شاركي في النقاش

سجلي الدخول لإضافة تعليق.

التعليقات

27
  1. @aaoatf_trky

    صغيرتي نور عيني 🌺
    يعني تنتظره لين يوصل للزنا يكفي انه يطلب منها صور غير محترمة و كلامهم كله غير لائق و دام انه في علاقة محرمة هذي خيانة زوجية لو انه بالحلال كان قلنا شرع رب العالمين حطي نفسك مكانها و قولي لنا وش بتسويين
    عزيزتي اسهل الحلول واجبنها واضعفها الهروب
    الخيانه بالمكالمات او مواقع التواصل على الرغم من انها مصيبه وفاجعه بالنسبه للزوجه الا انها اخف بكثير من العلاقه الجسديه بالزنا شي مقزز وصعب
    وانا اشوف بدال الهروب كتخدير موضعي الافضل حل المشكله من جذورها
    على الاقل تبذل الاسباب المتاحه عشان اذا وصلت للطلاق ماتحس بالندم ولا تفكر في يوم من الايام انها استعجلت وظلمت نفسها وظلمت طفلتها
  2. @120arwa

    نصيحه مني انك تتطلقي طفله وحده ولا عشر ولا انك تسكتي ويكبر الموضوع
  3. @aaz_bdo

    شوفي الله يعينك والله قلبي على كف واخاف جدا من الصدمات بس يعني اقعدي مع نفسك وشوفي وضع قلبك معه اذا تحسين ان باقي له شي بسيط بداخلك عادي واجهيه وعلميه انك عرفتي وبدون صراخ وهواش لان الصراخ والهواش بيخليه يهاوش ويقول مالك شغل
    بس اسأليه قولي انت تحبني؟
    اش في قلبك لي؟
    وبعد هاذا كله وكثير اسأله تحبين تسألينه قولي ليش تخوني منو فلانه وليش وليش حاولي تحرجينه قولي وش ناقصني وش الي مو ملاقيه فيني انا شاريتك ليش تبيعني وبعدين انا حامل ببنت كيف تبغى الله يعديها ويصلحها وانت ابوها ذنوبك كذا وشوفي على ايش ينتهي النقاش يا انه يتعدل ويبتعد او يتركك تشوفين حياتك وحاولي تاخذين اسم حسابه وحسابها وشوفي مع الوقت اذا تعدل
    مدري هذا رأيي والله اعلم
  4. انا اقول لا تواجهيه بخيانته ترا انتي اللي بتتعبين ... وبنتك المسكينة اللي تروح فيها اذا طلبتي الطلاق ....
    ولا اعتقد ابداً انه بيتزوجها صدقيني ... هي مجرد شهوة لقى عندها الجرأة المنحطه وحب يفرغ شهوتها عن طريقها
    وبعدها بيتركها صدقيني .. انتي ياقلبي اذا جا ينام نامي معاه بحظنه لا تتركيه لحاله .. ولما يجلس على الجوال سوي شاهي ومكسرات وكذا وخذيها واجلسي معه .. اشغلي وقته .. بعد العصر قولي له يلا نروح عند اختك نزورها او امك او نقضي للعيال او نمشي في الحدائق .. واذا طلعتوا طولي في المشوار .. ارجعوا البيت متأخر وقولي له لازم تنام حبيبي الوقت متأخر ووقت النوم البسي لبس نوم قصير وخفيف بدون كلوت وصدريه ونامي معاه في حظنه لا تتركيه لحد ما تتأكدي انه فعلاً نام .. واذا نام شيلي الجوال من عنده ارميه تحت السرير او تحت المخده عشان اذا صحي فجاة ودور عليه مايلقاه ويرجع ينام وكمان عشان ماترسل له ويقوم يراسلها ... استمري ياقلبي على هذا الشيء .. شجعيه يكمل دراسته الماجستير او الباكلوريوس ... خليه يدخل دورات ... المهم لازم تشغلينه عنها .. اذا تركتيه لحاله وجلستي انتي تبكين وتقكرين بالطلاق والإنتقام هذا ماهو حل بالعكس بيزيد المشكلة تعقيد .. لاتهربي من المشاكل ... واجهيها وحليها ياقلبي ... ولا تنسي قبل هذا كله الدعاء والله العظيم ان اقوى حل لمشكلتك .. الدعاء الدعاء ثم الدعاء .... والصدقة .. وبالتوفيق ياقلبي💕
  5. روافي المدينة
    انا اقول لا تواجهيه بخيانته ترا انتي اللي بتتعبين ... وبنتك المسكينة اللي تروح فيها اذا طلبتي الطلاق .... ولا اعتقد ابداً انه بيتزوجها صدقيني ... هي مجرد شهوة لقى عندها الجرأة المنحطه وحب يفرغ شهوتها عن طريقها وبعدها بيتركها صدقيني .. ا…
    وايضاً اقولك يا اختي ان الرجال مايحب مواجهته بالخيانة ابداً ... يبغى يصير بنظرك على طول الزوج المثالي وصاحب الذوق والمبادئ 😎 .. عشان كذا انتي استغلي هذا الشيء وبدل ما تواجهينه امدحيه غرقيه بالمدح وانك سعيدة معاه وارفعي يدك قدامه وقولي احمد ربي الف مره انك من نصيبي وحبيبي وابو عيالي ... وانتبهي تعلمين اهلك وامك على خيانته انتبهي .. عشان ماتتغير معاملتهم له ... فلما يروح لاهلك امك بتستقبله بالإبتسامه والتراحيب وابوك نفس الطريقة .. راح يحس بالذنب صدقيني ... خليه يموت من عذاب الضمير ... بتصرفاتك وحبك له وتوددك له ومفاتنك راح يندم انه خانك .. قولي له ابوي يمدح فيك ويقول احسن ازواج بناتي وكذا ... قولي اخوي يسلم عليك ويدعي لك بالتوفيق ... لما يجي ينام سوي له مساج 😍 وخصوصاً السيقان والركب والأفخاذ .. صدقيني لها مفعول سحري عند الرجل وقبل النوم خصوصاً .... خليك دايم قريبه منه مو رقيبه .... خليه يحتاجك بكل شيء ... عوديه على شيء يحبه .. مثلاً المساج قبل النوم .. او تنامي بحظنه او او او ... عوديه على شيء صدقيني راح يسوي المستحيل عشان تسوين له ذاك الشيء لانه تعود عليه .... فكري ياقلبي قبل ما تتخذين قرار يهدم حياتك وحياة البريئة اللي في بطنك 😔..............

تابعي تجارب أخرى من هذا القسم.