بسافر مع اهل زوجي وزوجي هددني

اللهم صل وسلم على محمد
حبيباتي انا زوجي قالي خلاص من الان السفر انا واهلي وانا موافقه طبعا .. ماعندي مشاكل
بس هددني مااحسس اهله .. كيف ؟ يعني مايبين على وجهي اذا ضاق صدري من تصرف معين ؟؟ او زعلت من موقف ؟؟ او انصدمت ..
قلت طيب وش اسوي اذا وجهي فضيحه قالي امسكي نفسك والا مافي سفر
المشكله قلت له طيب ابعد عن اللي يضايقني
سوا فيني وقام يلعني وبااخلاقي واني اقصد ابعده عن اهله ههههههه لو تدرون والله شسوي لاهله تستغربون انه شك هالشك ..
ماشافو مني الا كل خير لانه من اول سنه زواج وهو يطلبني اكون طيبه معهم وهذا شرطه
ماعلينا
انا شايله هم هالسفره اللحين زوجي وهي طلعات عاديه يخاف منهم يمشي جنبهم كنهم زوجاته وانا ورى
غير التلزق والضمات .... واللبس واللحين سفره مدري كيف اخلي وجهي مايتغير !!!!!
اللي قد سافرت مع اهل زوجها تقولي شسوت وش الاجراءات و اسوي وش مااسوي
هل اقول رأي بالاماكن والمطاعم ؟؟؟
هل اقترح اماكن وانا ادري ماراح تعجبهم بس ذوقي عكسهم سبحان الله حتى عكس زوجي هخخخخخخ


المهم زبده الموضوع وش اسوي شايله هم
الله يوفقني ويسعدكم ويسخر لنا يارب

35 تعليق 10,031 مشاهدة

شاركي في النقاش

سجلي الدخول لإضافة تعليق.

التعليقات

33
  1. والله والله مسافر معه السفر وناسه مو هم طززز بشروطه قولي ما بهيمه على كيفك انتي شايف شخصيتك ضعيفه متعرفين تحاورينه ولاتشغلين عقله الباطني ...كان قلتي خف على مشاعري انا الحق لي والله لو تمرض كل هالي انت فارضهم على ليرموك ولااحد يهتم لك ...قسم لو هميتيه مفكر بهالكلام للاسف الي متعرف حقوقها وتحب نفسها تحمل مايجيها ...
  2. @swes24

    هلا حبيبتي
    لو تقدري تسافري سفرة لوحدك انتي وزوجكك كنسلي سفرتك معاهم
    لكن لو مالك خيار الا دي السفره روحي معاهم واستمممممتعي
    مايحتاج تخطيط
    عادة السفر اصلا مخططلو من قبل المطاعم الفنادق وكلو
    يعني ماراح تتشاورو هناك ع مطعم والا شي


    وترا اي مكان ماروحتيلو قبل حتى لو مو ع مودككك حيعجبككك يعني سهليها وانبسطي بكل مكان يروحولو


    واذا ع زوجك معاليكك منو وتننكدي ع نفسكك ليش لاصق فيهم


    كلككككككم حتكونو سوا استتتتمتعي وبس
  3. @slm_saaod

    اعوذ بالله ،،،يلعنك ،،،؟؟
    الله يهديه ،
    علميه ان اللعن حرام وهو الطرد من رحمة الله والعياذ بالله
  4. @mayfyd_alboh_1

    كله كوم ههههه وشرطه تكونين طيبه هو مو غصب يمكن تكون الوحده شريه من داخل ومن برا لسان ينقط عسل ويمكن تكون وحده ع نيتها ولاتجامل ويمكن اهل زوج يكونون اشرار والله انا اسافر معاهم بس اتصرف بعفويتي انا مو بمدرسه انضبط انضباط
  5. @skr_bnotat_1

    يعععع وش الله حادك تحكرين نفسك معهم

    الجو من اسمه حرية

    انطلاق

    تشمين هوا

    مو لزقه اهل زوجك معاهم

    وصراحه زوجك غريب فارض عليك كل السفرات مع اهله

    والاغرب انتي يوم وافقتي

    اصدق يعني لهالدرجه يخوف زوجك وماتقدري ترادديه وتعترضي

    واضح شخصيتك مو ضعيفة الا ممسوحة بالارض بعد

    يابنت اصحي لنفسك وين الخصوصيه والمتعة اذا اهل زوجك صاروا معاكم

تابعي تجارب أخرى من هذا القسم.