تجمع التباشير الرابــع لأمهات مواليد مايــ..5..ــو & يونيـ..6..ـو👼🍼2016

ي قلبي ماتوقعت قد كدا خطير نقص الدم انا ف بداية التاسع كان عندي 9 ونص وقالتلي ع الابر بس ماتسهلت ف صرت اخذ حبتين حديد فيروجلوبين بس تعبني الامساك ف صرت اخذ حبه وبحاول اكل البنجر والزبيب والعسل الاسود. وان شاء الله يرتفع ،،

ع انه اكشنك مريح بس حكاية الدم تخوف وانا اوسوس لانه فصيلة دمي نادره ، والحمدلله انه دحين وضعك احسن ربي يحفظلك كادي واخواتها 💕،

بسألك انتي دحين رابع حمل بس اتوقع تطولي بين الحمله والثانيه صح ؟

ي عمري ربي يسهلك وان شاء الله دي الولاده تكون قبل وتتسهل معاكي يارب ❤،،

وماشاء الله عليه احمد باين عليه لزيززز 😄 ربي يحفظه ويهديه ويفرحك بشوفة محمد بصحه وعافيه يارب

ام رهف لاتشيلي هم ان شاء الله بعد الولاده حينزل الوزن بصحه وعافيه يارب، اهم شيء ركزي ع الاكل المفيد وخصوصا الاكلات الي فيها حديد لانك ماتاخذي حبوب الحديد ،،

ولاتقارني بين الحملتين وترى فيه احتمال كبير يجي وزن البنوته اكثر من اختها انا متفائله وعندي احساس انه الي ف بطني حيجي وزنها اكثر من اختها ان شاء الله بصحه وعافيه ..

بنات بقولكم ع شيء تاريخ الولاده احسه تقريبي يعني لو تاخرت الوحده اسبوع لاتشيل هم بس اكثر من كدا تروح تراجع وتطمن ، لانه انا ومرت اخويا ف نفس المستشفى واعطونا موعد ولاده معين ولمن روحنا نفس المستوصف اخرتنا اسبوع ف مرت اخويا ولدت قبل 8 شهور وكانت قلقانه عدا موعدها وراحت للمستوصف قالتلها لسى باقيلك اسبوع وفعلا ولدت بعد اسبوع ماشاء الله ، كنت متحمسه اولد اول اسبوع شعبان بس شكله حتجيني الولاده ثاني اسبوع والاهم من دا كله التيسير ليا وللجميع يارب ❤..


انا اخر دوره ليا 3 شوال بس الي ف المستوصف قالتلي حملك صار يوم 17 القعده يعني زي كانه اخر دوره ليا 1 القعده ف بسالكم الي اخر دوره لهم 1 القعده متى تاريخ ولادتكم ؟؟

صباح الخير
مافي اخبار عن ام اصيل ؟