اخر مستجدات مع ولد طليقة زوجي

طبعا الكل هاجم عشان الموضوع وانا كاتبته لجذب الانتباه والحريم بعضها تتدخل في نيه جارة جارتها وهي ماتعرفها اعوذ بالله من سوء الظن
المهم انا قلت لكم على مساوي الولد
كاذب سارق ماوقفت علينا سرق حتى من راعي البقاله
ظالم يعمل مصايبه ويطشها على اخواته ومستحيل يعترف الا اذا انحشر عدل
مبتلي كياد
عينه طويله حتى ناس من الحاره يشكونه كم مره اذا اصبح الموضوع مشكله
الجديييييد الي اعتبرته القشه التي قصمت ظهر البعير
اكتشفت انه طوال ماجاني وسكن عندي وانا اخليه بالبيت عشان مايطفش ويضايقونه اهل ابوه طلع مجرد ما اخرج من البيت واول ماتغيب سيارة ابوه عن عينه كل مره اطلع وكل مشوار اخليه في البيت لو اروح اطعم ولدي واخذ بناتي يطير يفتح غرفتي وطلع عارف انا فين اخبي المفتاح وهاتك تفتيش في جميع الغرفه وسرق دبلتي وسلسال دهب والله ما املك ذهب غيرهم حقت ملكتي
وغير الفلوس والتعدي على اغراضي وخصوصياتي
واذا خلص طار لغرفة بناتي ويقتش وياخذ الي يعجبه ويخرج
طبعا انا لما اكتشفت قلت لابوه بس الي فقع قلبي انه صغر الموضوع وهو كبير ليش عشان يبغى يبلعني الموضوع وطفل وعادي اخطى مافيها شي
انا قلتله هذا ماسرق لعبه ولا شق رسمة اخوه
لما سالت الولد ليش قال احس اني انتصرت وانك غبيه
ليش لاني امنعه يدخل غرفتي انا وبنااي زي ماني منعتهم يدخلو غرفته
الي تخاف الله وتحط نفسها مكاني ترد والي بتتكلم من برجها العالي وتسوي مثاليه واحتويه وخافي الله كلن نخاف الله بس تحتفظ بردها لنفسها

24 تعليق 2,789 مشاهدة

شاركي في النقاش

سجلي الدخول لإضافة تعليق.

التعليقات

23
  1. @balathyr_ntsl

    موضوعك صراحه صعب يبي له اشوية شد من ابوه مع ثقه اليوم يسرق بيضه بكره يسرق جمل ابوه مصغر الموضوع وبكره بيندم انا مدري كم عمره اجلسي معه انصحيه بطريقه تحببه فيك وتخليه يخاف من النار ونظرة الناس له ابوه حاولي معه بس بدون عنف هذا قعد يسويها من وراكم الله يهديه ويفتح على بصيرته
  2. @aloan_1_1

    الله يصلحه يارب.


    الشد معه ماراح ينفع أبداً
    الشد بيزيد.
    إنصحيه خليه يحبك
    عامليه نفسه نفس خواته.
    ليش لما رحتي تطعمين طفلك
    ليش ماأخذتيه معك!! أخذتي خواته هو لا.
    عامليهم نفس المتسوى نفس الحب
    النصيحه أمسكيهم كلهم سوى وإنصحي


    الكبير عنده إحساس
    عاد كيف بزر وبعيد عن أمه
  3. @dmaatk_thbhtny

    طيب اكتبي ولد زوجي من طليقته ....






    مجرد كتابتك للموضوع كذا .. هذا دليل انك تحطي كل الحق ع امه
    وتاركه ابوه المسكين الضعيف الي ماله دخل بتربية الولد ..
    ابوه هو المسؤول عنه اولا وآخر .... يعني اكتبي موضوع كيف تخلي ابوه يحتوي الولد ويربيه ع الحب والاحترام لك ولبناتك ولجميع الناس ..


    ونفس الشي بناتك يحبو أخوهم ويقدروه ويشاركونه ألعابهم وجلساتهم ..
    ...
    بنسبه انه يسرق يمكن ابوه مقصر عليه بالمصروف يعني كثيررررر مثله كأنو عايشين بين امهم وأبوهم ومع ذالك يسرقون فلوس منهم ..
    ابوه هو الي يقدر يحتويه لا انتي ولا امه ..
  4. @molmh_bthkryaty

    بصراحه يعني لو انا مكانك من غير شر كان محاربته كل الحرب دامك قلتي طفل معناته طفل ناقصته عاطفه وحنان المفروض تعوضينه بحنانك عن أمه ولاتفرقي بينه وبين بناتك هذاك تقولي طفل يعني ماله لاحول وإلا قوه لاتعقدين الطفل وهو صغير وليش تزرعين هالاحساسيه بينهم وش فيها لو خليتيه يدخل غرفتك وغرف خواته المفروض ماتعالجي الخطاء ب الخطاء المفروض م وجهتيه ب إمكانك تلمحي له وتذكري له قصص عن السرقه وعن سلبياتها الأطفال يحبون الحكيات وش تبين زوجك يسوي له يوم تعلمين عليه والله حرام عليك وزين انه سكت هو طفل تاخذي بكلامه لانه يقولك انا انتصرت طفل بريء وإلا يدري عن الحقد وسواد القلوب كلمات يسمعها من غيره وإلا يفهم معناها وليش تروحون وتتركونه لحاله لانه مو ولدك وش بيزود او ينقص عليكم ادا أخذتوه معاكم مادري انتي تبين ألمساعده لاكن م تبين احد يقول الحق وانا اشوف ان هذه الحق تقربي منه ولاتزرعين بينه وبين اخوانه حززيات أشري له هداياء اهتمي فيه مثل اهتمامك بعيالك قبل ينام تعالي له وضميه وأعطيه بؤسه وخليه ينام على كلمه حلوه واسألي اكل تعشى تغدا أفطر حسسيه ب اهتمامك انتبهي تهتمي بعيالك قدام عيونه وهو تاركته ترى بيتقعد وبيزيد كرهه لكم الله يعينك
  5. @anyn_alsmt_18

    صح انتي تصرفك بالمنع خطى ليش كل ذا ومايدخل غرفتي واخواته هو يحس وزي ماتقهرينه بحركاتك جالس يسوي أي شيء كرده فعل حتى لخارج البيت الولد مكبوت يعني بالله وين تبغينه يودي ولد الشارع ولايضربه عشان خاطر عيونك يااختي اتقي الله فيه وعامليه بما يرضي الله مو يرضيك ......

تابعي تجارب أخرى من هذا القسم.