علمونا يابنات كيف نتزوج ....الخبيرات يتفضلون

لو تدخلين عالم دور التحفيظ الجميل والمراكز الصيفية اللي تابعه لها وتتعلقين بحفظ القرآن وصحبة الخير راح تحسين نفسك اسعد انسانة على وجه الارض .. هنا راح تعيشين حياة حقيقية مو عالم الخيالات والاحلام ...
وهذا مو كلام وبس ..!
لا هذا من ارض الواقع
والتجارب خير برهاان


وربي يرزقك وبنات وشباب المسلمين بالازواج والزوجات الصالحين والصالحات

الله يرزقكم يارب ..النصيب .الدعاء الدعاء الدعاء ...انا اقولك قصة زواجي هههههه كان في واحد قال بيخطبني من بعيد وجانا كلام ان زوجي الان يبغاني وكان قريب لامي بس ماقد فتح الموضوع نهائي وانا كمان كنت احبه وابغاه ...المهم امي مسكته على جنب وقالت له تبغى حنان ولا لا لان جاها عريس ههههه تقول قال ايه ابغاها بعدين قالت لي الموقف بصراحه خفت لا يكون انحرج المهم الا امه اكدت لامي اليوم الثاني انه يبغاني وانخطبت له 3 سنين كنى في الكليه ندرس وتاخر تعينه وصبرت ومستحيل كنت رح اتزوج غيره ...وتزوجنا كانو خواتي الكبار يخوفوني ك
من طريقة الخطبه وانه رح يعايرني ...ومن تزوجنا لنا 7 سنين ولايوم عايرني ولا يوم اطرى طريقة الخطبه لي بالعكس يحبني واحبه ....يمكن اخطب لبنتك ولاتخطب لولدك ...حلوه للرجال الثقه مو لكل ماهب ودب .. وعلى فكره زوجي جاه عرض ايضا من خالته بعد ماخطبني ماكانت تدري ارسلت ولدها يكلمه لبنتها بس رد لهم باحترام وقال انا خطبت خلاص وردو عليه بالاعتذار ودعو له ويوم عرسي حضرو وجابو لي هديه مميزه..الله يرزقك ويزوجك ياصاحبة الموضوع

الحمدلله والشكر سمعت بطريقة طبخه طريقة خلطه طريقة تطوير ذات بس طريقة زواج الحمدلله والشكر
حسستو المتزوجه انها حصلت ع نعيم الدنيا والاخره كل شوي وحده فاتحه موضوع ابي اتزوج
زي المريض اذا قال للي عنده ابي اموت ترا الناس مابيدهم شي كل هالاشياء بيد رب العالمين الله هو اللي كاتب لك متى بتتزوجين ومن ومتى مافي شي اسمه طريقه للزواج حامت كبدي
بعدين عمرك اقل من 25 فيه بنات تجاوزو الثلاثين وباقي ماتزوجت يعني اهتمي بنفسك وطوري نفسك واشغلي وقتك بوظيفه تعزك او دراسه تثقفك وترفع مستوى تفكيرك ترا الزواج مو نهاية المطاف بحياة الوحده يعني لاتزوجت انتهت امنياتها خلاص حصلت الباشا المنتظر
الحياه اكبر من كذا فيها اشياء احلى واسعد هذا بالنسبه لعمرك وللفئة المشحوطه ع العرس وهي صغيره وهالنوعيات سبحان الله من كثر ماهي تفكر بالعرس تتاخر كثير بالنصيب سبحان الله عشان كذا شيلي الفكره من راسك واهتمي باشياء افضل

الزواج رزق
و الدراسه رزق
والذريه رزق
و الوظيفه رزق
والراحه النفسيه رزق


عليك بالدعاء قبل ماتنامي ادددددددعي لين مايغلبك النوم وطول يومك ادعي وعليك بصدقة السر و رمضان قادم كمان تشيكي وزبطي حالك خليك طول الوقت مرتبه لاتطلعين من البيت وانتي مكركبه ابببببداً من باب انك تكوني محط الاعجاب وروحي مع امك خلي الناس تشوفك زواجات و زيارات وتكلمي خليك جريئه ولاتنادي الحريم الكبار الا ياخاله خلي كلامك معسول ترا اللسان الحلو له تأثيره
الله يرزقك