مادية زوجي اقل من الضعيفه

الله يفرج همك انتي شايلة هم الدنيا على راسك ترا مافي شي يستاهل انا زوجي ما يبقى من راتبه غير 200 ريال هذي حق مقاضي البيت و غير كذا جاينا نونو في الطريق و بالعكس مرتاحة و مبسوطة بحياتي اهم شيء عندي بيت و عندي اكل و شرب و ربي ساتر علي خلاص و النونو مثل ما قالو لك البنات يجي و يجي رزقه معاه انا اليوم بعت طقم ذهب و رحت اشتريت لي كم قطعة للنونو و لا فكرت بالذهب لان بنتي اغلى من كنوز الدنيا كلها اشتريت و انا مبسوطة و تعشينا ورجعنا البيت عيشي كل يوم بيومه لا تفكرين في بكرة

الرزق مع المولود ..

أختي البلد كلها أرزاق يجي البنقالي وما عنده لا شهادة ولا خبره في شي بعدين يشتغل ويحصل خير زوجك لو بيدور بيلقى بإذن الله صدقيني بس يتوكل على الله ويدور شغل وبيلقى إلا إذا كان مايبي الشغل وأعتقد من كلامك أنه يبي يشتغل فيه أشغال كثيره جدًا يقدر يحصل فيها رزق 1- يبيع خضار فيه رزق كبير جدًا 2- يوصل مشاير 3- يصير مندوب توصيل فيه ناس ماديتهم جدًا ممتازه ويشتغل مندوب فيه أشياء كثيره جدًا جدًا بس يتوكل على الله ويدور وبيحصل بإذن الله وذهبك لا تبيعينه لو هو يكلمك ويقول بيعيه لا تبيعين أي شي خاص فيك هذا حقك ولو بعتي شي بيصير يتعود عليك وغير كذا هذا واجبة الإنفاق عليك لو عندك ملايين

شوفي حبيبتي كل شهر من الراتب تصدقي لو بريال بنية البركه بالراتب والله يفرج همك ويرزقكم

شوفيلك شغله تناسب جلستك بالبيت
اي حاجه انتي موهوبه فيه سويها
اذا طبخك مشهود عليه ف سوي صنف او صنفين انتي متقنتهم وبيعيهم
او تحبين الخط والا شغال اليدويه
سوي لبنات العايله والجيران الاعمال الفنيه وبيعيها عليهم
او الخط اذا تخطين على بشيرتات ومخدات وكاسات
او مكياج وتسريحات واستشرار ببيتك
ياكثر الاشغال بس شوفي شي مناسب لك ولبيتك عشان ماتضغطين نفسك وترهقين
وخصوصا اول بيبي يعني بيكون فيه مجال شوي للشغل
وحده من قرايبنا بس تبيع ورق عنب وملفوف وكبه وتحصل بالشهر الفين
وبزواج طلبو منها بسته الالاف
الله يوفقها ادعولها جاها عين وصار عندها خلل باعصاب اليد ووقف رزقها