خسرت أغلى صديقه شورو علي

السلام عليكم
انا هنا لاجل اخذ رايكم واعرف اني غلطانه اما هي الله يعلم عنها ويشهد الله علي ان ماعمري شفت ابيض من قلبها
بس نيتي انا السوداء


هذي بنت بالجامعه بعد ما خلصت التحضيري ودخلت التخصص جتنا في القسم الترم الثاني وكانت حامل معرفتي فيها دامت شهر
من يوم شفتها ارتحت لها رااااااااااحه لا توصف حتى هي قالت لي بعدين انا من يوم شفتك ارتحت لك
بعدين ما كملت معنا يمكن داومت خمس اسابيع واختفت خلال هالايام جلست معها قعدات خفيفه لكن لانها انطوائيه وغامضه ما قدرت اخذ رقمها
بعدين لما جابت ... قالت لي وحده معها علطول انها ولدت واعتذرت عن الترم لانها قيصيريه و مبكره واول مره تصير ام
المهم السنه اللي بعده لما كنت بثالث اول ما جت لزقت لها بنت انا مااطيقها واندمجت مع شلتهم مع انها مو مودهم نهااااااااائي البنت هاديه وعاقله وهم هبل وخراب
خلال هذي الايام كانت معي احيان ومعهم احيان وككان بييننا اتصالات خفيفه وطلعت معها في حديقه
خليت العلاقه سطحيه .. حبه حبه االسنه اللي بعدها الاخيره تركتهم وصادقتني بدتها بمكالمات طويله على الجوال في الاجازه وبعدين نسقت جدولها معي بعدين صارت ماتداوم الا وتتصل وتتاكد اذا ب اداوم او لا


كان الترم الاول لي بالجامعه روووووووعه وايام حلوه معها وذكريات وضحك وفرفشه
لكن حصلت مواقف ... قعدت بقلبي مرره
اول موقف : هي معها بلاك بيري وجوالها مافيه نمبر بوك ... قالت لي اعطيك رقم يزعجني شوفي مين يوم بحثت
طلع رقم اخوها بالكامل فلان بن فلان الفلاني ... وكان في اسماء مكتوبه بدلع ... مثلا اسمه ياسر ... طالع لي اغلب الالقاب ( يسوره )
عرفت انه هو اخوها واستغبيت .... ما صورت اسمه الكامل لانه اخر شي ... صورت اسم يسوره .. وقلت بنت اسمها يسرى خخخخخخ
عشان مااحرجها ب اخوها
اليوم الثاني الصباح ( قالت كلام ما له داعي ) قالت هذا واحد يوصف شكلي وعارف عني كل شي حتى مواقفي مع اهلي عارفها ( لاحضو تقولها وهي تضحك وتتبوسم )
قلت اكيد من اهلك ... ومع الجدال الطويل وانا اقول اكيد واكيد ويمكن بنت .... قالت ما عندي اخو اسمه ياسر .؟؟؟؟؟؟؟؟
اوك اذا متفشله منه ليش هالفلم علي .... ؟؟؟؟ اختبار مثلا ؟؟؟؟ انا فسرته انه حركة اختبار مع انه صدق مزعجها بس اللي قالك ماعندي سالفه اقولها


بعدها الوضع عادي نضحك ونسولف وانا احلل الموقف في ذهني


كان بييننااا صديقه ثالثه هذي ناشبه لي من يوم دخلت التخصص عمتها كانت صديقتي زمان ووصتني عليها وياليتني ما عرفت عمتها وتوهقت فيها
البنت هذي النشبه مالها شخصيه والبنات ماخذينها طقطقه لانها هياط درجه اولى
وكننا مانعبرها البنت عزمتني على زواج حماتها .. ولا جابت لها طاري حتى ولا وحده من البنات الباقيات قالت لها
تبادنا زيارات البيوت ولا قلنا لها
طلعنا كذا مره السوق الحدايق ولا قلنا لها


المهم
انتهت الاختبارات الترم الاول .. وكانت قبل الاختبارات صديقتي زارتني .. والنشبه ما عزمتها هه
بعد السهره صديقتي تعبت وطلعت حامل و اتوقع بينها وبين زوجها مشكله وقطعت شريحتها كانت عامه صارت ماتدق بس الشريحه شغاله
خلال فترة الاختبرات كانت تخيلو اهلها في محافضه قريبه يمكن 200 كيلو كانت لما تصير ايام فاضيه بين الاختبارات تروح لهم
وقل تواصلها معي ... بديت افقدها واحسسس فيها شي
حتى ايام الاختبارات بعد الاختبار عالبيت علطوووووووووووول
كانت تراسل عالواتس خفيف مو على عادتها


مشكلتي اني شرهت ورحت اعاتبها عالجوال بالواتس ... ياللي ساحبه علينا ولا تسألي من هالكلام
ردت علي رد قاسي قالت انا تعبانه يعني الواحد مايتعب وبعدين لو مابيك كان ماجيت سلمت عليك


