التجمع السادس عشر يوليو و اغسطس 2016 🎊💜💙

صباح الخير
خلصت تطلعين بالسلامه يارب الله يعينك ع اجواء المستشفى كذا مافي راحه ع انه مفروض يوفرون للمريض الراحه الله يغنيك عنهم بعافيته


الي سالت عن عياده للتصوير ثلاثي الابعاد بالرياض في عيادات اسمها افينو في العليا ياخدون ع التفصيلي 480 ريال // وثلاثي الابعاد الملون 580 ريال يعتبر غالي انا ماسويت الملون بس شفت صور له عندهم حاطين ومعروف هو بس مبالغين بالاسعار ..
تراتيل تتهنىين بالاغراض وان شاء الله تشوفينها على البيبي بالسلامه

وكمان بسمة اللؤلؤ عندهم ثلاثي الابعاد وارخص شووي من افينو بامكانك تتصلين تاخذين الارقام من النت وتستفسرين وتشوفين المناسب لك ..

انا يابنات امس تضايقت يوم رحت اهلي
مدري انا مكبرتها ولا هي تزعل السالفه ..
اهلي مسوين حفله لبنت اخووي توها مخلصه تمهيدي
وامي واخواتي مسوين لها حفله وهدايا فخمه
انا عادي عندي بس عيالي جلسو يتفرجون يعني ماكلفو ع انفسهم لو يجيبون لهم هدايا خفيفه كذا عن خاطرهم لانهم اطفال بيضيق صدورهم
وصرت كل وقتي ضايق صدري ولا لي خلق للحفله لما شفت عيالي كذا ..
وانا احب بنت اخوي مره والله واتمنى لها كل خير بس مو ع حساب عيالي يتفرجون ولا احد حاسب لهم حساااب انتو لو بوضعي عادي ولا بتتحسسون مثلي حتى ماسولفت كثير واضح علي اني متضايقه وامي تحاول تلطف الجو شكلها فهمت بس شسوي ماقدرت اكتم بنفسي ولايوضح علي لما شفت عيالي كذا 😢

حتى بنت اختي صغنونه ماعطوها شي وجلست تناظر واختي تضايقت بعد تقول لو جابو لها عرووسه
مدري تحسسنا انا واختي امسس لاتقولون من الحمل اختي مو حامل 😂😂

هو من المفترض كانك عارفه عن الحفله انتي ابدي قولي خلنا نسوي حفله لكل الاطفال....

او كان شرحتي لعيالك ان الحفله لبنت اخوك ويشاركونها الحفله...وبعدهم انتي بتسوين لعيالك حفله واهي بتشاركهم الحفله ...الاطفال يتفهمون اذا وعدتيهم انك تسوين لهم وتنادين اصدقاءهم ...لو اشياء من ابو ريالين وكيكه....

شوفي الحمل مررره يكبر السالفه حتى انا امس صار لي موقف بس قلت بنتي الله يصلحها تغث جدها....واهو كبير في السن ...خفت بس يضربها ضربه قويه في الراس والا شي ياثر على مستقبلها لانه عصب عليها مره...احترت بين بنتي وبينه كلهم يعتبرون اطفال...اخر شي سكت بس انغز في بنتي واهم حلو الموضوع....


حاولي توسعين صدرك وعيالك لاتعودينهم على الحساسيه ترا يتاثرون من حساسيه الام....افرحي معهم وقولي يالله نروح حفلة فلانه ...عشان تجي لحفلتنا ....لا يدرون انه في خاطرك...وترا الدعوه بسيطه لا تشغلين بالك ...