التجمع السادس عشر يوليو و اغسطس 2016 🎊💜💙

امييييين يارب


مافيه غرف ابداا وكنت لحالي ومرتاحه الا اليوم جابوهم


ياربي ماادري وش اسوي امي مرسله لي تعالي العصر بنختار هديه لمرت اخوي
قلت لها ان شالله
صراحه ماقلت لاي احد واخاف تدري وانا توني على التاسع بتشيل همي وبتتعب واختي مرسله لي تقولي بجيب عيالي لك اذا رحت للدوام لانهم باجازه
اهلي كانهم حاسيين تعذرت من اختي قلت لها زوجي باجازه
بس امي وش الدبره معها ؟!!! زوجي يقول ارسلي الظهر وقولي بنام مانمت طول الليل واختارو اللي تبون


وافكر اذا طلعت اروح للسوق اخذ كل اغراضي واسكر شناطي احتياط والعم يقول مع الرواتب


الفين شي براسي بس الله يسهلها من عنده


الحمدلله ضغطي هالحين انتظم بس تقول لازم نقيسه 24ساعه واذا تمام طلعتي

كل سواليفهم كذا 😂😂😂😂

والا يتكلمون باشياء تفجع

قعدت اصيح مانيب حساسه لهالدرجه بس جد خفت يوم تكلموا عن الضغط ووش يسوي بالطفل
كنت ازهق وامل من التخطيط هالحين انا بديت اركبه واخر مره خليته علي 4ساعات
الله يحفظ اجنتنا واياكم يارب

ياليت شدن تطمنا مررره مالها حس

بنات امس نمت العشا تقريبا ساعه وشوي
واحلم لكم ذاك الحلم بعد هالاوامر الملكيه😂
حلمت اني في المستشفى رايحه ولاده وولدت بس ماذكر اني كنت اطلق وتعبت مادري ويني فيه يوم كنت اولد😂
باختصار::
ولدت وماشفت وش جبت ولا قالو لي واطلع لغرفتي والقى ام زوجي واخت زوجي في غرفتي ويباركون لي ووو .. ويقولون نتفه نتففه مره بس حاولت اخذ الصيغه الي يتكلمون بها عن المولود هي ذكر ولا انثى لاني اشوفهم فرحانين مرره ماميزت وش يقصدون هو ولد او بنت المهم جيت ابطلع للغرفه الثانيه حقت الاستقبال اسمع ام زوجي تدعي الله يجعله من عباده الصالحين
قلت في نفسي معقوله ولد وانا مابينت شي اني متفاجئه او مستغربه قلت لاخت زوجي اخوك شاف الولد قالت ايه قلت متاكده جا وشافه انه ولد لان ماندري ماعلموني اكيد انه بنت او ولد قالت لا شافه وفرحاااان وطايرررر فيه سكت انا ومشيت للغرفه الا تغير شكلي لابسه فستان مخصر وكعب وفل ميك اب وجسمي نحييييف ماكاني والده والقى على سريري البيبي وافتح البامبرز ابتاكد الا اشوفه ولد قعدت اركز عليه ماصدقت 😐😁😂😂 وارفع راسي الا القى الملك سلمان داخل ويسلم ويبارك لي واحب راسه ويده واسولف معه😂😂😂 طايحه الكلافه بينيوبينه ❤❤❤❤ والمهم يتقهوى طويل العمر ويستاذن يطلع😍 وانا مومصدقه في الحلم وشلون صار ولد وهم 3 قالو ماندري احتمال بنت ... وخلص الحلم

للعلم اني ماكنت افكر في الجنس انا بس اروح اتاكد ابيهم ياكدون انه بنت بس كل مرره يشككوني
وحتى زوجي اول ماحملت قال اذا بنت ترى ابسميها كذا
زوجي ماعنده مشكله في جنس المولود ابد بس مادري وش هالحلم انا ناقصه تفكيرررر 😫😫 الحين ابستلم زوجي بالعيادات بينهبل مني ابروح لين يأكدون لي وش هو !! تصدقون وش شريت قبل امس😳
رحت للقرعاوي واشتري مدس الفيرو مارتيني وفيه شوي شك وولون خربزي على وردي تخيلو وانا شاريه ملابس محايده ولا تجرأت اخذ الوان الا اذا تاكدت
عاد رحت ومالقيت الي ابيه مخلص الموديل لقيت هذا يجنننن ياخذ العقل قلت هو بنت الي في بطني بس انا اتاكد زود حرص مني وزوجي قال عادي لو صار ولد ماراح يبين وهو فيه رسمات وشك بالخربزي والوردي 😂
قلت ابد بكيفه والافرول الي اخذته يناسب البنت والولد
جايه بالمقلوب انا😂😂
المهم الحين عقب هالحلم وش اسوي شورو علي
شريت مدس بناتي 😂😂😂 ودي اتاكد اليوم بس زوجي بيقضي علي اتوقع

حلمك ماشالله تبارك الله يبشر بالخير

حلم الولاده فرج وخلاص من الهم

الملوك بالاحلام عز واتوقع رزق دامك سلمتي عليه وكلمتيه
يقولون اذا شفتي العضو تجيبين زي ماشفتي
بس شوفي يمكن هالحلم مب لهالحمل للحمل اللي بعده

ماتصدقين كميه الاحلام اللي شفتها وحتى الملك سلمان شفته وكل تفسيراتها ولد والسونار بنت وكل مره ياكدون لي وحتى التفصيلي بنت
فايقنت انه هالحلم بشاره للحمل القادم الله لايحرمنا ولامسلم ويحفظ ذرياتنا