تجمع التباشير الرابــع لأمهات مواليد مايــ..5..ــو & يونيـ..6..ـو👼🍼2016

كممان ابسال كم تمشون ؟
ساعه او اكثر او اقل
كيف خطواتكم ؟ زي العسكر خطوات متباعده او عاديه ؟


رولا القطامي تقول عشرين دقيقه وانتو كم ؟

هلا وغلا ام رهف
الحمد لله كلنا بخير وهتان باقي تكة وحطه في كرتون واغلفه زي الهدية وارسله لأهلي ،، واكتب كرت " الهدية لا ترد " 😢
والله يا ام رهف اليوم بقول لزوجي سرت خايفة اني احمل واولد في السعودية..
الاهتمام هنا والرعاية خلاني اقلق لو ربي كتب لي مرة ثانية وحملت وانا في السعودية 💔
خاصة لما اقرا ردود البنات انهم خايفين من الممرضات او الدكاترة يكونوا منفسين 💔😭


اممم على فكرة سبق وقلت لك ع حماتي وانها تبغى ولدي ياكل مما نأكل ،، امس اتكرر الموقف وانا وقتها كنت في المطبخ وزوجي قدامي بيكلم امه ووبيشرب قهوة مع خلية نحل وبسبوسة ،، تخيلي عادت الكلام مرة ثانية قالت اعطيه عسل ( انا احط عسل ع خلية النحل بدال الشيرة ) قالها لا يامي ما ينفع .. قالت العسل فيه شفاء للناس ومذكور في القران .. بعدها زوجي طالع فيا وقال اعطيه ،، راحت حماتي قالت لا طالع في زوجتك انا ما بقولك ع شيء يضر ولدك.
وقتها احس ان الادمية دي نفسها تسمع ردي ،، وانا والله ما ودي ازعلها .. اخذت نفس وقلت لزوجي لا تعطيه عسل ما ينفع .. راحت حماتي قالت ( انت ابوه اعطيه )
وقتها قلت ما بدهاش بعطيها ردي : قلت لها انا ووزوجي رافضين ناكله لسببين الاول ليه في القران انذكر اذا الام ما تقدر ترضع الاب يدبر مرضعة ،، ليه الرسول عليه الصلاة والسلام دور له على مرضعه ليه ما اعطوه من حليب الاغنام او من الاكل العادي ،، واخر شيء ي حماتي ليه ربنا اجاز المرضع تفطر في رمضان ليه ما قال تصوم وتاكل البيبي اي شيء او تعطيه عسل ؟
سكت حق ابو كم دقيثة بعدين قالت الله ينور بصيرتك وبصايرنا اقتنعت بكلامك ..
اه ي ام رهف وربي زي الجبل كان ع قلبي وانزاح ،، وربي يسعدها حماتي ما استعبطت اتفهمت الموضوع وان شاء الله دايما تتفهم الموضوع 😊😊😊

ع فكرة كل ما اذكر ان من المفترض الين ده الوقت ( ما ولدت ) تجيني فرحة عظيمة ربي فرج علي وولدت بدري 😁😅

لو الهواء البارد يقسي الرحم كان امريكا والدول الباردة كلهم قيصيري ي عزيزتي انا ولدت في درجة حرارة سالب عشرة تحت الصفر ووقتها كنت احس حرررر وما ابى البس شيء حق برد ..
ومن ناحية العطور انا ما اقول ان كلام البنات مو صحيح بس اليوم كنت في السوق ودخلت محل عطور وكانت اللي تبيع حرمة حامل حتى من باب الدردشة معاها باقي لها 3 اسابيع والمحل كله عطور..
انا وقت ولادتي حطو لي في الغرفة شموع بريحة اللافندر وكانت ريحتها قوية والحمد لله اموري تمام ،،
يا حياتي بقولك ع شيء
" كُن مع الله ولا تبالي "
استغفري الله كثير وان شاء الله ربي يرزقك الولادة الميسرة ..

اسفة ع القرقرة الزايدة بس ساعات اللي يحصل لشخص مو شرط يحصلك اجسامنا مش وحدة

بالنسبة للمشي اذا يضعف من طاقتك فوفري طاقتك للولادة
واذا انتي معتادة ع الرياضة قبل الحمل وخلال الحمل فالرياضة تكفي
اما اذا لا فما عمدي خلفية

ام اصيل
تتهني بالتوزيعات جميلة لا قوة الا بالله
اشراقة
لون الغرفة ما شاء الله مرة حلو خصوصا مع الاثات الابيض