تجمع التباشير الرابــع لأمهات مواليد مايــ..5..ــو & يونيـ..6..ـو👼🍼2016

هدوء الكون
سلامتك ...ابسألك ياعمري انتي تقولين كتبتلك تنويم لان فيك سكر طيب كم واصل معك بالصوم وبعد الاكل
لانه فيني وانا مطنشه وخايفه😭😭

روز الله يعين مرا زهقت ومافيه اي بوادر ولاده
كل اللي حسيت فيه نهاية الثامن اختفى
التسلخ مراا متعب عالجيه والبسي شورت وامشي لعل ينفع معك




هدوء الكون سلامتك وماشاءالله تمام فتح 2 انا مااعرف للخروع ولاجربته
انتي اشربي دوافي وتسبحي بمويه دافيه ولو تجسلين ببانيو فيه مويه دافيه يمكن ينفع
بس انتي فيك سكر اخاف يضرك

روز
غريبة كيف الدورة ب3شوال والحمل صار ب11ذو القعدة احس مستحيل لانه التبويض يكون بعد 14يوم من اول يوم دورة ؟

ام اصيل وLBالله يهون عليكن وييسر ولادتكن


دموع شاعرة مختفية!!ان شاء الله تكون ولدت بالسلامة ي رب

مساء الورد رح اكتبلكم جديدي
.
.
طبعا جديدي طلق مستمر من ظهر الاحد
تقريبا ياخد كل عشره دقايق او اقل
لكن محتممل ولاحظت انو طلقي يفك بسرعه
يعني يقعد عشره ثواني ويفك واكون بعدها طبيعيه
واضحك واتكلم
ولما يرجع الطلق اتألم واوون
ف استغليت الفرصه بالمشي وطلوع الدرج والقرفصاء
ودخلت البانيو وحطيت مويه دافيه وقعدت فيها
ودهنت جسمي بالزيت وحبه بركه وغطست رجولي بمويه دافيه
.
.
الي حاصل لين الفجر ( فجر الاثنين )
حسيت نفسي تعبت نفسيا وجسديا قلت لازم اروح المستشفى
لان طلقي منتظم بس عيبه بارد
يعني يقعد الطلق ابو عشره ثواني الى 15 ثانيه
ويتحجر البطن مع مغص
ويفك بسرعه حسيت بتوتر
قلت لازم اروح واطمن على كل شي بالتخطيط
ومنها اطمن عالجنين لاني اوسوس ان الطلق الطويل
يمكن يأثر على الجنين ويأثر على عمليتي السابقه
.
.
ورحت الطوارئ وقابلت نفس الدكتوره هذيك
الي سوتلي تحريض بصباح الاحد 💔
.
.
وانا نيتي اني اذا رحت المستشفى ابغاهم يدخلوني ولاده
ويسو التخطيط والكشوفات و و و .. الخ
بس طلع نظامهم قبل ماادخل ولاده
اول شي يودوني الطوارئ يقيسو الضغط ويسمعو نبض
الجنين بالدوبلر + تقيس عنق الرحم 😢
وقاست طلع مقفل استغفرالله يارب شايله هم يظل رحمي مقفل
ومايفتح وهذي المره الدكتوره اتعاونت معايا انا قلتلها
ساعديني عشان مااشد ومااصرخ ف سارت تعطيني التعليمات
بهدوء اهم شي تباعدي رجولك وترخي نفسك من عند الظهر
وهي بشويش تحاول تقيس وصراحه صرخت بس بشويش
مقارنه بصريخ يوم الاحد الي كان قوي 🙊
.
.
ومسكت بطني قالتلي انتي فيكي طلق لكن مشكلة الطلق جدا يفك بسرعه وغير متقارب الافضل تعملي تخطيط
حتى تطمني وبعدها يقررو اذا يدخلوني ولاده او لا
وقلتلها يادكتوره انا خايفه على العمليه يعني تتاثر مع الطلق
اذا طولت فيها قالت ابدا مارح يسير فيها شي
الا اذا حسيتي بنفس مكان العمليه شعور مزعج
او فيها الم وقتها تخافي لكن اذا مو حاسه بحاجه حول العمليه
ف مو مشكله
.
.
وقلت يمكن خيره سبحان الله
رحت البيت لان مكتبه موافقه التامينات تفتح 9 ص
وكالعاده قلت لزوجي خلاص بخليها العصر
وانا نمت والم الطلق يجيني بالنوم بس بصراحه المها محتمل
ف من التعب الي فياا اكمل نوم وطنشت الالم
.
.
وبنشوف العصر ايش حيسير بعد التخطيط