زوجة اخوي بتخرب حياتي

قبل فتره انا كتبت لكم موضوع زعلي من اخوي وقلتوا لي اخوك ومن هالكلام وفعلا اتصلت عليه وسلمت ولا كانه صار شي لكن يابنات زوجته بدت تزيد علي والله لدرجة مو بس انا لاحظت حتى كل حريم اخواني واخواني يجوني يقولون حقدت بسبب غيرتها منك عليك والله احنا عندنا قروب وهي كل مره تنزل صور مطاعم وكدا وكل الي فيه بالقروب نفس الوضع انا نزلت مره وحده وتستلمني انا سنعه طبخت بنفسي وانا وغير كذا تراقبني ع السناب وتجي تعلق بالقروبات عند اخواتي مثلا أكون طالعه تجي تقول ترى كل الناس طالعين مااحد جالس بالبيت !!! انا كل هذا وسافهتها ولا عمري رديت عليها بكلمه وحده اخر شي بس خلاص اخوي صار يكرهني من وراء كلامها تسب فيني عنده حتى زوجي لاحظ يقولي اخوك ليه كذا صار معاك ! هي نفسها ومنى عينها تسافر برا بس اخوي عسكري واجازته بطلعة الروح وغير كذا مايحب يطّلع برا ابدا وزوجي كل سنه يطلعنا الحين شافت سفرتنا قربت مرسله اخوي تقوله اختك ماتتحجب ترا برا وتقوله انا شفتها اخر مره بالسناب شات مو محجبه وهي كذابه انا ماارمي حجابي عشانها او عشان غيرها ! صار اخوي يجي عند زوجي يقوله انتم تروحون تضيعون فلوسكم بديرة الفساد الي حتى اذان مافيها ! وهذا كلامها مو كلام اخوي وكذا مره تقوله قدامنا وصارت تعلق ع شكلي بالمجلس انتي حواجبك كذا وانتي جسمك كذا مع اني عاديه ولله الحمد والحين مستمره بالموال الي كتبت لكم عنه المره الي راحت تقول انتي نفسيه تروحين وتجين بس ماتطلعين للناس تبيني كل يوم ف بيت انا الحمدلله متواصلة مع الكل بس الزيارات انا لي ظروف والنَّاس لها ظروف وحريه وصارت تحرض اخوي علي تقوله اختك فيها توحد والله زادت الحاله ي بنات اخوي بدا يكره اخواني الباقيين فيني !! المره الي فاتت تقولون لين لا تقطعين اخوك عشان كلام الحين أفكر جديا أقطعه قبل يخرب زوجي علي بكلامه وتحريض زوجته والله هي تجري وراء تخريب حياتي وعلاقتي مع اخواني وزوجي حسبي الله ونعم الوكيل فيها

24 تعليق 5,050 مشاهدة

شاركي في النقاش

سجلي الدخول لإضافة تعليق.

التعليقات

24
  1. @kyk_12

    واضح انها غيرانه منك طنشييها وستمري كذا ولا كأنها موجوده في الحياه بس حرام انها تفرق بينكم وبين اخوكم تقهر حسبي الله بس .
  2. @yalyl_altfsh

    لاتشرهين عليها الشرهه ع اخوك اللي يسمع منها
    اعوذباالله انقرضو الرجال خلاص احذفيها من كل برامج التواصل مو لازم تشوف وش تنزلين
    ياكرهي للاشكال هذي.
  3. @bnt_ahsn_nas

    احذفيها من كل البرامج واذا اجتمعتو مع اخوك تكلمي بعفويه وكأنك ماتقصدينه قولي اعوذ بالله بعض الحريم زي الشياطين تسعى دايم لتفرق بين رجالها واهله والغريب مادري وين عقول الرجاجيل الي يسمعون كلامهن ويصدقونهن
  4. @sdym_almhbh

    ماخرب حياة الناس وفتح عيونهم على بعضهم الا هالبرامج
    احذفيها وريحي راسك مو لازم تدري انتي وين رحتي ووين جيتي الله يصفي النفوس

تابعي تجارب أخرى من هذا القسم.