المراره عذبتني ونكدت علي حياتي

مساء الخير بنات ،، طبعاً انا اول مره اكتب في المنتدى وجديده عليكم..
بس والله ي بنات مادخلت الا ابي الحل بعد الله عندكم
انا عندي حصى بالمراره لي 3 سنوات ومن قبل 5 شهور وهي متحركه علي ونزل وزني بشكل فضيع وصرت مآاكل الا اشياء خفيفه مره دهون وحوار مستحيل أكل واكلي وجبه وحده في اليوم تخيلوا وحجزت بسوي العمليه بس ي بنات في خوف غير طبيعي من العمليه وفكره اني أخذ بنج كامل عجزت اتقبلها واستخرت ودعيت بس للحين ربي مااكتب اني اسويها
انا تعبت وكرهت الجمعات والعزايم وكل شي وذبحني التفكير بهالمراره
ي جعلكم ماتذوقون وجعها ولا حالتي منها
ابي الحل ابي افتك من وجعها ابي أكل وانا مرتاحه تبهذلت منها تبهذلت
ريحوني الله يريحكم ويسعدكم
وأفكر شلون بعيش معها في رمضان يارب تصبرني عليها

10 تعليق 9,933 مشاهدة

شاركي في النقاش

سجلي الدخول لإضافة تعليق.

التعليقات

10
  1. @aayn_gary

    الله يشافيك يارب سوي العملية وبترتاحين بنت عمتي مثلك اذا كلت دسم يشيلونها في الاسعاف وتعبت تعب وفتتوا لها بالمنظار وحولوا بعض الحصى للمعدة وشي شالوه بالعملية والحمدلله هالحين طيبة ومتعافية عزمي ولا تترددين وجع ساعة ولا وجع ايام
  2. @khokhh_altfahh

    الف لاباس عليك اختي
    التعب ومايسوي للوحدة وكل تفكيرنا برمضان وشبنسوي واحنا نعاني
    المرارة حلها واحد وهو ازالتها بعملية بس انتي معك خوف هو الي مخليك ماتسويها الى الآن
    جربي شرب ماي كثير
    وكثري من البقدونس او اعملي منه شراب بقدونس لانه يفتت الحصى
    كذلك أوراق السدر تغلى ويشرب المغلي تزيل وتفتت الحصى
    اجتنبي الاجبان واقطعيها والالبان والاكل المالح والدهون والبهارات والفلفل الحار ولو تاخذي مكملات غذائية اقطعيها ايضا
    الله يكتب لك الشفاء العاجل يارب ولكل مرضى المسلمين
  3. @noossn

    صاحبة الموضوع
    الله يسعدكم يارب ماقصرتوا ي عمري انتم
    بس ابي حل معها ع الأقل رمضان ارتاح منها ومن وجعها ولا أفكر فيها😭
  4. @shm_fy_alkhyr

    السلام عليكم ورحمة الله وبركاته
    أسئل الله العظيم رب العرش العظيم أن يشفيك شفاء لا يغادر سقما


    أختي لازم تسوين العملية ومافي داعي للخوف توكلي على الله وتشجعي وأعملي العملية
    وأي خلطات ممكن تحرك الحصوة أو يكون في حصى صغير يدخل في قنوات الكبد يسبب مشاكل لا قدر الله
    حصى المرارة ليس كحصى الكلى ، أنتبهي من الخلطات الشعبية
    كما أن هناك خطر إنفجار الحويصلة المرارية لا قدر الله
    بادري بإجراء العملية
    وإلى ذلك الحين ، عليك بالرقية الشرعية بقراءة آيات الاستشفاء والأدعية النبوية المأثورة وأذكار الصباح والمساء والإستغفار والدعاء والصلاة على النبي صلى الله عليه وسلم
    أبتعدي عن الدهون مهما كان قليلاً ، وأي أكل فيه دسم ، حليب ، قشطة ، لبنة كل ذلك ممنوع بالإضافة للبهارات الحارة والفلفل والمقليات
    أكثري من شرب الماء والعصائر الطبيعية بدون أضافات والخضار المسلوقة
    مع دعواتي لك بالشفاء العاجل
  5. الله يشافيك
    اختي المرارة الحين صارت عمليتها مثل خلع الضرس وخاصة اللي بالليرز
    توكلي على الله وسويها وان شاء الله تتعافين
    جدة صديقتي عمرها94 تقريبا سوتها من شهر وبدون ليرز يعني جراحة عادية والحين الحمد لله هي تقول ما حست لا بالعملية ولا بتوابعها
    وتصيرن تاكلين كل شيء
    ربنا يشفيك
    وفقك الله لما يحب ويرضى

تابعي تجارب أخرى من هذا القسم.