شاركي في النقاش

سجلي الدخول لإضافة تعليق.

التعليقات

2,011

  1. @am_asyl_alhgazyh

    جديدي
    الحمدلله يارب ان الحساسيه الي بمنطقه الحفاض
    خفت من ولدي بنسبه 80٪
    كنت اغيرلو الحفاض اول باول
    وبعد كل تغير كنت احط كريم الحفاض الي من سيباميد
    على المنطقه وبالغيار الثاني احط بودره سيباميد
    يعني بالتناوب مرا كدا ومرا كدا
    والحمدلله يارب حبيت النتيجه
    وكنت امسحلو المنطقه بالمويه ومناديل
    اجيب كاس بلاستيك ومناديل ورق وابلل المناديل
    واعصرها شوي وامسح المنطقه بشويش بالمناديل الي فيها
    المويه وبعدين امسح بمناديل ناشفه
    .
    .
    ومن ناحية الاستحمام
    في بكري اصيل كنا نحممو بالمغسله
    بس هذي المرا اتغيرت القوانين عند ماما
    صارت تحممو بالغرفه
    تجيب مفرش وتحطو عالارض وعليه بانيو صغير حق اطفال
    الي ماعندها بانيو ممكن تجيب طشت صغنن
    وفوق البانيو احط اسفنج الاستحمام
    واجهز جمبي مويه وكوب بلاستك عشان انا احط المويه على ولدي
    وماما تمسكو وهي الي تحط الصابون اول شي بالجسم
    واخلي يدي خفيفه سريع سريع عشان لايحس ببرد
    والشامبو حطي نقطه بس عشان لاتكثر الرغوه وتحتاسي
    واحط مويه بيد ماما وتشطف شعرو
    واخر شي تمسح وجهو بالمويه وعلى طول يتغطى
    واكون مجهزه الملابس الي يلبسها والحفاضه جمبي
    عشان ماياخد برد
    واهم شي الغرفه تكون دافيه يعني لاتكوني قبلها مشغله المكيف
    لان الغرفه رح تاخد بروده
    ^
    حبيت افيدكم 😊
    .
    .

  3. @nbd_sbtmbr

    اعوذ بالله 💔 متضايقه كثير وندمانه ما رجعت اولد عند اهلي وسويت نفسي قويه 💔


    2 رمضان اكمل شهري التاسع وماعندي اي بوادر ولاده !
    من السادس ما اقدر اصلي واقفه ولا اسجد
    اليوم غصبت نفسي وصليت وسجدت من غير كرسي
    جاني وجع قلت خلاص جا الفرج ! نمت صحيت مافي وجع و الإفرازات اختفت تماما !


    خلاص تعبت وثقلت و الحرقان هلكني و جسمي ذاب من المويه الحاره 😪😪 ولا فاد و الجماع كل يومين مره
    ولا فاد 💔 كلمتني الميدوايف تقولي الين تاريخ 6/6 ميلادي لو ما ولدتي طبيعي راح تكوني عمليه !




    ادعولي يا بنات 😭😭😭😭

  4. @ashrak_anth

    يسعد مساكم حبايبي 😊
    واللي تحمدوا بوصول الوالدة الله يجزاكم خير
    الحمدلله حسيت الدنيا نورت وبناتي مبسوطين ربي لك الحمد
    هذا غير أن أخويا اللي في جدة جاء اليوم كمان وجاب لي مفرش النفاس حقي والبراويز وسلم ع الوالدة ودوبه رجع جدة الله يحفظه ماقصر
    خزامى
    الله يرفع عنك المغص حبيبتي والحمدلله ع سلامة تميم
    ولاتزعلي نفسك إنتي وبيسان أنتم السابقون ونحن اللاحقون أنا كمان من منتظرة حتى رسالة من أهل زوجي 😂وبيني وبينكم كل واحد يعمل بأصله
    وقالوا في المثل عندنا إن كان تبغى تعرف أصله دلايله فعله
    وأهم شيء قومتكم بالسلامة وفرحتكم في أطفالكم😘
    رتوشا
    🎊🎉🎉ألف الحمدلله ع سلامة ومبآرك ماجاك يتربى بعزكم يآرب ويرزقكم بره وصلاحه🎉🎊🎊

  5. @am_osam_11

    نبض سبتمبر
    اعوذ بالله 💔 متضايقه كثير وندمانه ما رجعت اولد عند اهلي وسويت نفسي قويه 💔 2 رمضان اكمل شهري التاسع وماعندي اي بوادر ولاده ! من السادس ما اقدر اصلي واقفه ولا اسجد اليوم غصبت نفسي وصليت وسجدت من غير كرسي جاني وجع قلت خلاص جا الفرج ! نم…
    ربي يكتبلك ولاده سهله ميسره يااارب بدون عمليه

تابعي تجارب أخرى من هذا القسم.