اول لقاء تعارف بعد الملكة..!! مواقف مضحكة ومحرجة..

مثل ايام الاختبارات...
يجيك مغص على طول.. 😁😁

أما أنا في يوم الشوفة ماقدرت اشوفه أبداً من الخجل😰😓،
ملامحه مادريت عنها إلا بعد الملكة المهم فكرت إني
اصوره📷 وبدون أي تفكير
فتحت جوالي وبصور الرجّال
إلا الفلاش اشتغل بوجهه وابوي انفجع وانحرج في نفس الوقت
لو تشوفو شكلي اتمنيت ساعتها اروح اموت 😢😭

ههههههههههه
من جد مت ضحك

انا سارت ملكتي وانا مسافره
ودق عليه يبارك😉
وبعدين قعدنا شهر كلام وهرج
لمن رجعت بعد شهر استقبلني في المطار مع ابويه
وصلني للبيت
ودخل وكل الجرئه الي في شهر ماقدرت افتح فمي بكلمه مكسوووفه
ولا كلمه نطقت
بعدين سوينا شبكه مختصره راحوا الناس وخرجنا وبس

خخخخخخخ مواقف حلوه وايام مره جميله
انا كنت ارفض كثير وهو يوم الشوفه اتاخر عن الموعد اللي اتفقنا عليه وانا اتريق واطقق عليه أقول لامي وزوجه اخوي ايوه حضره المدير مو فاضي
المهم جه وجلس معه ابوي واخوي واناو 2 من خواته اول ما طلعت شافوني بعباتي حنا البنت لازم تلبس قدام الخطيب انفجعت يقولون لي هلا بزوجه اخونا الحين ماشفت اخوكم حتى ويبوني اجلس جنبهم دخلت شفته ماعجبني مع انه زوجي وسيم واجلس واحط رجل على رجل واتكلم من طرف خشمي وجلس يسأل اسئله اشوفها مره مالها داعي زي وش تحبين اكل وطبخات غصب عنها ناظرته بنظره كأن وش فيك انت وش تبي .ومسوي الحمل الوديع مره
المهم وطلعو جاني يومها الم فضيع في معدتي ماني لاقيه سبب ارفضه الرجال كويس وتوكلت على الله يوم الملكه سبحان رب العالمين الله كتب له محبه بقلبي ماادري كبف نزلت وكنت مره مره مستحية منه يكلمني ومعطيته ظهري يقول انا قلت هالبنت اللي تكلمني من طرف خشمها لازم اكسر راسها ههههه والله انه تمسكن لحد ما تمكن مره شخصيته قويه وقيادي
كنت وقتها البس عدسات طبيه ثاني يوم الملكه جاني يجيب حاجه لان عاملين حفله طلعت له بنظاره طبيه وبجاما خخخخ