نصيحة من زوجة ثانية للأولى ..!

السلام عليكم ..
رسالتي هذي لزوجة الأولى ..وكل وحده زوجة وحيده وشاده حيلها تبي تتهاوش وتستشعر أني شريكتها تخرج من هذا الموضوع .


عزيزتي الزوجة الأولى .
حطي في بالك أنك ماتخذين النصيحة ولا تشكين لكل من هب ودب هنا أو هناك ...لان فيه العاقلة والمجنونه والمجربة واللي ماتزوجت حتى !
موضوع زواج زوجك هذا نصيبك ..مثل ماالزوجة الثانية نصيبها أنها تأخذ متزوج وأبو عائلة مو شاب لوحدها !!
و الزوج لو طار شهر شهرين سنه مصيره بيوقع ..ويتزن ..وهو في فترة تغير ..مثل ماأنتي في حالة صدمة وتغير بنفسيتك ..وكلها فترة وتعدي ..
لكن اللي ربي يوفقه هو اللي يضع مخافه الله أمام عينه .
أنا أبنته رجل متزوج ٢ وأمي زوجة أولى .
الحمد الله أبوي رجل حازم وقدر يمشي عائلته صح وربي وفقنا كلنا ..صحيح كانت في محاولات تدخل من حريم حتى يخربون علينا وقريبات لكن أبوي وقف كل واحد عند حده .
بنسبه لي هناك فرق أنا ٢ وسبب زواجي
ك الكثير مني مطلقة وطالت علي السنين أنتظر الغير متزوج وباالخير أخذت متزوج ..ومافيه عيب غير أنه متزوج !
بعد زواجي كل وحده في حالها وبعيده عن الثانية .
لكن يعلم الله ..أني وجدت من اللي حولنا تدخلات وتحريش لها ..ولا هي طينتها طيبه لكن تسمح للي تسوى واللي ماتسوى تدخل وتشيشها.
وهنا أذكر بعض من سلفاتنا حاولت معي تحش وتغلط فيها وقلت لها مااسمح لك تحشين فيها قدامي عندك كلام قوليه بوجهها .وبعدها ما فتحت فمها ..وللاسف وصلني أنها راحت تشيشها علي !
لكن الله حسيبها .
هذا غير أخوات الزوج ..اللي أذا زعلن من هذي صفن مع هذي ..وهكذا ...وقطعت ع الجميع هذا الطريق واصبحت رسمية مع الجميع .
لان مجتمع النساء وسخ .
يعلم الله أني مرتاحه من قطعت ع الجميع حبل التواصل معي ولا توصلني علوم ..الا عمتي ازورها وامشي سريع .
لكن شريكتي ..الله يصلحها فاتحه لهم بابها وأذنها وتمسع لهن ..وهذي هي مع زوجي بداية مشاكل وغيره مع أنها ماشافتني ولا تعرفني ..لكن الحريم يوصلن لها حتى نوع قماش عباءتي !
يسبني لاني ماأعزمهم بيتي وأني مغروره !
وهي تفتح لهن بيتها ..وتستقبلهن .
ويجني يتكلمن فيها وبيتها ولبسها .
والله ثم والله أن بعض الحريم خرابات بيوت .
ولا الرجال يسعى هنا وهناك ..جاهد يعدل .


لذلك نصيحتي لك لا تسمعين كلام الحريم ولا تعطينهم أخبار ..وزوجك باالكلمة الطيب يجيك.
ومهما طار مصيره يوقع .