التجمع السادس عشر يوليو و اغسطس 2016 🎊💜💙

خلصت ألف سلامه عليك
الله يشفيك ويعافيك ويطمن قلبك


أستودعناك الله وجنينك

السلام عليكم..
كيفكم بطوطات ،، وكيف الكتاكيت🐥🐥.
وحشتوووني.. كيفكم مع الحمل..
ماشاءالله التجمعات ماشية سريع خلص التجمع ماقريت شي.. انشغلت مع اختباراتي.. لكن هانت ان شاءالله مابقالي الا مادتين ..
الف سلامة للتعبانات وماتشوفن شر..
الله يقومنا جميعاً بالسلامة ..

خلصت طمني بالك وان شاءالله ماقدامك الا العافية ..

السلام عليكم
صباح الخير
اخباركم صبايا
بنات انا توفيت بنت عمي قبل يومين ادعولها تكفون نحسبها والله حسيبها انها من اهل التقوى والايمان
وتأثرت كثيرا من وفاتها الله يرحمها رحمة واسعة
وفاتها في حادث فجاءة
طلبت زوجي اروح لاهلي اعزيهم لكن رفض بحجة انه يتعب من السفر كل اسبوع من الشماليه للغربية
واهلي يبعدون عنا تقريبا ساعتين ونص
الحمد لله على كل حال عذرته بسبب انه دايم يسافر
لكن الصدمة يابنات لما قالوا له اهله يروح مشوار سفر تقريبا ساعه ونص ابداً مااعترض قال سمعاً وطاعه
هل يحق لي ازعل
ويوم كلمته وقلتله قال اهلك تروحين لهم رمضان ويتحجج اني النفاس شهر بااصير عندهم وحجته الثانية امه ماعندها احد يقوم في خدمتها اذا انا رحت لاهلي كم يوم


بنات انا تعبت نفسياً احس مااقدر استمر مع زوج كذا ابدا حتى مايراعي مشاعري ولا شي
واهله قايمة فيهم والله مستحيل يحصلون احد يسوي فيهم كذا تخيلوا الغداء والعشاء انا الي اصلحهم
ويوم توفت بنت عمي يستهزؤن فيني يوم ابكي متعجبين ليش ابكي احس قلوبهم كلهم قاسية مافيهم رحمة
ماادري اقدر اصبر والا لا وجهوني بنات تكفون اي وحدة مكاني وش راح تصلح انا نفسيتي زفت من الحمل ومن الضغوط في الحياة ومن زوجي الي تعبني معه
وخايفة كمان على امي
امي في هم لا يعلم به الا الله


انا لله وانا اليه لراجعون

عظم الله اجركم
الله يرحمها ويغفر لها ويصبر اهلها ياكريم 😟
بالنسبه لزوجك الله يهديه يارب ماله حق يمنعك حاولي فيه قولي بروح اعزي وأادي الواجب وارجع لاتطولين يوم واحد روحي الصبح وارجعي الليل ان ماوافق ازعلي زعل خفيف بيني له انك متضايقه
ومسأله قومتك بأمه فماشا الله عليك كله راجع لك بالخير وبتشوفينه ف عيالك مع انك مو ملزومه وهذا تكرم منك المفروض يشيلك فوق راسه بس اصبري اصبري وربي بيجازيك صدقيني ف البركة ف بيتك وصلاح عيالك والله يسخر لك زوجك يارب