تجارب الأخوات2 (تحفيز بطانة الرحم عند د/بندر العبد الكريم) يمنع فتح مواضيع مشابهة

الله يثبتلك اجنتك ونفرح بخبر حملك

دلع بنت ماجد الله يخلي لك عيالك ويرزقك لهم اخوان
حكينا عن تجربتك الاسباب وطريقة العلاج ورحلة الحمل ترى هاالمحاولات الناجحه تعطي امل كبير للبيقية

امين دلع بنت ماجد ربي يخلي لك اطفالك يارب
وانا بعد انضم للي قبلي
سولفي لنا عن تجربتك كامله لوماعليك كلافه

سبحان الله وبحمده سبحان ربي العظي

بسم الله
تجربتي مع تاخر الحمل
طبعا تزوجت وتاخرت في الحمل مابديت بالبحث الا بعد ماكملت سنتين من الزواج سويت تحاليل طلعت سليمه وقلت زوجي يفحص هو بعد وكنت شاكه ان المشكله فيه وطلع شكي بمحله طلع عنده ضعف وتشوهات وقلة بالحركه وبدينا بالعلاح بمستشفى حكومي طبعا انا مااخذت علاجات ولامنشطات نهائي طول هالفتره المهم زوجي يتحسن وفجاءه يرجع يسوء تحليل سويت العمليه الاول وفشلت السنه اللي بعدها سويت الثانيه وفشلت ويوم عزمت على الثالثه اخذت قبلها كلوفاج والفوليك وزوجي اخذ البروكسيد بلس يوم بديت بالتحفيز حلل زوجي كان تحليله كويس وطبعا تعرفون التحفيز يطول مع التنشيط خصيصا اني سويته ثلاث مرات لخبطت الدوره معي وقتها والحمدلله سهلها ربي وبديت بالتنشيط ويوم جاء تحديد موعد السحب كان برمضان بدايته طبعا زوجي عطاهم العينه بالليل عشان الصيام وانا السحب بالنهار وطلع نتيجة العينه التشوهه نسبته99% تخيلو وقلت الله يكتب اللي فيه خيره وحددو موعد الترجيع يوم خامس من السحب وتلقح 14 بويضه 7 من الدرجه الاولى والباقيات من الدرجه الثانيه والثالثه بيوم الترجيع جيتهم الصباح وحنا صيام طبعا انا مفطر عشان شرب المويه والمثانه تكون مليانه قالولي تبين تحديد جنس قلت لا قالو تجميد قلت لا ورجعو لي ثلاث اجنه واخذت بيوم الترجيع محلول التحوير المناعي وقالو حليلي بعد اسبوعين وحللت وطلعت حامل ورجعت اخذته مره ثانيه وتعرضت بالشهر الثاني لدم اسبوع وعطوني ابر التثبيت ويوم دخلت الشهر الثالث تعرضت لنزيف وقال الدكتور لازم ندبل لك الابر والمثبتات وصرت اخذ ابر ثلاث مرات بالاسبوع وعؤفت انهم تؤام بالاسبوع السادس انهم كيسين وبالاسبوع التاسع انهم جنينين وقالو فيه كيس ثلاث بس بدون نبض وبعدها مع كل سوناؤ يتلاشئ وسويت ربط بعد عند دكتور بندر وولدت بالثامن بسبب نزول المويات وجبتهم قيصري وجلسو تقريبا شهر بالحضانه وبعدها طلعو والحمدلله صحتهم كويسه اختصرت تجربتي والا فيها تفاصيل كانت جميله ربي لايحرمك من خوض هالتجربه بحلوها ومرها لان مافيه شي حلو يجي بدون مصاعب