ذباب الفاكهه .... وشش الحل معه؟

الله يعينك

مشكورين ع الردود
الله يسعدكم يارب
الحمد لله خف عن اول كثير والله ماني عارفه اي طريقه بعد الله خلصتني منه

انا سويت كذا طريقه اتوقع الي جابت نتيجه معه

حطيت بقارورة موية صحه شوية فيري وملعقتين سكر وملعقة خل تفاح ونص القاروره مويه

وجلست كم يوم وحصلتهم الله ياخذهم داخل القاروره متجمعين ومييتين

وزعت القوارير بكذا مكان بالبيت تجذبهم الريحه ولادخلوا مايقدرون يطلعون

وبالحمام وانتم بكرامه ركزت عليهم بالريد الي بدون رائحه كل ماشفتهم بخيت عليهم

والله يكفيني شره يارب

بودرة بف باف اكبه ع اكياس الزباله ومكان تجمعهم ماعاد اشوفه بعدين...

رفع

وعليكم السلام ورحمة الله وبركاته
اول ماتشترين خضار وفاكهة غسليهم ولفيهم بالنايلون الشفاف وحطيهم بالثلاجة ، يحفظها لك + يبعد عنك الحشرات
- طلعي كل شي بالفريزر والثلاجة ونظيفها ودخلي كل شي فيها نظيف .
- نظفي المغسلة زين والصفاية عقميها بملح وخل او اي معقم ومنظف عندك
- امسحي البلاط والجدار والاسطح بمنظف واخر شي رشي بيكربونات الصوديوم بالاركان او بودرة الحشرات
- الزبالة الله يكرمك لازم تنغسل لو مرة بالاسبوع ورشيها من تحت بالبودرة او بيكربونات الصوديوم
- قبل تنامي حطي بالبلاعات كلوركس
هي غالباً تجي من البلاعات او الخضار والفاكهة خليك حريصة ع غسل الفواكه والخضار قبل تدخلينها ثلاجتك ، اهتمام اسبوع بس وتشوفين النتيجة باذن الله اهم نقطة لاتهملين التنظيف يوم بيوم نظفي هي تتجمع ع بقايا الاكل او الفاكهة والبصل والبطاطس ، والله يجعل بيتك آمن ويبارك لك فيه💜