السلام عليكم
من يوم تزوجت وانا احلم واتمنى اكون زي اي زوجه تفرح لما زوجها ياخذ اجازه...لي 8 سنوات متزوجه وماقد اخذ زوجي اجازه وانبسطت فيه تدرون ليش لانو دايم قبل اجازته يوعدني بوديك وبسفرك ..ولماتجي الاجازه اول شي يقوله يالله نسافر لديره...وليت عندي بيت في ديره عشان انبسط وارتاح ...لا ابشركم ماعندي الا غرفه وحمام...واذ تكلمت وقلت شي قال انا ماوعدتك ولا ظروفي ماتسمح ...بس لديره تسمح ظروفه...والله اني اتعب معه طول ايام السنه لان عمله استلامات انوم ملخبط وكرف في البيت ومع العيال واذ اخذ اجازه وطلبت منه انه يودني ع الاقل لطائف اغير جو...قال اول شي اوديك لديره .....الحين هو اخذ اجازه ..وقلت له ليش اخذتها الحين كان خليتها لبعد العيد قال ماصدقت انهم اعطوني ماني مخليها. هو له فتره مايعلمني متى ببيكون موعدة اجازته
..وع طول جاء وقال جهزي عفشك ببنسافر لديره.. قلت له انت وعدتني نسافر لطائف قال بعدين اول شي ديره...
.طلبت منه ان نتاخر كم يوم بس عشان اختي بتجي قلت اسلم عليها...وعشان ولد اخوي منوم ودي اطمن عليه ...قال اختك مالك فتره منها ..ولد اخوك بخير.....وكمان ماقدر ظروفي هالاسبوع مرره تعبانه لان دوره كم يوم وتنزل وانا دايم قبل دوره اتعب مررره ولما تجي اتعب ...طلبته بس نتاخر لين تجيني الدوره ع الاقل ثالث يوم منها نسافر لديره.. لاني ودي تجيني الدوره وانا في بيتي اشرب شي يدفيني واكون ماخذه راحتي في بيتي....والله مافكر فيه ابد ...يارب .صبرك....
ماكتبت ...الا عشان افضفض احس اني مخنوقه ودي اتكلم وارتاح...ادعولي...ربي يخفف ضيقتي
ابسط حقوقي صارت حلم بنسبه لي يارب يارب يارب فرج همي
شاركي في النقاش
سجلي الدخول لإضافة تعليق.
التعليقات
11- ياعمري لاتتضايقي
الله يعينيك ويهدي بالك
ويحقق مناك ياقدير
بس انت لاتتكلمي كثير
استغفري وادعي وربي يوفق - احمدي ربك غيرك عايش ومقهور لا بيت والكل متسلط عليه وضده أقارب اجانب ناس عالم مايدري من كثر الابتلاء وش يسوووووي بعمره احمدي ربك عندك بيت عندك زوو ج يشيل مسؤولية عياله مااحد يكرهك او حاقد عليك ويكيد لك انتي بنعمه الاسلام بحد ذاته نعمه كبيره احمدي الله هي دنيا ان شاء الله مع الاستغفار تنفرج همومك
- والله أني نفسك زوجي حتي العمره ابي ويرفض وإذ أخذ الاجازه علي طول الديره وصار لي اسبوع ماكلمه لانه وعدني يودي اعتمر بعده نروح الديره ويوم جاء الوقت قال ماعندي فلوس الحين بروح الديره كرهت من كثر مايخدعني الله يفرجها عليك وعلي
- عليكم السلام ورحمة الله وبركاته
اذا بس هذا عيب زوجك تراه مو مشكلة لان اغلب الازواج مثله يوعد وبعطي وبفعل وبسوي يحط الشمس بيمينك والقمر بشمالك واذا جا وقت الصدق نسى كل كلامه
مع الوقت راح تتعودين ، ربي يسخره لك ويسعدكم - أختي الله يسهل أمرك لكن تعبيرك فيه مبالغة أبسط حقوقي !! تخيلت من العنوان إن زوجك حارمك من شيء عظيم
لو عبرتي أحد أحلامي مستحيل ئ!
مواضيع مشابهة
تابعي تجارب أخرى من هذا القسم.