفرض الشخصية لااااا طبعا

لو هو غلط عادي مافيها شي دا عمه مو غريب مومعقوله حتى مع الاعمام رسميات يشوفه يغلط ويسكت عنه
اما لوفرض شخصيه وعيالي ما غلطوا م بسكت لو العمه هواشتهم
بس لو العم كيف بطوله وهو بمجلس الرجال ماباليد حيله

ذكرتيني بولدي مسكوه اولاد عمه فتره عالطالع والنازل بس يخاصموه غلط او بدون
تحملت كم يوم الا اشوفهم زودها وقتها قلبت عليهم الدنيا وصارت مشاكل بسبب هالشي بس قلت ماعلي فيهم اهم شي ولدي مايتعقد
وهم اساسا مرضى نفسين يعني الغلط من مولدي ومتأكده
في هالحاله ماراح اسكت
الحين علمت ولدي اللي يخاصمك رد عليه لان الاشكال هذي ماتنفع معهها التقدير والاحترا

ما في احد يرضى على فلذات كبده..
لكن ان حصل منهم خطأ وسوء فيوجهون
واذا لزم الامر يوبخون...
ما اقول خط احمر وعيالي يؤذون الناس هذا مو صحيح..
ومن عجيب بعض الامهات ما تمسك طفلها واذا قالتلها وحدة
تاذت من طفلها شوفي ولدك وامنعيه قالت بزر صغير خليه..!!
يعني تقبلي اذاه بصدر رحب ولا تهاويشيه...!!
حشفا وسوء كيلة...
انا لا اخالف رحمتك وحبك لاطفالك اختي لكن اذا حصل منهم خطأ
وطنشتي لازم يتم توجيهم او توبيخهم..