المهم بدا الترم الجديد وتقابلنا عااادي واخذتني بالاحضان ...
المشكلة وين النشبه مسويه مصلحه اجتماعية نشبت للبنت نششششببببببببببه تقول لها والله شكلك حامل امانه صدق هههههههههههههه
البنت قالت لها ايوه بدون نفس ومالومها قالت والله انا كنت حاااااااااااااسه حتى فلانه ( اللي هي انا ) كانت زعلانه عليك وتقول ساحبه وانا اقول اعذريها شكلها تعبانه ...الله يسلط عليها
قالت انه انا ادور الزعل دواره وخليها لا تقولي لها لانها لو تدري من غيري راح تزعل
المهم جت النشبه والدبوس علطول علمتني وقالت لي لا تسأليها انتضريها تقولك
صارت بعد الموقف ترجع للشله الاولى وتسأل احيان
انا ماهمني وعلى شحم بديت اسحب عليها وارجع لصديقات الثانوي
بعدين مره قالت لي وينك وجيت جلست معها مع انها معي صنم ومع البنات الثانيات يطلع لسانها المهم جت وحده من البنات قالت لها ماشاء الله سمنتي قالت زايده ثمنيه كيلو وانا شايفه الكرش ياعالم وساكته
قلت خل ابارك لها قلت مبروك ما ردت سكتنا قالت توني مو كثير ؟؟؟؟؟
المهم بعد الكلمه ذي خليتها ما تشوف وجهي اسبوعين
جت عالواتس قالت وينك قلت هنا بس مدري من سااااحب ... الكلمه ذي رجعتها زي زمااااان تتصل كل يوم وتسأل اذا اداوم او لا
المهم تخرجت وهي باقي وحسيت فيها غيره انه انا تخرجت قبلها ... ولا شفت منها هديه ... حتى مبروك التخرج احس بالعافيه قالتها والله اعلم
المهم حذفت الواتس شهر 8 ولما رجعته لقيتها كاتبه فيه امانه خلينا نطلع مكان ... ؟؟ طبعا ماجابت طاري النشبه
بعدين جاء رمضان وانا الموقف ليسا بقلبي ( اجل تبشر الكل وانا تحرص علي ما ادري )
لمن سألتها ليش .... قالت كلام فهمت كل الطبخه وحطتها في راس النشبه قالت ما في غيرها
واجهت البنت لكن النشبه مسويه فيها طيبه وهي ما في العن منها طلعت نفسها برائة
اللي صار .. ان صديقتي لما جابت انا الوحيده اللي بشرتني والعالم الباقيه عرفت مني وخصوصا النشبه
بعدين كمان لما صارت حفلة المولود عزمتني بس انا وقلت دام الموقف كذا خللاااااص ب اروح ولا كن شي صار


لكن يا بنات انا قلبي ما ينسى بديت اتحسف اني رحت
* اقول ليش ما قالت لي
وليش سوت معي موقف الرقم
وليش تسحب علي وتروح لشلتها
قعدت ادقها بالكلام وجمعت لها المواقف وواجهتها فيها بالجوال
موقف رقم اخوها
سالفة تسحب علي وتروح لهم بعد ما فرقت بيينا السوسه
وكل مره اقول لها شي ...... يزعل ..... تواجهني بالتجاهل وما ترد علي ولا تقرا مسجاتي .... كانت مشتريه راحة بالها عني لكن لو راضيتها ترجع ولا كن شي صار
يا بنات احسسسسس في علاقتنا زي العين احس اني اتصيد عليها الاخطاء
عاتبتها على سالفة تخبي حملها وراضتني وعرفت الحق لكن هذا الشي ما برى ا اللي في قلبي ( ابليس لعب فيني لعب )
دورت عليها زلات وزلات وغلطت عليها وكل مره اعطيها كلام قوى ( ثلاث مرات عدتها لي وترجع بعد كم يوم ولا كني قلت شي )
رابع مره ... وجهت لها كلام قالت لي كلمه وحده بسسسسس .... بنت انتي قاعده تضلميني .... وصارت تتجاهل مسجاتي اتحسف وارسل اعتذارات وتقراها ولا ترد الا بعد ماخذت عمره ودعيت ارسلت واسطه بيننا ورجعت تمام


لكن هالمره رجعت لي ... بس حاولت ارجع العلاقه اقوى ,,, اعزمها تطلع اعذار من تحت الارض ... ومخليه العلاقه واتساب بسسسسسس
رجعت اقولها ليش انتي صايره كذذذذا صارت تعطيني كلام بالجبههه
اخر شييي واجهتها بسالفة الرقم ................. قالت لي لك رب يحاسبك ياام نيه سودا واعطتني حضر


هالمره ارسلت واسطه ترسل لها كلامي لها ..... بنات اقسسسسسسسسسسسسسسم بالله احس نفسي قبل كاني في غيبوبه مو انا كن معي عين
الحين صحيت على نفسي واتذكر مواقفي مع البنت واقول لا مو معقول اللي صااااااااااااار
كانت علاقتها معي قويه ما تعزم الا انا ولا تطلع الا معاي حتى حالات الواتساب ما تحطها الا عني او عن صديقه لها قديمه اما بقية بنات الجامعه ولا فكرت فيهم ماخذتهم سوالف دوام وبس
احسسسس الشي ذا من يوم صرنا صديقات بداو يقزوووو ويطالعو نضرات ماحد عاجبهمممم


الحين الهرجه ايش لاحد يهاوشني انا بديت اندم ةاحس اني ضلمت البنت بسوء الضن


ابغا اعتذار مابعده خطا .... ولا راح اكررهاا وهي اذا تقصد ولا ما تقصد هذا شي راجع لذمتها ....
فكرت ارسل لها هديه لحد باب بيتها لكن هي بسكن عسكري وممكن بالموضوع احراج لكن لقيت حل ثاني اعرف بنت بالجامعه ذي مصلحه اجتماعية وقلبها ابيض
اخليها تكلمها ع اساس عازمتها في مكان وانا اجي مدرعمه عليهم واعتذر لها اتوقع ماراح امسك نفسي من البكي
وطبعا في كوفي يكون اتفق معهم على قاتوه وكذا


هالكلام اسويه متى على العيد او في رمضان حسب الضروف