تجمع التباشير الرابــع لأمهات مواليد مايــ..5..ــو & يونيـ..6..ـو👼🍼2016

يابعد قلبي ام اصيل الله يفرج لي ويفرج لك عاجلا غير آجل

وأنا زي أخوك يا روزهـ البلد اللي كنت فيها اسمها شفيلد وكان جداً ودودين الصراحة وتعاملهم راقي والحمدلله ماقد قابلت أي مضايقات بالعكس كنت أكره شيء اسمه بريطانيا وبصراحة رجعت وأنا أحترمهم جداً لأني ماشفت منهم الا التعامل الراقي

أذكر مره موقف وهذا عمري ما أنساهـ
كنت وقتها في بداية حملي وكنت جداً تعبانه ومع ذلك كنت أضطر أروح التيسكو وهذا سوبرماركت معروف جداً فيه كل شيء المهم لأن بيتي بعيد عن السيتي سنتر فكنت أحاول آخذ كل أغراضي مره وحده حسب استطاعتي وقدرتي ع الشيل فكان يومها أيادي الاثنين كلهم محملين أغراض وانا منتظرة عند الترام والترام معروف يوقف بس ثواني حق فتحة وتقفيل الباب فلازم تكوني جاهزة فكنت أفكر كيف حقدر أرفع يدي وأضغط باب الترام وانا في يدي كل هالاكياس الثقيلة والا فجأة جاتني عجوزة متأنقة جميلة من عواجيزهم 😊 وتسألني انتي تبغي تطلعي الترام 😳فالبداية تنحت واستغربت سؤالهاوبعدين رجع لي عقلي وقلت لها يس 😂وخلاص وقفت جنبي لين جاء الترام وفتحت باب الترام ويعني اني محترمه اقولها اطلعي انتي الاول قالت لالا انا ماراح أطلع الترام تخيلي انتظرت عشان تفتح لي باب الترام 😔 وين احنا المسلمين من هالتعامل طول الطريق وأنا أفكر في تصرفها
وموقف ثاني مره كنت طالعه سوبر ماركت جنب بيتي وطبعا تذكرة الترام الروحه والرجعة يجي لها ب 2 باوند الا شوي
وتذكرة الترام كان وقتها حق يوم كااااامل 3 باوند من 6 صباحاً تستخدمها حتى 12 الليل وهذي أوفر شوفي كيف احنا في السعودية نصرف مشاوير سواقين😓
المهم وانا منتظرة الترام وكان ناويه وقتها اخذ روحه ورجعة ماله داعي حق يوم كامل (الداي رايدر)لأني ماكنت حطلع بعدها المهم الا فجأة يوصل الترام وأحط في وحده بريطانية تناولني تذكرتها حق الداي رايدر 😳طبعا هي مافرقت معاها من يآخذها اهم شيء مارمتها في الارض أو الزبالة لانها عارفه انها ماراح تطلع من البيت
احنا عندنا البعض عادي يرمي النعمه في الأرض ولا يروح يوديها لمحتاج يستفيد منها 😔
والله يابنات انه سفرتي هذي عطتني دروس في حياتي كنت أجهلها،،،

الله يسعدك سامية هذا من ذوقك 🌹🌹

وياقلبي عليها كف من بداية حياتها😢
الله يهديه ويحنن قلبه عليها ويحببه فيها
ولا يختي خلي بالك وعذرك معاك أهم شيء مايأذي البنوته وانتي مشغولة 😔

ع البركة المشتريات منديله يتهنى فيها النونو يارب
عقبال ما تخلصي ع خير 💕💕

إشراقه مرره حلوه الألوان يتهمى النونو بالغرفه والله يتمم عليك قلبي


سوسو سارونه الله يسهل امرك ويعينك على دلع البنوته وغيرتها انا بنتي لسى صغيره سنتين وثلاث شهور وله فتره متغلقه مررره وماتبي احد يلمسها الا انا شكلها حاسه بشي
ساندرا ياقلبي ماشاء الله عليك ردك حكيم وعين العقل فعلا احسك انسانه رائعه ومحترمه وعاقله وتعرفين تاخذين حقك باحترام الله يصلح حالك مع ام زوجك


ام رهف ماشاء الله عليك ويعطيك العافيه ومعذوره ياقلبي على التعب انا الحين لو اقف شوي بسوي قهوه او شي خفيف اموت من ظهري ومن التحجر الله يرحمنا برحمته حاولي تريحين وتنظمين وقتك وربي يهون عليك